سودانيات .. تواصل ومحبة - نـــفـــاج الاســــم والمـــعنـــــي

هو ما يطلقه أهلنا في السودان علي الباب الداخلي الذي يقود الي بيت الجيران ليخلق منهم ‏أسرة واحدة كبيرة وحوشا واسعا ممتدا.. ونحن نريد من منتدانا أن يكون كذلك: نافذة ‏مطلة علي الوطن وشرياناً دافقاً ورباطا وثيقا بين الوطن وأبنائه بين ربوعه الحبيبة ‏وفي مهاجر الشتات والاغتراب بين الأهل والأقارب الأصدقاء هذا المنتدى بين ‏أيديكم ابقوا عليه عشرة.‏

الهكر والكبرت على والفاض عن الحاجة
والكبرت على..‏
‏ والفاض عن الحاجة‏
المنسي في الدولاب والجوا تلاجة
والفي الزقاق مركون فردا وأزواجا
الكرسى في الحمام .. البمبر المكسور .. او
باقي دارجة
وال.. بالهوام مسكون والارضه وازعاجها
ما كان غداً حيكون للصابر الممكون..‏
يسدوا كم فرقة
و يسدوا كم حاجة
الناس إذن بالناس.. ماتقيفوا فراجا
خوفي المدن تنداس.. لو دونما احساس
اتعلت ابراجا
كم من ولد.. لا ام.. لا بيت.. ولا حاجة
ياحليلو ما بيحلم .. مدرستو قد فتحت..‏
قداموا ادراجا
ولا بحس بالعيد.. لو مرّ أو ما جا‏
يتوسد الطرقات والحمى سهراجه
هوج الرياح في الليل .. ساكيهو كرباجا
الجمرة تحت العين .. مابكرة نتفاجا
الغبن ذو حدين والفتنة مزواجه
الواحَد يبقي اتنين والستة افواجا‏
طقس التسامح زين
القمرة وضاحة والشمس وهّاجة
فلتفتح الاديان بيناتنا نفاجا
نتدفا بالحسنى وبالسلم نتناجى
كل العشم ياريت..‏
ما يبقي زول محتاج.. ماتبقي محتاجة.‏

شعر استاذ محجوب شريف