نجوم الفيس بوك
 

زعلان منكم،
ما بتكلموني برقة وروعة الكتابة بالفيس بوك؟
زعلان

لقيت ليك بروف أمين ومجموعة كبيرة من الحردانين والمنهزمين بمنتديات الحوار، أصبحوا نجوم كبار بالفيس بوك!!
البروف يكتب: تناولت الفطور
713 لايك
وما في زول بغلط على التاني
الفيس بوك حنيّن
يا اخي، الفيس بوك دا أحنّ من منتدى عكس الريح زمان

:gap::gap::gap::gap:

وكان في زول غالطك، ممكن عادي تبلكو ويادار مادخلك شر :gap:

ما ظنيت يا خالد في غلاط، يا أخي، الناس وديعة وحليوة، من بكرة دي بنشط حسابي وبرسل للبديري طلب صداقة أبدأ بيهو المحبة وح أكتب في حيطتي موضوع عن: شقشقة العصافير فوق ثوب من العشب الطري وإبرتين من العبير، وخلونا نشوف لايكاتي ولّ لايكات البروف؟ وأنزل ليك صورة لي بقميصي الأصفر الجديد وخاتي يدي في خدي جنب النونات.

البروف ما بتحصّل ليك يا مستنير، حصّل مرحلة بقي ينزل صورة في الفيس يقول للناس بالله وجيه ولّ ما وجيه؟، كل الناس بتقول وجيه ومعاها لايك. فرأيي، قميصك الاصفر ما أظن يأكلك عيش مع البروف هناك. البروف بقي شيخ حلّة بهناك.

طيب عندي خطّة:
دخلت الفيس اليوم لقيت تماضر محتفية بصورتي، لو تماضر قبلت طلب صداقتي وأكيد بتقبل؛ بكون تقدمت على البروف كم نقطة؟ جاوب بصراحة

يازول البروف ده مابتقدر عليهو

مرة نزل ليهو صورة وهو لابس الشورت بتاع الكورة، يا زووووول الجكس ده اتردم ليك فوق الحيطة دي جكس من فوقه جكس من فوقه جكس، طبقات بعضها فوق بعض

عشان كده انت ركز على الاستنارة ونشر الوعي (يمكن) تقدر تنافس :biggrin:

تماضر اصلها من اصحاب البروف في الفيسبوك، نزيل صورتك ما حيصنع فارق، نصيحتي ليك حاول تنافس اسامة معاوية في الاوّل عشان تنتقل للمرحلة التانية، مرحلة خالد غالي مثلا.

حكاية الفيس بوك دى حتضطرك تغير إسمك تانى،
:tongue:
اسمك ماسياحى يااخى:smile:
أما موضوع الصورة فبنحلو ليك مؤقتا وندينك واحدة من صور خالد غالى تمشى بيها حالك الفترة الأولى لحدى ماأشرف السر يعمل ليك فوتشوب،
الزول دا مجرب فى المسألة دى بالأمارة أسأل البروف:smile:

كيف ما ح يصنع فارق؟
أها الليلة مشيت أشوف البروف مشى لحدي وين؛ لقيت الصورة أثارت الغيرة ولقيت واحدة متسلبطة في إنها قريبتي!! ورشتني وناس الونسة لحدي ما البروف قعد يمسح في مداخلاتها وهددها بالتبليك!!
أنا من زمان عارف روحي شيخ واول ما زول يجيب سيرتي وأنا غائب؛ بكابسو ليك أبو الشهيق.
يا بروف، بلك أبو الشهيق دا وإستمتعوا بالونسة الرقيقة.

جنس عوار لغة:tongue:

شكراً يا

دكتور زين
سائلين عليك

كضاب انا اسي جيت من هناك مسيييييييييييييييييييييييييخ وما عندو طعم زي بتيخ الخلا

والعجب يا زكي لمان في الخلا تغلط وتقرم حنظلاية واتّا قايلها بطيخة!