وكل خاطب.......... كذاب.
 

:p:p

و هو الزمن ده البخليك تخطب عشان تكذب منو ؟؟؟
الجكسايه:هوي أسمع أنا جاني و أحد و أهلي كده شكلهم راضين عشان كده أحسن تفتح معاهم الموضوع.
المفروض الخاطب الكاذب:لكن انتي ما عارفه أنا لو بس عايز أخطب محتاج تاني خمسه سنين
الجكسايه:يعني أنا ما عارفه ؟؟هسي الجاب سيرة الخطوبه منو ؟أبوي ده فرده يعني انته بس تجي مع أبوك يعني بس ربط كلام
المغدور به :كان كده هينه أصلاً أبوي بعد الصالح العام بقي ما عندو مشكله بيوافق علي كل شي
و في اليوم المحددو بعد لبس الزي المحدد
الأب الموافق:و الله يا حاج انا ما عارف جيتنا دي نسميها شنو يعني ما تامه حتي فتح الخشم لكن الولد قال عايز بتك و هو يادوب متخرج ليه سنتين و كان مؤجل الألزاميه و طبعاً لسه ما لاقي شغل يعني داير ليه خمسه سنين عشان يخطب.بس عشان نطلع من حتة الخاطب كاذب دي
عمك أبو الجكسايه:خطبه؟؟؟؟؟؟؟خطبة شنو يا أستاذ و الله جيتكم دي عندنا بالدنيا. يا عثمان هوي يا ولد أمشي نادي عمك الزبير.علي الطلاق أديتكم ليها و هسي عمك الزبير يعقد ليكم.قال خطوبه قال.