بنحِبّ الْحياة .......
 

الشَّارْعْ الْقَدَّيمْ

ذاتْ مَرَّةْ في الشَّارْعْ الْقَدَّيمْ
الشًّارِعْ الْماهْلْ الطَّويلْ
الشَّارِعْ الصَّابِرْ جمييييلْ
شارْعْ الْحَياةْ،
بِتَّ الْكَلِبْ
ورَّتْنا لامِنْ قُلنا بَسْ
قرَّتنا لِلمَرَّة الألِفْ
سِفْرْ الأسَفْ .....
لكِنْ عَجَبْ
لِساتنا بِنحبَّ الْحياةْ
لِساتنا غاوِيينْ التَّعَبْ ..... !!!!

عصام عيسى رجب – الثلاثاء 28 يناير 2014 م

http://www.youtube.com/watch?v=9C_iY4dyl9o#!

لسه بنحب التعب يا ود عيسي رجب

لسه بتحب التعب

لا حولة ولا قوة الا بالله ياخ

للحين ما لميت في هشام والله ولا الشارع القديم

الليله لو الله هون قواسي الرياض حالاقي ود شيخ الدين

سلامين ناصر،

اليوتيوب ما أشتغل ليك ولا شنو ....؟!

جرب تاني وأسمع، وسمِّعنا رأيك ......

با المناسبة، هشام اليومين دي في الرياض .......

لا اله الا الله ياخ
تصدق انا رابط الفيديو ما عفصت عليه الا بعد تنبيهك ده ..

هشام كمال الزول الجميل ده انا اتصلت عليه اول امس وقلت ليه انا في الطياره الان متحرك من جده جايكم
حالاقيه حتما

دعني اشكرك علي نص الشارع القديم

فقط اود القول بان الشارع القديم
الان هو مكتظ بالبسطاء .. هادرين .. ليس في وجه الطغيان الحاكم
بل في وجه الركض خلف المواصلات
خلف الرغيف
خلف ماسورة الموية القاطعه
خلف سخانة الجو وسخانتة الجيب
راكضين هادرين ضد انعدام الاخلاق في الوطن الجريح
ضد اللاااااا معقول في كل مناحي الحياة هناك

ما عاد الشارع القديم يحلم يا عصام بغد قادم افضل
فالاحلام قد غادرتنا وهاجرت

انا لله ياخ انا لله