300 متظاهر فقط في محاكمة قيادة المعارضة......معقول يا ناس؟
 

الصور تفضح الحال
الصور الصادرة من الخرطوم و قد تم اتخاذها في لحظات اقتياد البطلين امين مكي و فاروق ابو عيسى لداخل قاعة المحكمة, صور تفضح ضعف المعارضة السودانية.
فاروق ابو عيسى ليس اي شخص, بل هو رأس المعارضة, و عندما يتم سجنه لعدة اشهر, و لا تصدر عن كل المعارضة اية حركة و لو رمزية لاظهار اعتراضها على اجراءات حكومة المؤتمر الوطني, ثم يظهر فقط عدد حوالي ثلاثمئة متظاهر لاستقباله و رفيقه امين مكي على ابواب قاعة المحكمة, هذا لا يحتمل!
فلنقلها بلا مواربة, ان عمل معارضتنا ضد النظام ا...عتمد بصورة اساسية على حالات التشنج و الهياج في الصفحات الالكترونية التي بشكل او اخر احتكرت العمل المعارض, و فرضت اشكال من العمل السياسي الاستعراضي الذي لا يهش و لا ينش. لن نحاكم ابو عيسى و لا الاحزاب لانسياقها الاعمى خلف هذا الخطل و الاستكانة, سيأتي يوم و يقيم الشعب السوداني كفاءة و قدرات اناس وضعوا انفسهم في قيادة المعارضة و قادوها بعقليات عفى عليها الزمن عندما يأتي الموضوع لتنظيم الجماهير و اختيار المعارك و قيادة الصراع مع الانقاذ.
نعم الانترنت يوفر وسيلة ثورية في عصرنا الحالي, و يهئ امكانات واسعة لتنظيم الجماهير لاحداث الفعل الثوري, لكن الانترنت عامل مضاف و وسيلة ثانوية لا يمكن ان تكون بديلا عن العمل المثابر بين الناس. لن تفلح المعارضة اذا اعتمدت على المظاهرات الافتراضية التي يقيمها بعض الناشطون امام بيوت السفراء السودانيين في عواصم اوروبا و الولايات المتحدة, و لن تخلق الصور الوجيهة التي يتخذونها مه هذه او تلك من وزراء او موظفي الوزارات او الاكاديميين في الغرب, لن تخلق قادة حقيقيون.
القادة الحقيقيون لاية انتفاضة او ثورة في السودان لا يمكن الا ان يأتوا من ازقة و شوارع و حواري المدن السودانية.
حوالي ثلاثمائة متظاهر من اجل مناصرة ابو عيسى و مكي مدني, ينبئ عن فقر في دم المعارضة و كساح في ارجلها و ايديها بين الجماهير.
ما العمل اذن؟ فلنترك كل هذا الهراء, و لنضع خطط محددة جدا لتدريب اعداد من القادة في الداخل, و لنستخدم كل الوسائل بما فيها الانترنت لتغذيتهم بالامكانات النظرية و العملية و العملياتية ليكونوا قادرين على تحريك الجماهير في اي وقت يريدون و لأي غرض كان.
بناء قاعدة واسعة جدا من الشباب و الكهول رجالا و نساء معدين فكريا و بطريقة منظمة و مزودين بما يحتاجون من ادوات الاتصال و التوصيل و على استعداد للتحرك في اي لحظة يطلب فيها قادتهم منهم التحرك.
في مناسبة مثل هذه, محاكمة رأس المعارضة, يجب ان لا نرضى باقل من مليون متظاهر امام المحكمة و ملايين اخرى في كل مدن البلد.
نحن على استعداد للتعاون مع كل من يريد و يستطيع العمل ضد الانقاذ للبدء في هذا العمل.

و كمان بنضحك على ناس المؤتمر الوطني في استاذ المريح!

بابكر مخير
سلامات

يا زول كيفن ماني مسلم؟
انا عارف الكلام البقول "غلبت الانقاذ" بأذن واحد احد.
(خت ليك ضمة فوق الغين.)

ببساطة يا بدرالدين معارضتك الحالية دي ما بتمثل زول

هلا حافظ حسين

المعارضة تمثل اغلبية الشعب السوداني دي مافي طريقة لانكارها
لكن المعارضة, في رأيي انا, انها ما شغالة صاح.
الضجة في الاسافير و مظاهرات السفارات ما حتبني قوة في الداخل لاقتلاع الانقاذ.
الانقاذ اعتقلت فاروق ابو عيسى و امين مكي مدني بعد رجوعهما للسودان عقب توقيع نداء السودان, لانها تعرف ان قائد سياسي معارض واحد في الخرطوم قد يكون اخطر عليها من الف معارض خارج السودان.
العمل داخل السودان هو السبيل الوحيد لاسقاط المؤتمر الوطني.
بس العمل دا ممكن يتساعد برضو من الخارج, ولو توفرت الارادة و حسنت النوايا و اعترفنا انه معارضة الانقاذ ليست حكر على حزب او جهة محددة, كما يظهر من الاسفير, ممكن يتعمل عمل كبير و مثمر لدعم الداخل.

مسحوبة

:biggrin::biggrin:

شكرا رأفت ميلاد علي المشاركة.
انت عارف يا رأفت قبل كم يوم جمعت عدد من كراكتيرات عمر دفع الله و كنت عايز اكتب رأي نقدي فيها-على الرغم من اني ما عندي اي علاقة بالرسم.
في اعتقادي كاركتيرات عمر دفع الله شغالة لصالح الانقاذ على الرغم من انه من كبار معارضي الانقاذ.
شوف الكراكتير الانت جبتو هنا دا كمثال. عمر يرسم الشعب السوداني راقدين على بطونهم و عمر البشير شايل سوط و يؤشر لهم ليصوتوا له و هم بكل خنوع و خضوع شايلين بطاقات تصويت تقول "نعم".
المؤتمر الوطني لو ضرب رأسه بالسما ما حيجيب ليهو فنان يعمل ليهم بروباغاندا اكثر من كدة!
الشعب لا يجب ان يصور في هذه الحالة البائسة و المحقرة ابدا.
عشان كدة انا في البوست دا قلت مفروض يتم تدريب القادة.
ياخ عمر دفع الله دا ما قرأ كفاحي بتاع هتلر؟ البروباغاندا دي اهم شئ في المعارك السياسية, و ما ممكن تضرب الرصاص على رجليلك بالطريقة دي ياخ.
قاعدة تعجبني كاركتيرات واحد اسمو ود ابو واضح انه فاهم هو بعمل شنو.

بعدين يا رأفت ياخ تخت دعاية المؤتمر الوطني في البوست حقي ليه يعني؟ انت قايلني بدر الدين اسحق و للا شنو؟ هههههههههه

:biggrin::biggrin::biggrin:
قريت أسمك ورديت قبال أقرا المداخلة غايتو قول لىّ أسحب الدعاية بنفذ طوالى

دى ياعم رأفت زى مداخلة عمنا فتحى ليك ديك لامارفع فيها راسو لحدى ماشاتا:gap:


______
بدر ياصاحب,

الاسلحة التى تم استخدامها طوال ربع قرن اتت اكلها:
-إحالة جماعية للصالح العام فى كل المفاصل المهمة فى الخدمة الوطنية والمدنية
- مطاردة واعتقال وقطع عيش وإجبار الالوف للهرب, حتى خلت الساحة تماما لممارسة مالايخطر على بال بشر بعد غياب شكل التمدن والمعارضة وكل أنواع الرفض المسالم المنظم والسياسى والذى كان سيقود صراع سياسى متكافئ وعادل
تكون فيه الغلبة لمن يقنع الشارع..
ان الامل جد قليل,
وتشغلنى مقاربتك التى قمت بها حول تصاوير الفنان الكبير عمر دفع الله كثيرا..

لقد أثرت نقطة حساسة جدا,
فأحيانا تشكل بعض أعمال الرفض نوعا من الدعم لهذا التهريج الغير العقلانى القائم

من تبقى قابضا على الجمر

كاااااااك
مسحوبة

ياكبير:biggrin:

:like2: