كشف حال
الصبح بدرى وكالعادة جرى حصلت البص رقم سبعين بص الساعة سبعة
عشان نحصل الكلية اريتها القراية طايرة يعنى انا ضاربنى حجر دقش بالبلدى وطبعا عيونى محمرات رغم دعكتهن بالصابون والليفة عشان يفتحوا لكن نقول شنو :mad: القسمة والنصيب جلست فى مقعد جوار النافذة عشان بس اتفرج فى الماشى والجاى يمكن اصحصح ..برضو ما نفع فى المحطة التانية جلست امامى شابة فى عمر الزهور عمر المنى يعنى قول تمنتاشر بالكتير ونص شقراء والشعر يلهث خلفها كسنابل تركت بغير حصاد( الله يرحمك يا قبانى ) اول ما جلست هى اعتدلت انا فى جلستى لاعطيها مجال لتجلس طبعا المكان ضيق ولابد من التعاون الكل عايز يوصل... دقيقتين بس تقوم البنية شكيت عوجها لى الله تطلع من شنطتها ديك يا العلبة الما خمج وتبدأ فى الميك آب اى وحات الرسول البنت دى يا الله هوى بجيك وبتسالنى يا الشقية دى شىء احمر وشيتن اخضر وشيتن سئيلى المولى ما بعرف لونه وداك يا خطيط الحواجب الما خمج والساعة القبلت على الرموش وحات شيخ البنية بقى طولهن نص مسايرى المسرحاهن ديل والشدوق ديل كان عصرتهن يدفقن لبن. ( نحمدهو على كل حال ) وانا يا ناس الله مقهية فى البنية والنوم طار من عينى ونسيت انه فى البلد دى مافى زول بيشتغل بى زول لكن وحات الله انا اشتغلت بيها لمن محطتى فاتت وانا ما جايبة خبر وما تسالونى وصلت مدرستى كيف :mad: الله قادر اتذكرت عندما كنت صبية كان همى كل همى واجباتى المدرسية وقمت يوم كدى قلت نمرق من هدومى وقلت لامى عليك النبى محمد كان ما تخلينى اسوى كحل فى عينى طبعا انا خلصت كلامى من هنا وكانن عيونى الاتنين مورمات يومين ما بقدر افتحن ( بطلوا الغتاتة وما تسالونى حصل لى شنو ) قالت لى امى لبس البنطلون قطعتو فى مصارينى كمان دايرة تتكحلى الكحل اليقددن ليكى ..طبعا دا كان اول وآخر طلب بس الليلة يا اخوانى شفت البنت دى ومسكتنى الغيرة وكمان زعلت لامن عيونى طششن وكت اتذكرت وضعى الحالى آآآآآآآآآآخ يا امى تعالى شوفينى الليلة عندى كل الحرية وكمان عندى قريشاتى البشترى بيهن الكحل علا يا امى المرواد بيدخلوهو وين بس قولى لى ؟؟؟؟؟ العيون الاتكرمشن ولا الجفون الاترخرخن؟؟؟؟؟؟؟؟؟؟ آه يا زمن فى داعى لكشف الحال دا ؟؟؟؟؟؟؟؟؟؟؟؟ ( سرورة عندها حمى المتنبى ) |
اقتباس:
دي بسموها عيوني عيونك ... :D :D :D [media]http://sudaniyat.net/upload/uploading/3eone13.mp3[/media] > |
اقتباس:
وتسلم روحك المرحة، ونقدك الرائع، وبيانك الرصين أسلوب في السرد (بس حبوبتي) العلمتنا التوجيه والنصح في قالب كاريكاتوري ضاحك ومفيد وفعال، وتاني خطين على كلمة فعال |
اقتباس:
خليتيهــا تقعد جنبك .. فنظرت إليك و قالت لنفســها : معقول الجمال الطبيعي دا ؟ هي التي أخذتها الغيرة فأخرجت أدوات مكياجها علها تحاكي شـــــيئاً منك و لو كنت بعرف زي عمك تنقو كنت نزلت ليك أغنية (يا بت بلدي ) .... بلا شــــقراء بلا لخمــة |
اقتباس:
والله يا سرورة يا أختى قالوا من حمدو .. زادو .. :D :D :cool: [align=right]البنية المسخوتة دى مطولاهن كدى بتدور تركب فيهن سقالة [/align] :D :D :D :eek: [align=right]الله يجازى محنك يا سرورة يا طاعمة .. مودتى ..[/align] |
تنقو الجميل ( انت الذى اتعبتنى )
هذا اللحن تور على الالم الدفين وان شاء الله تسلم عيونك لو تعرف كم اسعدنى مرورك لأطلت الزيارة مودتى |
اقتباس:
وصلت متاخرة نص ساعة والولية المدرسة حمّرت لى بعين اخير منها ام كف البنطلون مارك اند سبنسر ودى الحاجة الوحيدة الكل شقراوات الدنيا ما ينافسنى فيها وانا مالية بيها يدى البنطلون فى الطين والتلج لحق أمات طه وخالاتو زاتهن وبقيت حايمة اليوم كلو بى بنطلون الرياضة :mad: كدا كويس يا استاذ عالم :mad: لازم تحرجونا يعنى :rolleyes: وقيافتنا اصبحت فى المحك. استاذى القدير عالم عباس انا وحات رب البيت كان بعرف طشتى دى بتجيبك وعيوناتى المكرمشات ديل بجيبن كلامك الحلو دا متيمنة ومتنضرة من يوم الليلة دى اقهى فى الماشى والجاى وان شاء الله اطش من بيى زاتو مرورك اثلج صدرى وكلماتك تاج اتزين به فى المحافل |
اقتباس:
خليكي مع الطبيعي تكسبي .. وألا ما سمعتي كلام ود اليمني .. ملقطة كلك إسبيرات متل فضية العدي عيونك من صنع باريس ورموش عينيك هولندي مساحيق بدرة مصرية وبي صابونة بتهدي .. الجمال الطبيعي الما مزور زيو ما في ... وجمال خلقك كفاية يا ستي سارة .. |
متأخرة نصف ساعة بس و(حدرتك) المديرة زي كدة! ومال لو غبت كانت حتشنقك في باب الفصل!
والله يا سارة يا بت السرور، "بوستاتك" بقراها زي قراية الزول لي رسايل (قصة ريدو القديمة) الداسيها خايف من مراتو وسؤالاتها الما بيعرف يجاوبها كيف! بقرا وأضحك، وأقرا وأدمّع،اقرأ واتعلم، وأقرا واستعجب، أقرا واسكت! (يعني كان في داعي للبهدلة دي! وبعدين إنت لابسة بنطلون من (مارك و اسبنسر)؟ ما قالوا ديل يهود! ما عندك(هارودز)، هو دة ما قالوا حق ود الفايد المصري، يعني ما عجبك ولا ما عجبك! (إنت صهيونية ولا مُصَهْيَنَة، ولا مُصهْيِنة)؟ وبعدين زعلانة من الشقراء دي ليه، ومكياجها؟ دي عدة شغلها، ويمكن ماشة التلفزيون، يعني عايزاها تمشي مبهدلة ومبشتنة! هيو ذاتها الحاجات بتاع العيون سموها (آي لاشِزْ) علشان جلده حار زي السوط ! وإنت لابسة بنطلون رياضة(وكمان عايزة تتمكيجي؟) دي رياضة شنو يا استاذة؟ إنت لخبطتي بين الرياضة والرياضيات ولا شنو؟ وبالمناسبة ما علاقة الرياضة بالرياضيات؟ لماذا سميت رياضيات (مش رياضات)؟ ما العلاقة بينهما (لغة واصطلاحاً)؟ تفتشي في القيافة والقيافة إنت والله أقْيَفْ من قلمك وسلاسة تعبيرك وعمق نظرتك مافي! القيافة في الروح، والذوق، وهنا ،إنت ستهم، بلا منافس تسلمي يا (ستهم)! |
سرورة
شكرآ على المرح الصباحي بالمناسبة.. زولتك لليلة دي بتكره المكياج و مخاصماهو خصام دائم أها شنو الدوا؟ السؤال التاني. كان مشيتي السودان كان شفتي العجب العجاب و في نص النهار مع لوننا الكاكاوي داك (على الأقل..) فبالإضافة إلى الألوان في الوجه من قوس قزح و الألوان الأولية و الثانوية المبيضات الجلدية و العدسات الملونة طيب كان سويتي شنو؟ |
اقتباس:
اها.. دا الكلام البخلينا نقع فى الشوك زاتو انا ياخالد وضعى الصحى لا يستحمل هذا الاطراء اقوم اطب ساكتة ونبقى فى الاجاويد شوية شوية علينا القلب دلقان كان شديت على بلحق امات طه القرشى فى المستشفى انا يا ايوبى وحات غلاوتك كان سمعت زى كلامك السمح دا فى حياتى البطفشنى شنو والبمرقنى من بلدى واهلى شنو؟؟؟ انت كت وين ياخ :mad: :mad: قال طبيعى قال سمح انت وعسل انت :p انت كتبت ما لا تسطيع ترجمته الاغانى لك مودتى واحترامى الشديد |
اقتباس:
وزهيجان ميرووووووووود بالوصف بث آآآآآآآخ من زي ديل الكاتلوجهم بيطلع مع شهادة ميلادهم :D انعل أبو التسنين ظاتو مش نحن احفاد مواليد الحبل ........ يا مضفور ولا مفتول ... وتيييب :D |
نوال السعداوي قالت... من هي المرأة الشجاعة التى تستطيع مواجهة العالم...بدون ماكياج؟؟؟ دايرة أضرب ليها و أقول ليها.... سرورة مالها؟؟!!! :p |
اقتباس:
والبنية بت الذين دى يا الوليد تكون بتعرف عربى وسمعت بى اشيلك فوق رموش العين وناوية المليعينة تشيل فوقن زول؟؟؟؟؟؟ انت جازى محنى بعد قفاى انجّز :p بقت يا الوليد ما بتفرق... حليل زمن المشاط والكوفات لينا الله وعيشة السوق انت مسعول من الخير عيشة السوق دى شنو ؟؟؟؟ يا احلى وليد ( بالمناسبة الاخيرة دى شّكلها بطريقتك وانا حمدو فى ((بطنو )) تسلم للمرور |
سااارة...
يااا سلاااام على الحكااية بغض النظر عن التفااصيل... المهم انا ختيت حقى فى الكشف.... يديك العاافية.... |
| الساعة الآن 11:09 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.