الرصاص قبل الفطور بامدرمان
أفادت أنباء مؤكدة وقوع أطلاق نار
في عمارة بالموردة مستأجرة لأحدي حركات دارفور ، وقد شوهدت بعض الآليات العسكرية بالقرب من الموقع ياربي تجيب الأمور علي بر السلام لكن كيف ؟؟؟ دي المشكلة هل فعلا سنصل ألي بر آمن يلتقي فيه كل السودانيين بأختلاف مشاربهم وأعرافهم وتقاليدهم وسحناتهم و كريم معتقداتهم ودياناتهم وثقافاتهم ولهجاتهم وأحزابهم ؟؟ السلاح صار يحمله الجميع، لماذا ؟؟ حتي داخل أحياء العاصمة القومية وشوارعها وأزقتها ؟؟ هل هذا سيقود ألي الأمن والسلام ؟؟ أم أن هذا سيقود ألي حرب أهلية داخل العاصمة ؟؟ وعندها ، فأن العاصفة والطوفان لا تفرق بين مسلم ومسيحي أفريقي وعربي ،رجل وأمرأة كبير وصغير خفير ووزير يميني ويساري جاهل وجامعي هل نقف مكتوفي الأيدي ليعم الطوفان والخراب ؟؟ وعندها ستلعننا أجيال لاحقة لسلبيتنا ووقوفنا متفرجين والسودان يقتطع من أطرافه حتي وصل سنتر الخرطوم يديكم العافية |
دكتور ..
يعني الموضوع ما شخصي؟؟ سياسي؟؟ فيدنا بالمستجدات ... |
دكتور سيد
سلامات قلناها زماااااااااااااان أرجع لإرشيف سودانيات الأخضر وكان ذلك في حادث مشابه بالكلاكلة. وقلناها أيضا هنا وبرضو أرجع للإرشيف بتاع المنتدي ده وبنقول كمان (هو القول بي قروش)؟ "تحت الرماد وميض نار" وسيكون الحريق أكبر من مؤامراتهم الدنيئة الصغيرة يا صديقي وسيموت فيها الأبرياء. |
حسب ما وصلني من معلومات أن معركة نشبت بين قوات القائد مناوي والشرطة
حدث فيها اعتقالات وأسر لعدد من الجنود بالمقابل من قبل قوات مناوي. بعض الأصوات فرحة واعتبرت الأمر انتصار لمناوي؟؟؟ ما يحدث هو الجنون بعينه فمناوي وضع نفسه بين فكي الأسد وهؤلاء حلفاءك يا سيد مناوي !! وأنت وسط قوات الحكومة الضخمة من شرطة وأمن وجيش. ولن يتركوا الأمر يمر بهدوء. انطلاق الرصاص في الخرطوم صار عادي جدا مرة من قوات تابعة للحركة في الكلاكلة ومرة عقب وفاة القائد قرنق الآن مناوي. وأخشي أن القادم أحلك سوادا ... |
نعم المستقبل رمادي اللون
أبن سفاح وأغتصاب فهل يكون له قلب به رحمة حتي لأمه ؟؟ فالأب مجهول الهوية غدا نحن مقبلون علي الفرقة والشتات وربما حرب المدن والأزقة وهذه لن تفرق كما أسلفنا القول ولا تفرق بين السياسي والشخصي طالما الجميع يمتلك السلاح ألا الشعب السوداني الأعزل فهم المحرومون والمقهورون والمظلومون يديكم العافية |
دكتور سيد
تحياتي الإنفلات الأمني من كل القوى خطير جدآ وللأسف الشديد ليس هناك من تهمه مصلحة السودان.. بل للكل أجندته الخاصة و الطمع في تقسيم السلطة و الثروة مهما كان الثمن أما عن الكثير من الفصائل المعارضة و الحكوميةالتي تتخذ الإنفلات الأمني ديدنآ لنشر الرعب بين المواطنين فأقول اللي تحسبه موسى ..يطلع فرعون فقد فقدت أي ثقة في كافة القوى المتحاربة بعد أن تبين لي المطامع و الإتفاقيات مع جهات أجنبية و ال Hidden Agenda و للأسف كان لي فيهم أصدقاء..أتشرف بأنني نفضت أيدي منهم يا دكتور السودان مصيره إلى حرب أهلية لا يعلم إلا الله مداها و بإيدي أبنائه :mad: :mad: :mad: |
اقتباس:
المسالة بسيطة ناس الشرطة اختطفو تلاتة من جماعة مناوى جماعة مناوى اختطفو تلاتة من ناس الشرطة بس دا الموضوع |
الحكاية ما تلاتة من ديل
وتلاتة من ديلك الحكاية ظنيتا كبيرة خلاص لو شفت ومريت قدام القسم الأوسط الآن لرأيت الحشود من عربات ناقلة جنود وعساكر ما يدوك الدرب وهناك في عمارة غرب نادي الضباط بأمدرمان عساكر ظنيتم من فصيل مع السلام لابسين ومسلحين أها الحكاية ما هظار ورصاص في الهوي الحكاية قررررربت تصل سوق العناقريب وتمشي لي أبروف وتاخد اللفة وتجي للعباسية وتنط لي أمبدة والمزالق وهناك للخور تقطع البحر للقوز والسجانة والأمتداد وتجي مارة فوق بري لي كوبر وتغشي ناس ديوم بحري وحلة حمد والحلفاية وفي دا كلو الشعب السوداني ليس له ناقة ولا جمل كيكة عاوزين يقسموها ويقطعوها بيناتم بس عاوزين ليهم معادلة للتقسيم لسه بفتشوا فيها لمن يتفقوا يكون الرماد كال أمات طه بي رمادو والسودان الوطن الدولة الشعب الواحد يصير عشرين دولة هل هذا بعيد ؟؟ ما نراه اليوم لا يقود ألي خير وأطمئنان وسلام ربنا يجيب العواقب سليمة ( وتاني أحفادنا يقروهم سليمة بائعة اللبن وطه القرشي في المستشفي) يديكم العافية خارج النص :: هل هذا الذي حدث له علاقة أو صلة بأغتيال الشهيد محمد طه |
اقتباس:
ورينا تفاصيل ما حدث امس اصلو الخرطوم دى بقت زى شيكاغو زمان الله يستر |
بس ياجماعة هل ممكن تكون مبلوعة
أنو القصة وما فيها مخالفة مرورية وين شرطة المرور وأين دورها ؟؟ والليلة في المحاكمات !! لمخالفة قانون الحركة ؟؟ أم للأزعاج العام ؟؟ أم لحمل سلاح ؟؟ أم للشروع في القتل ؟؟ أم لمخالفات أخري ؟؟ الأيام حبلي وتحت السواهي دواهي يديكم العافية |
اقتباس:
ضباط القسم اعقب ذلك تبادل اطلاق نيران في مناطق متفرقة من امدرمان.......... في ظل الانفلات الامني والفوضي التي تعيشها البلاد يعتبر ذلك امرا عاديا والخوف من الآتي اخاف ان تكون هذه هي فقط المناظر لفيلم كابوي دمومي في السنما غالبا ما تنتهي مثل هذه الافلام بموت (الخاين) وفي في بعض الاحيان يموت البطل اما في فلمنا المقبل فاخاف ان يموت الجمهور ويقتسم البطل والخائن الغنيمة آآآآآآه قلبي علي وطني توقيع آخر .............لا امن لا اسئمان حين يكون عالينا حثالتنا وحامينا الصعاليك الرعاع |
د. سيد
ما تخوفونا ياخي نحن ترانا قريبين جدا من الموقعين الإنت زكرتهم ديل وبيتنا قريييييييييب .. أها أول أمبارح نحنا انا وأم رحيق سمعنا صوت الرصاصات بتضرب في الجو قامت أم رحيق قالت لي ده شنو ده الليله سجمنا ؟؟!!! قلت ليها ديل ما الشفع في الشارع بيفرقعوا في ألعاب ناريه في السعوديه بسموها ( فرطاقات ) ولا فراطيق ما عارف ... أها أم رحيق قالت لي والله خايفاهم يصحوا رحيق .. أصلها رحيق يادوووووبك حتي نامت لينا ... يا خي ما تخوفنا ياخي وبعدين طارق الحسن ما قالها ليك ديل عيال شفع صغار إتشاكلو مع بعضهم عيال الشرطة جناح الأوسط وعيال مناوي أركو منو داك ما بعرفو .... ياخي خلينا منهم كده ولا كده ......أها هسي قلت لي يوم التلاتاء ما جايين تفطروا عندي في البيت ؟؟ |
د. سيد
تحياتي لك البقنع العالم الوهم ديل شنو؟؟؟ البقنعهم بضرورة معالجة النسيج الاجتماعي من الخروقات التي حدثت شنو؟؟ البقنعهم بجدوى المحافظة على هذا النسيج شنو؟؟ البقنعهم بأن السودان ده حق الجميع وما فيش داعي للأنانية البعملوا فيها دي شنو؟؟ ربك يسهل... القادم اظلم ان لم نعمل حسابنا |
| الساعة الآن 10:41 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.