يا أخوانا في مشكلة لو أخوكم.."مؤتمر وطني"؟
 

حبابك أبو مناهل

ممكن شرح أسباب رفض "الأخوة"

الأخ ناصر دا الكلام الجميل الواعي وأحييك على هذا الفهم ودي كان فكرتي الداير أوصلها لمن طرحت السؤال دا.

بالنسبة لي أنا ومن تعاملي مع الآخرين
انت مؤتمر وطني طيب....
طيب اتجاهك السياسي حتى لو كان خطأ في نظر الكثيرين ينفي انك زول ممكن تتحب وتتعاشر. انت مجرم زيك وزي المكروهين المقتنع بيهم. ولا السؤال يكون انت منو زاتك؟ ، انت منو في شخصك. سوداني تامي السودانية ولا زول منافق؟! ، ممكن تكون ود عم وصاحب وجار وسوداني زول حارة ولا خلاص؟! ، انت انت كشخص فرد عملت شنو عشان انو تكون زول (أخونا) هي زاتها في حد ذاتها مشكلة زي ما قال أبو مناهل ولا كيف؟! ، سوداني عادي وبسيط بياكل لقمة عيشه بالحلال ويعيل أهله ويحب الكورة ولا مجرم كتال كتلة؟! ، مؤتمر وطني باقتناع ولا زول مغشوش...إمعة.

يا أبو مناهل

وأنا فهمتها كدة
المشكلة هي أن تكون ( أخونا )


طيب يفهموها كيف؟ المشكلة هي أن تكون (أخونا)

يعني أكون أخوك معناها مشكلة صاح؟

وقمت أنا رديت فيما رديت يعني كوني مؤتمر وطني لييه الناس تحكم علي بدون ما تعرفني أنا منو وذكرت أشياء وقلت:

انت انت كشخص فرد عملت شنو عشان انو تكون زول (أخونا) هي زاتها في حد ذاتها مشكلة زي ما قال أبو مناهل ولا كيف؟!

انت انت كشخص (سؤال افتراضي بلسان سائلي)
(أخونا) هي زاتها في حد ذاتها مشكلة زي ما قال أبو مناهل ولا كيف؟ (يعني ما ذنبي أن لم يفتش الآخر عن شخصي وهو يقول أن أخوتي (مشكلة) بسبب انتمائي السياسي وبدون أن يفتش عن شخصي من أكون.


وقعت ليك يا أبو مناهل؟



لكن بعد مداخلتك أعلاه ( الفيك إنعرفت )
و ( خوتك ) ده طرفي منها . .

طيب الفيني انعرفت, أنا شخصياً ما قصدت بكلامي أي حاجة وبالعكس حواري كان واضح ، وفقط فهمي لعبارتك وبدون أخذ انطباع عنك حتى. وأعتذر أن اغضبتك.
والله أحب السودان والسودانيين وكل مقصدي أن أحتج على الحكم على الشخص من انتمائه السياسي والسؤال كان مباشر وبدون فلسفة وبسودانية ختيتها في الواطة وطلبت منكم أن تحاوروني فيها.


يا أبو مناهل أنا جاييك أخو
وحرم تجي ونتسالم.
أها العبارة الأنا فهمتها منك دي زاتها ما دايرك تشرحها لي.

فتك بعافية

الأخ محمد زين

المشكلة ما في إلي أي حزب أو طائفة تنتمي .. المشكلة هل أنت صادق مع نفسك . قبل أن تطلب الصدق من الآخرين .

ومرحباً بأخوتك بعيداً عن أي إنتماء ، فأخوتك لنــا وجدت قبل إنتماءك . ’’ أخوتك مع الآخرين بدأت يوم مولدك ‘‘ .

حبابك المحسي

وهكذا السودانيين

وصدق النوايا يثبته العمل..و الاحترام يأتي من التقدير وقبول الآخر..ثم المحبة تأتي من العشرة والقول الطيب.

ونحن عندنا قبتين أكبر وأهم..الاسلام والوطن.

....ولا يفسد في الود قضية....

دمت طيباً يا طيب.

شكراً لكلماتك يا المحسي يا أخوي

أخونا محمد زين
حبابك
ناخدا واحدة واحدة ونشرح مخنا الضيق
وين الإتجاه السياسى . المؤتمر الوطنى كيان مخلوق خرج بعد أن نفض الأخوان المسلمين طرفهم منهم كخطوة أولى . هو إطار مجموعة نطت على الحكم بدبابة . يعنى ما ملف فكر وصل الى عقول الناس .
الدخل مع الحرامية حرامى . الأكل مع كتالين الكتلا مجرم . والفاكر غير كدة ما بغشنا بل بغش نفسو.لا خلاص . السودانى ممكن يكون حرامى وممكن يكون جارك وممكن يكون أخوك حتى . المصيبة تتابعو .

سيبك منهم ولا سيبك مننا

ديل عندنا عندنا معاهم تار مبيت هم البساندم ومافى فرز

شغل الطابعة

سلام

http://sudaniyat.net/Torture.htm

حاج محمد سلام
قولت تكون أخونا، مرحب والف حباب
لكن لو كنت أخوهم وعايز تبقى أخونا، تبقى دي!! لخبتت كيمان
على آي حال هو المؤتمر الوطني إسمو طبعا جايي من كلمة تأمر وهوالمقصود منو حزب التأمر، إن إتا رضيت لي روحك بي دي، على كيفك.
لكن مادام درت تكون أخونا، إحنا ما بندور ليك تكون مع حزب التأمر
والأمر متروك ليك
يا تترك حزب التأمر وتخاوينا
ولا تسيب خوتنا وتستمر تأمري (ود المادايرنها ليك)
شن قولك؟؟؟؟؟؟؟؟؟؟؟؟؟

الاخ/ محمد زين
تحياتي

يا خوي انت اولا حدد انت عاوز تبقى اخو مين اذا اخوة اسلام اهلا بيك واذا اخوة وطن فمائة هلا بيك اما اذا كان اخوة اتجاه سياسي فلك الخيار بما تغتنع به من سياسة المهم انت اخو وطن ودين فاهلا بك0
حسين

الأخ رأفت

سيبك منهم لازم يكون باقتناع..يعني أقتنع أنا أول. سيبك منكم انتو مافي طريقة :D

يا طارق حبابك وأنا أحب كتبابتك. لكن عندنا جيت ختيت رابط ومشيت.

ماشي يا عم.:cool:

طلب خااس كدة. في واحد من المجرمين المطلوبين للعدالة الجايبهم في الرابط دا اتوفى..رحمه الله..مشى من الدنيا دي.

يا ريت لو تشيلو صورتو وتجيبو واحد بدلو.

شكراً ليك