وزير الزراعة يفتتح معرض الزهور بكل إهتمام! وكيلو الطماطم طار السماء!
 

الجرجير غالى
الطماطم اغلى
الملوخية غالية
الفول والعدس، اصبحوا وجبات فخمة!
علف البهائم غالى بنسبة للرعاة والزراعيين
حتى البرسيم غلى!
طبعاً ماعاوز اجيب سيرة ''الالماس'' واقصد الفواكهة!!
لان الفاكهة اصبحت لمعظم الاسر حلم يصعب تحقيقة!! الان!
و''سعادة الوزير'' مُهتم بمعارض وزراعة الزهور والورود!
حسبى الله ونعم الوكيل فيكم!

:confused::confused::confused::confused:

معرض الزهورالسنوى ما عندو اى علاقة بالوزير ولا بالانقاذ
عمر المعرض عمره 75 عاماً...وهو مهموم بنشر ثقافة
الجمال والزينة..حضور الوزير للافتتاح شكل رمزى وعادة فقط

نكشة
مبيعات الزهور *
2012 $27.8 billion
2011 $26.0 billion
2010 $25.9 billion
2009 $25.7 billion
2008 $28.9 billion
2007 $30.3 billion
2006 $29.8 billion
2005 $27.8 billion
2004 $25.4 billion
2003 $24.2 billion
2002 $24.3 billion


*المصدر
U.S. Bureau of Economic Analysis, July 31, 2013 revision

سلامات امير،
لكن عندهم علاقة بالامن الغذائي ''للاغبش''!
كل دقيقة قضاه هذا الوزير فى هذا المعرض الزهورى بتخصم من غذاء المواطن! هل إنتهت مشاكل اسعار الخضروات الاساسية عشان ''الاغبش'' يقعد ''يشمشم'' فى الزهور ويتصور بيناتهم؟!

فى هذا التوقيت!!:confused:، إضرابات سياسية وامنية ومعيشية!!
لو فى كلمة اعمق من ''بدعة'' لكنت كتبتها..!!''الاغبش'' مهموم بملء ''قفتة'' من الخضروات!!

فى اشياء اهم من المفترض يحضرها هذا الوزير!!

البلايين دى تابعة للامريكان!
كدى ''انكشنا نحن ديل'' وشوف صادراتنا من الورد!!
*نكشة اقصد بالمناسبة: انا كسودانى الاصل والفصل، عمرى ماشفت لى ''محل او كشك ورد وزهور'' شفت محلات واكشاك خضروات وفواكة! لكن ورد يعمينى! على فكرة انا من مواليد امدرمان،
*نكشة آخيرة: عمرى ماشفت لى عيان سودانى جابو ليهو ورد وزهور!!
*آخر نكشة :امنيتى اعرف فيماذا يستخدم السودانيين الورد،
*عيب لى ''صباح الخير'' والجهنمية! مالن؟ لمؤاخذة بعيشن بموية البلاعة!:gap:
!
تحياتى...واشكر مرورك المعطر بماء الورد.

يا حبيب شمشمة شنو اللفة والحسبة بسيطة ممكن زراعة الزهور وتصديرها للخارج
تدر للبلد بلايين الدولارات زى ما فى اللستة الفوق دى واخير من زراعة
"حاجات " تقاويها فسادة:tongue:
نكشة
مبيعات هولندا من الزهور فى عام 2013 بلغت 7.13 بليون دولار

مادام فى مشكلة الناس تفش للحلول الممكنة وفى متناول الايادى... تستورد دول الخليج زهور بملايين الدولارات سنويا ليه ما تكون لينا "خمشة" منها:biggrin:

لو كنت فى محله كنت افتش فى بدائل
نكشة
فى رفاعة عندنا معرض زهور سنوى وساعد ربات بيوت كُثر فى زيادة دخلهم عن طريق إنماء وبيع الشتول

تابعة لى منو ما مهم الاهم هى تجارة ممكن بمواردنا المتوفرة
نكون مكون اساسى منها
:eek:
ما شايف انو عيب نتعلم نهدى زهور للمرضى .. لكن خلينا نبدأ الموضوع
كتجارة وواحد من البدائل لحال الزراعة الخربان
ما داير اقول مرمى الله ما بترفع لكن اسوى شنو :075:

وعليكم السلام ورحمة الله وبركاتة، الحبيب عبدو منصور،
ومساك معطر برائحة ''الريحان'' البعيش ملح فى كل بيوت السودان.
يا زول انت زولى تب! حكيك طاعم وساهل الهضم، برغم من اختلافك انت معى فى وجهات النظر،بالنسبة للزهور والورود!!(كنت معانا، وبزيارة وحدة لمعرض الزهور بقيت مع الخيانة)!
عارف يا عبدو
واسمح لى اسهب شوية فى الكلام،
اخوك الان متواجد فى اكبر مدينة منتجة ومصدرة ومستقبلة للورد والازهار فى الكرة الارضية، هى مدينة leiden وضواحيها بهولندا،
الازهار هى ثقافتهم وتجارتهم، ونحنا ما عندنا ثقافة لها ولا تناسب مُعتقداتنا ولا بئتنا، ولا عندنا حيل لتجارتة ولا جونا بساعد على ذلك! فاذا مافى لها داعى، واحسن نحسن شئ اهم ومفيد من رحم بئتنا مثل:الفول السودانى والسمسم والقطن والصمغ العربى! وركز بذات فى الصمغ العربى ومدى تجاهل الدولة به، اما الكركدى دا قصة لحالها، اخ عبدو ماقام بة هذا الوزير ''بدعة'' وإستخفاف بحقوق الاغبش! هذا الاغبش بعانى من إرتفاع اسعار الخضروات واللحوم والالبان ومنتجاتة! وحضرة هذا الوزير مهتم بالازهار!!! ياخ انا ماعندى إعتراض ولكن اول شئ ''اشبع'' عشان اقدر ابقى رمانسى واستمتع بالازهار والورود! فى ذمتك ياعبدو فى زول جيعان بكون رومانسى ؟:wink:
غايتو اجمل شئ فى زيارتك للزهور هو تطيب خاطر ''مدام'' حضرتكم!
وانا متاكد لو قلتلها بانك كنت فى معرض الزهور..لتغير الحال، ولكانت انصحتك بذهاب إلي سوق الزنكى او سوق الخدار!!،:biggrin: :biggrin:
ربنا يديم السعادة والمودة بيناتكم بجاه الحبيب المصطفى (ص).

تحياتى يا رائع.