شنـــــو ...؟
 

شنو في العامية السودانية اداة من ادوات الاستفهام .. ولها عدة وجوه .. فمثلا :
- ده شنو ..؟ بمعني ما هذا ..؟
مثال :
ده شنو الغباء ده ..؟ ما هذا الغباء ..؟
- قال شنو ..؟ بمعني ماذا ..؟
- عشان شنو ..؟ بمعني لماذا ..؟
- في شنو ..؟ بمعني ماذا هناك ..؟
- جاب شنو ..؟ ماذا جلب معه او ماذا احضر معه
- بي شنو ..؟ بماذا ..؟
- نلاحظ ان دلالتها او غرضها الاستفهامي يكاد تكون متشابها .. الا ان الجملة التي تأتي بعدها او قبلها توضح الغرض من الاستفهام .. هذا الي جانب بعض المؤشرات الاخري الغير مرئية ... كالحالة النفسية للمتكلم وتعابير الوجه وطريقة نطق الجملة نفسها ..!
- فمثلا جملة "ده شنو ..؟" .. يمكن ان تكون استفهاما عاديا عن شئ ما .. ويمكن ان يكون سوالا استفزازيا إذا دخلت عليها كلمة استفزازية او كانت تعابيروجه السائل او طريقة كلامه تدل علي ذلك ..!
ويمكن ان جملة استفهامية المراد بها التاديب او طلب الكف عن فعل غير حميد .. نحو "ده شنو البتعمل فيهو ده" .. وهنا لابد من المساعدة في توصيل الغرض من الجملة باستعمال تعابير الوجه وطريقة نطق الجملة نفسها ..!

بسم الله الرحمن الرحيم


سلام سردار ، تحياتى

تعرف يا بشير بقرأ كل المواضيع البتنزلا ،
ومبسوط من كونك ( بتحاور) فى حتات جميلة و( بتهبش ) جزيئات مهمة
مرات بكتفى ومرات بكون عندى رؤية مختلفة ،
فى مفردة شنو والتى يكثر استعمالها يشترك معنا الكويتيون ،
الشوام حذفوا منها حرفاً فصارت (شو) بينما الخليجين استعملو ( ويش )
فى ثمة تشابه بين حروفها ومدلولاتها فى كل الدول ،

ياريت تعمل ليك بوست واحد ،
سميهو قراءات أو اى اسم آخر يعجبك ،
وأرفدوا بوقفاتك وقراءاتك ورؤاك فى شتى المواضيع


تحياتى ،

اسعدني تعليقك هذا ومقترحك جميل جدا