يا هو ده السودان ...!!!!!
بالعربي المشبرح ..!!!!
طلعت من مطار الخرطوم و لقيت الناس كلها جارية ..أها أنا كمان قمت جاري وراهم و لقيت نفسي جاري في نصهم لوين ؟؟؟ مش عارف ولا هم زاتهم عارفين ..غريبة الدنيا كلو جاري ومافي أيي فرصة ألتفاتة .. سرعة رهيبة ...شريحة أريبا مع الباعة المتجولين و ب 7 آلاف جنيه وفيها رصيد ب 5 ...و موبيتل ب 10 يا بلاش ...أما سوداني مع 5 سنوات أستقبال ..ده ممكن يكون مع الورثة يتقسم أذا ركبت مواصلات مدني القضارف ...كله سريع مافي مجال للتوقف ...و عجبني طريق كوستي ربك الخرطوم ... تحس العربية زي الحصان الجامح و عايزة هي كمان تسرع أها مش كله سريع ؟؟؟ وتييييييب ..!!! و فجأة تظهر الحفرة الفي نص الظلط السمح داك ..... (( كما حصل للعائلة المكونة من 5 أشخاص )) الزوجين و وليداتن التلاتة ..عيدوا مع أهلهم في أم درمان و راجعين كوستي ...سرعة .. مش كلهم مسرعين يبقى خلاص و أنا مالي ...سلمت على أختي الأصغر عابرآ ...ولما سألتهم منها قالوا لي سلمت عليك قبييييييييييييييل ...سرعة برضو ...و السرعة كمان بقت في النسل و الذرية ....يعني 6 و 7 ديل بقوا عاااااااادي ...و عمتي بتول الخليت بتها رحمة متزوجة جيت لقيت عندها 16 ما شاء الله و الأتنين السعااااااااال في الجامعة ...برضو سرعة ...يعني أنت لو عندك ولدين يجيك واحد و يقول ليك حرم كان أصبقك ... و يجي فيك فايت و أنت كمان تسبقه تاني ...سرعة مش كده ؟؟؟ أتخيلت أنه الفرق بين المولود و التاني بس 9 شهور و 10 أيام ...ملتزمين بالسرعة مش كده ؟؟؟ أها نرجع للشارع كلو مسرع يعني من الصباح و الكل يمرق من بيته جاري . الغني و المعدم و التلميذ و الحرامي و المش حرامي كلو جاري ...المسا كلو يرجع البيت و كيسه مليان ...سرعة غريبة ..مش السودان بقولو عليهو سلة العالم للغذاء ؟؟؟ و تيب ...!!! العمم الكتيرة التحتها معظمهم محتالين ....و أبر الأنسولين ظهر مفعولها في الأرداف (( تبارك الله )) و بعض الوجوه مع كثرة الكريمات و الملطفات و سخانة الشمس ولما يجي نص النهار يتخيل ليك الوجه كأنه عايز ينقلع من محله (( face off )) سرعة غريبة .... أها نكمل ليكم باكر لما تردوا .... يا ربي أنا وين ؟؟؟ (( بين رمال حلتنا )) تحياتي يا حلوين .... أمين جونية |
امينو والله ليك وحشه وحمدالله علي السلامه من الحفر والمطبات الما وقعت فيها ---كنا حنلقي الكلام الظريف دا وين
لك تحياتي |
الاخ امين
تحياتي حقيقه يقال في تغيرات رهيبه تحدث في السودان,اكثر تعبير ادهشني قولك ان الكل يرجع مساء ومعه كيسه!!! ترى من اين لهم هذا؟؟؟؟ومعلوم كذلك تدني معدل التوظيف مؤخرا!!! يقلع ينهب يقتل ما مهم بس المهم الحصيله!!! وقتها فعلا فهمت ما يقال بانه واقع الآن عن تدني الاخلاق!!! اشكرك وتابع ونحن متابعين معك. تراجي. |
:D :D :D :D
ياهو دة أمين البنعرفو بسرعة أنا مارقة جارية مافي وقت |
العزيز امين.. لك وحشه.وشوق.. وكنا لا ندرى انت وين..؟.؟ وسالنا العزيزه السيده ريما نوفل فاخبرتنا انك كنت فى رحلة الشتاء والصيف.. وكما ابدع عزيزنا بروف المعز الشاعر..فى تسمية كل ما قلت.فى قصيدة .اسمها عذاب القبر فى الخرطوم.. وانت رايت فى الاقاليم..لا ادرى .اى سعير.او لظى .او جهنم .كنت فيها.. لكن عرفت كيف هذا الشعب يمكنه ان يعيش.زيلبس الالاف الطواقى فى كل الرؤوس كما يتفق مؤلم.وحارق.وموجع..نابالم قد اطلق فغير كل الايقاع...ترى الماره فيهم من يرتدى ملابس متسخه.وسفنجه مقطوعة الاجزاء ويتصبب عرقا..وهو يحمل الجوال ويتحدث به.لا ادرى يتحدث مع من وهو على تلك الحاله..ربما موجة الايهام..؟؟؟؟؟ وانت قد ذكرت السرعه القصوى..فى كل شىء..حتى فى ارتكاب الجريمه والنصب .والاغتصاب ..وتناول المخدرات شما ام طعنا ام لفا..وفى الحبرتجيه.وفى كل الموبقات...ايقاع عصر العولمه على الطرقه السودانيه.. امين.. دعنى اقول لك وانت رايت ملايين المحتاجين المعدمين الموعوزين فى الطرقات وعلى الارصفه و عبر المدى..وهم فى اسوا الحالات.وهذا هو زمن الانحسار..وهلامية الواقع..وتعدى الزمن واختلال الموازين.لان التاريخ يعيد نفسه الى مواقع شريعة الغاب..وقصاص قابيل وهابيل.. انا اتوقع الاجتياح القادم على المدن..من غل الفقراء والمسحقوين والمضطهدين... سيكونون وباء ابتلاء سياكل ويصيب كل شىء..وسيكونون مثل قنبلة هيروشيما.. التى سيفجرها الحقد الاعمى والحرمان ..والعوز.ستغلب واقع الارض الى ماء اسن وتغلب واقع النهر والبحار الى عمق اعتداء فيه كل اسباب الضياع العزيز وين...يا امين.. وامين وين..وعرفنا اخيرا ..وارجو ان تضبط معايير السرعه .التى ربما اصابك مسها المجنون لك وحشه والف حمد الله على السلامه.. ونواصل معك |
حمدلله على سلامتك
ورجوعك لينا امينو قلت لى ينقلع من محله (( face off )) هههههههههههه |
سلام يا أمين . .
ليك وحشة شديدة والله إفتقدنا كتاباتك ويظهر إنو كوستي أخدتك مننا .. هنيّالم دخلت قلت أسلّم وألحق البوست أبو سريع ده قابلت الجيلي وللا لسّه؟ عايزين بوست مخصوص يصف اللقاء مدعّم بالصور. تحياتي يا حلوين |
أولا يا أمين حمدا لله على السلامة
بس ورينى مشيت فى شهر كم ؟؟؟ وبعد ده حسابى معاك عسير. |
الحبيب امين..
ليك وحشة والله ومشتاقين ردم واكوام ياخي اظهر كوستي مافيها نت؟ نازلين المحطة الجاية.. حميد.. |
اقتباس:
المشكلة ناس السودان ما بقدروا يتخيلوا راسك بيكون ضارب كيف .. تحس إنك غشيم و زى الاطرش فى الزفة ... و تمشى الاجازة و تجى ,, و تكون لسة مافهمت الحاصل شنو ... السودان (خاصة الخرطوم) بقى و الله عايز ليهو decoder ,, محتاجين لكتاب عشان نفك شفرة الحياة الاجتماعية و الاقتصادية و متغيراتها السريعة ................... الله يطرى "أحمد عدوية " بالخير .. كتب الكلمات دى عن القاهرة فى الثمانينيات .. لكن دى بقت حسى مناسبة جدا لحال الخرطوم : زحمة يا دنيا زحمة .. زحمة و لا عادش رحمة ... مولد و صاحبه غايب .... |
أمين بيننا ! لا أصدق يبدو أن التواصل معنا أصبح صعباً و أنت في السودان. بالله حاول ما أستطعت ألا تنقطع كدا بالمناسبة أرجو إرسال رقم تلفونك بالماسنجر أو إيميل و آسفين جداً لأننا ضيعناه |
أخونا أمين
الخرطوم صباحا بها 15 مليون ومساء 8 مليون لو ما أسرعوا زي الصاروخ ما بحصلوا وكلهم جمبعا ......... والكبس مليان نعم بس كلما زاد حجم الكبس كلما تدهورت الأخلاق أها أنت وين ؟؟؟؟؟ |
اقتباس:
عزيزي الأستاذ عصمت، قلت لكم منذ قرر أمين السفر الى السودان إني اخاف ان لا يعود. وها هو سافر منذ أشهر ولا أحد يعرف عنه شيئاً. للحظة عندما رأيت هذا البوست اليوم بعد أن أبعدتني الظروف بضعة أيام، ظننت أن أمين عاد الى لبنان وهذه مزحة من مزحاته، لأنه وقّع تحت: "أمين جونية". ولمن لا يعرف جونية هي المنطقة التي كان يسكنها أمين. اتصلت على موبايله ووجدته ما زال مقفلاً. وفعلاً يبدو أنها رحلة شتاء وصيف. عزيزي أمين اظنك تحتاج الى تذكير، فالمدارس هنا فتحت أبوابها منذ أكثر من شهر.. ونعم، اعرف أن السودان بلد جميل، وفيه كل أحبائك لدرجة أنهم غمروك بعطفهم حتى نسيت أين أنت، لكن لبنان لا يشكو من شيء.. دعك من الجدل السياسي الذي تسمعه في الفضائيات، فالشعب محب وطيب، وكلنا بانتظار أن نعرف أين أنت. تحياتي ريما |
اقتباس:
أميييييييييييين ... يعني من كلام ريما إنك لسع ما وصلت لبنان ؟؟؟ و مال بتكتب من وين ؟؟؟ قررت تستقر في السودان ؟؟؟ |
اقتباس:
يا ربي أنا وين ؟؟؟ (( بين رمال حلتنا )) تحياتي يا حلوين .... أمين جونية |
| الساعة الآن 10:23 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.