فقط اكتــــــــــفوا بما أقــــــول ... !!
حينما ......... أمممممممممم ماذا .. ؟؟ كنت سأقول شيئا .. علني أذكره حينما يذكرني قلبي .. !! أها .. عفوا لكنني لم أكره كله فقط اكتفوا بما أقول . . . حينما .. تبتسم وفي قلبك نزف حينما .. تضحك وصدرك يئن أي براح يحمل كل جراحك ؟؟ قلت ذات هوس .. : أي سكوت ينبئ عني ؟؟ أي كلام ينبئ عني ؟؟ أي صراح ؟؟ . . . سَكَتَ خلاس مليتو القلب بالوجعات واتحكرت في روحي أواسيها ألملم خاطر الكلمة وأردد : مكسور قلبي أو أقصد مكسور قلمي أدوني دواية .. وريشة .. ورقعة عليها أشخبط أحزاني أدوني بصيرة أشوف مرساي .. وشن فيهو أهبش بي عيوني خطاي .. وألملم خاطر الأشواق أرضيهو وأفوتو غصب وماني براي .. معاي أنات وذكرى الصادق المفجوع قلب مخلوع قلب مفجوع مسطر توبو بالدمعات . . . خلاس ما تنقنقي دي النجمة خافت في فراقي مسا أفوتك وين أقبل وين وأنتي الشايلة كل الهم أصوم من الكلام .. ببقى ؟؟ . . . وحينما ضن قلمي .. آثرت التقوقع في داخلي حتى قلمي .. !! عجبا ... !! . . . ما شاورت النجمة الخاتة عيونا علي جريت ساكت ملبوش مغشوش مدهوش ما عارف لكني مشيت .. . . . إدخرت لطريقي بعض زاد من حروفي وبعض مما أذكر مما كتب أصدقائي والذين أعشقهم . . . أبيت ما برجع حردان .. آي زعلان .. آي . . هكذا كان الحوار حينما راودتني نفسي على البقاء آثرت الخروج عنوة قبل أن تبطش بي ذكرياتي فهل أستطيع فعل هذا .. ربما .. فقط ثقتي في صبري وكثير سياط سقط محمومة على ظهر عمري .. . . يا ناس هوي يا نااااااااااااس مالكم قهيتو مجنون وبونس روحو ما تخدو الجن من الممسوس مرفق : معليش وبرضو ما بسكت بــــــــادي |
مهند
ود بادى وتتنازعك كل نوبات الجمال الحروف المنتقاة دثارا للمشاعر و كل العاطفة المنسكبة فى دلو القصيدة انتشلتنا من جب العادى الى قصر عزيز الشعر فشكرا لهذه السبع الشبعانات ... |
الحبيب المعتصم ،، أشتد التنازع يا صديقي وبت .. بين الفينة والآخرى أقتات من بعضي فهل لي من مغيث .. ليتني ...... ليتني ...... صديقي ،، طلتك مفرحة وجيتك تشد الشوف علي العين لي بعيد سامحتك .. والله سامحتك علي النار الطلقتها في الرويحة مرفق : حبي الكبير بــــــادي |
يا مهند
حرفك يبل ريق الروح ويشد عضد الشوق لعناق الخضرة المارقة من بطن الكلام تداعى تريان ومليان بى حاجات كتيرة نحن متابعنك بى جاى لينا نشوة قدامنا طرب وورانا زفة مدوزنة بالعطر السمح مش قلت ليك الشعراء يتبعهم ال ....... النقط دى ممكن تملاها بكل الكلمات البتنتهى بى "ين" العاشقين التعبانين الخائفين الحالمين الخ ال "ين" لأنك إنت سيد السمحين |
اقتباس:
قبل شوفته وبعدها اها يارايق ورايع كمل وتعال بشويش ونحنا فعلا بندور الدهشة وحرفك التوأمان شكرا مرفق مودتي |
الصديق الحبيب الوفي ،، أبا ذر ،، أي شوق يثاورني اللحظة .. ؟؟ شايفك مليان بحنينك طالي مستف روحي مقيِّل فيها وتاااااااااااااكل .. رايك شنو لو قلت ليك إنك سمح .. ؟؟ لا ما سمح ساي .. سمح لامن مدفق ومالي قيفاتي الرهاف يا سيل محدر من عوالي الروح وكاسر .. أبا ذر ،، فرحان بيك .. مرفق : حبي الكبير بـــــادي |
مهند بتعرف مش...? إن الإنسان حينما يعجز عن القول فليس ذلك من فراغ الروح وإنما من تخمتها وإنت حايم فيك بتشيل من كل إحساس صفه ومن كل صفه حرف وبتكتبك والعابرين يقرأونك كالنشيد ولايكتفون فـــ ... واصل إذن تحية أولى عالية |
| الساعة الآن 08:07 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.