بعد الاقلاع . . . و قبل الرجوع . . . في ترحيب و لا نرجع ؟
ازيكم في داركم
اول العنوان من مجموعة لصديق من الجيل الثالث ( و دا لارتباطهم الشديد بالثورة التقنية ) حسام سري هلالي - مواليد 1986 م " الذي بعد الاقلاع و التي قبل الرجوع " . . . لكم وعد - و دا برضو اسم بتي الصغيرة - لكم وعد محاكاة * بنصوصها تحياتي ليكم فرداً فرداً للتي اقلعت عن سمرتها بعيداً و للذي لم يعد بعد الى سمرته فتح الرحمن خلف الله حمودي جِدة و نص و خمسة * احاكيك دي لقطها من الزولة الجميلة " لنا جعفر " . . . شايفها هنا . . . و خضر حسين و ناس حلوين كتار . . . دي بشرى سارة جداً - سارة اسم رفراف القلب بالمناسبة - و كدا باقي ليكم تعرفوا " فادي " بس ثرثار مش ؟ مرحب بيكم في القيقر و عندكم الفرصة تقولوا ما دايرين . . . |
حباب قيقراوي
أعتقد بعد التلتلة التلتلتك ليها لازم أرحب بيك وأكون أول المرحبين كمان.. حبابك عشرة يا زول.. ويمكنك أن تعدني من الذين يعضون علي "سمرتهم" بالنواجز |
مرحب بيك ياقيقراوي والقدم ليها رافع..غايتو أخوك خالد دا جنو سبق لو عينك تغفل ثانية تلقاهو نط قدامك وسبقك...لكن الحكاية في بيتها وما فرقت منو الرحب بيك في الأول..بس أبقي عشرة علي باسووردك عشان ما جات بالساهل;):D:D
|
اقتباس:
الناس دي ح تفتكر اني مهم او حاجة زي دي . . . و ما بعيد انا ذاتي اصدق . . . ياخ انا بعتذر عن الشفقة . . . و دي ثيمة اساسية لجيلنا في مفاصلة المجايلة تشكرات كميات على كرم الضيافة و سعيد بالتواجد هنا |
اقتباس:
و اليتيم ما بوصوه على البكاء . . . و الله يخليكم لينا بالجد لي عظيم الشرف بي الباسويرد الـ " ما ساهل دا " ممكن تقراها رأسي او افقي او كيفما تيسر و هي عضوية اباهي بها بهاء النجوم في سماءها ياخ انا حفي جداً بمعرفتكم و صداقتكم دمت |
يا زول ترجع طوالي ...
لريدتنا و محبتنا و لعالم من الود و التواصل هاهنا.. و قشة ما تعتر ليك.. |
اقتباس:
والترحاب سبقني فيهو الخال خلود عمك فتحي أخوك الكِبير فوفو بس كدي لاحظ البسورد التك رقم مميز ولا عادي إن عادي بختك، بيفوتو ليك وإن مميز معناها بيبقو ليك في رقبتك يوم تغيب ويجوك ناطيين وخلي بالك من اليوتيوب، فيهو حاجات مقص الرقابة بيقطع رقابا بعدين أخدتا برأة من لنا عشان تنشر كلاما (دي واحدة من الأسئلة، بس إتا قول ليهم،،، إقتباس) حبابك في القيقر والقرقرا هنا فيهو؟؟؟ بالكوم |
سلام ققيراوي
مليون مرحب اعجبني دخولك الجميل نتمنى ليك اقامة سعيدة في منتجعنا الجميل الذي تتصافى فيه النفوس |
[align=justify]يا زول حبابك الف
وأبقى داخل البيبسي في النار والشاي في التلاجة :D نقدم ليك كانون ولا ّ نهز ليك ليمون ؟ :D[/align] [align=center]عشرات حبابك سلامات شايل سحابك سلامات ويسلم شبابك سلامات وخيلك تشابك سلامات وهواك هنا (هنا في سودانيات تعني القلب والعين)[/align] [align=justify]ويلا يا غالي أسرح معانا طوالي ... وشكلنا كده ح نكون موعودين بواحد كتـّاب من نوع الكتابة البحبها أنا ... بس يا ريت تديني معلومة عن القيقر كعربون محبة من قولت تيت [/align] |
قيقـراوي .. أقول ليـك ســر ؟؟
إنـت كـده رحبـوا بـيـك أعمـدة المنـتدى والباقي جايي في السـكة .. كلام ود مخيـر ده إتذكـرو زيـن حبابك وحباب الجابك وإقامـة سعيـدة ونحـن ضيـوفك. |
اقتباس:
حد يشعر بالسعادة و يمشي يختار البعاد ؟ ياخ مرحب بي بينكم عديل كدا و شكرن يا فيصل ياخ |
اقتباس:
يا زول الدوام لله و البركة فيكم لحدي ما نجيكم في الصيوان بهناك . . . و شكرن على الدليل السياحي . . . اها كدا الواحد يقدر يدفر ولا باقي تاني اشارات مرور ما وريتونا ليها حاكم انو الواحد مرات كدا بقوم سداري ساي . . . و لا يلقوه سايق سفنجة بالسفنجة و داخل في الممنوع ( ممنوع مرور الشاحنات بعد الساعة 5 م ) الباسويرد مميز و ما مميز حسب وجهات النظر و وسم القبيلة : 1118111 ( للناس العاملين اعدادتات ( عربية ) غيروا لارقام ( هندية ) ) او ممكن تكتب بالحروف ( وش سوداني اصيل مشلخ مطارق ) ( حلاة لقلق عاوزيني اوريكم باسويردي ؟ ) موضوع لنا و الاذونات . . . في لغتنا المحلية ( اقتباس ) معادلها ( لقط ) . . . ؤ كدا الوش من الوش ابيض . . . شفت كيف يا عمك ؟ بعدين مش هي كتبتها ( لنا ) ؟ و جاييك لمثاقفة القيقر . . و القرقرابة و القرقريبة و الققر و القر . . . و في كتييييير قِرقِر صديق تسلم ياخ و كن كما تود |
اقتباس:
الجمال احساس ذاتي و مرآة عاكسة لدواخل الزول تسلمي و السعادة تفيض من جنبات المكان هنا و ابشرك بتحقق امنيات الاقامة السعيدة مجرد العبور من هنا يكفي لتنسم اريج منتجعكم دا و ان شاء الله دايماً عامر بصفاء النفوس شكرن |
|
مرحب بيك ياقيقراوى
اقتباس:
حبابك عشرة |
| الساعة الآن 07:52 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.