كلام جيش...
باب الشارع...
باب صفيح مسنود بى مرق خشب على اليمين وعلى اليسار..ثم على الوسط السلام سارق من زمن المغربية عشرة دقايق قبليها واكيد نص ساعة بعديها...اذان المغرب مجرد لحن تعودت عليه أذناك...لحن مقدس يدخل من طبلة اذنك اليمين ويخرج مباركا من طبلة اذنك اليسار...ولا تركع... تشتهيها خطوات بت حلتكم سلمى...وتدعو فى سرك وهى تمر امامك كما يمشى الوجى الوجل أنو تتعتر وتقع قدامك...لترى ما اخفته وصايا الوالدين والرب...اقعى تقع فيك وردة تشتهى ان تكمل سيناريو سقوطها بى مدة يدك ونظرة حانية ثم كلمة تخرج منك بلطف سلامتك ورجولى كرامتك يا عسل...وتتيقن حينها لاعنا المقولة القديمة التى سمعتها من والدتك وحبوبتك وحبوبة حبوبتك...يا ولدى المغربية ساعة شيطان خش البيت... فسلمى تصر أن تشارك الشيطان الصغير داخلك لعبة النار والمديدة الحار...والملاكين رقيب وعتيد يتلهفان لسرقة نواياك وادراجها سرا على كتابك...طنش ياااخ و..... ممكن أحلِّق!!!! http://sudanesehost.com/pic/uploads/1261054459_unmy.gif |
سلامات اميري،
و حبابك ما غريب الدار .. |
اقتباس:
ما غريب يا فيصل ما غريب ... قريب وبتاوق حالنا وحال البلد وحال سلمى... شكرا يا جيش |
ثم يستجيب ...
الله دعاء الشيطان ... و.... ما تتعتر... فشيطانك ارتضى أخيرا سطوة الملكين...وآثر الهدنة و التملق.. بفووتها ليك المرة دى يا ود ابليس ...ثمح وتحمر للشيطان جواااك ويقابلك بابتسامة صفراء تفجر حنقك عليه وتقوم تديها واحد ابو داؤود لى نفسك...وبى صوت عالى .. حينها تضحك سلمى.. وتمضى... و.... ثم لعن الخمر والميسر والأزلام ولفافات التبغ والحشيش و... حلايب سودانية |
اقتباس:
خلاص يا أميري مادام دخلت لينا فيها شواطين وود ابليس البسمع بيهو لأول مرة دا حنسيب ليكم حلايب عشان اسم أميري غالي علي من أيام أستاذي المرحوم كمال أميري.. وجيشك دا رجعو لي ثكناتوgoood:Dgoood |
بسم الله الرحمن الرحيم
أميرى الميرى تحيات وودى كتابة خفيفة على النفس والزمن واسلوب غاية فى البساطة الممتعة وحين نبحث عن الجمال سنفاضل بين خيال واعد وسرد متناسق شكراً .. ونشوفك ياخى . .. فى أي ثكنة |
لك التحايا يا أميري،
وضعتني في مسرح الحدث من أوّل سطر، وما بارحت ردّدت أغنية أبوداؤود معك و (صباح الخير يا أمير ....) مرحب بيك ياخي في سودانيات |
مرحبا بك أميري
دخلت وبيدك ريشة وضمير وكمان... لكن عليك أن تحذر! كلام الجيش دة في ناس كوتاااار هنا مابدوروهو:D حبابك ياعزيز |
[align=center]سرد ممتع...
قد حلّقنا معه... شكراً أخ أميري ومرحباً بك على أرض سودانيات [/align] |
اقتباس:
أميرى ليس اسمى ... وود ابليس دة اخو عشوشة البتجينى فى احلامى مُذ بلغت فى الحلم صبيا... أما حلايب فتلك أنثى أشتهى وصالها ... ثم يرهقنى مهرها...ومهرها اذا علمت دماء ودمع.. حنفى مسعد تحيات والمشية جيش |
اقتباس:
أنت بدأتها ب..بسم الله الرحمن الرحيم ربما لتطرد شياطينى او فيالق الجيش المحلقة وربما هى بداية الاشياء عندك ...لتبدا ببركة الله علّ يا اخوى كدة ما عصرت على شديييد دحين كيف اهضربلك وانت شردت شواطينى يشرد عدوك قول امين النور يوسف كلو تمام يا جيش شكرا كتير جدن |
اقتباس:
كدا ريحتني يا أميري ومادام حلايب طلعت انثي اشتهيها اشتهاها البلا ومعليش ما بقدر أجيب التعبير الصحيح عشان بجيب مشاكل:D بعدين أميري دا ما اسمك عارفو بدون ما تقول عشان العايلة دي بعرفا عن بكرة أبيهم وبالمناسبة الأستاذ المرحوم كمال أميري كان أستاذ مصري عاشق للسودان وأولادو بيحملو الجنسية السودانية وزوجتو رحمة الله عليها شقيقة المرحومة زوجة المرحوم الدكتور عبد الحليم محمد يعني خالة توني وأم خالد أميري..عشان كدا قلت ليك الاسم دا غالي علي وما سألتك لو ليك علاقة بآل أميري.. أها عادل عسوم قال ليك في ناس هنا عندهم حساسية مع الجيش وأنا واحد منهم:( مرحب بيك يا أميري ومادام اتبليت عوم:):) |
اقتباس:
وتحياتنا لى كل آل أميرى فى السودان وايجبت...بس قسما يا حنفى اخوك ثقافتو ايرانى ااى ما تحدروا لى وتقولى خمينى...يعنى أميرى دة زى بشبه الناس ديل كدة... اما بالنسبة لى الجيش وكدة... فكلام الجيش هلوسات وهاادى هلوسااات تنقصنا لفافة تبغ مخلوطة وأحراش... ما تنسى الساتر |
اقتباس:
ما وصلنى من ابوداؤود صورة وطرفة والمزكورة فوووق ديك... للأسف انا ضعيف جدا فى الغناء السودانى... فقد نشأت فى بيت كان يضع المتاريس حولنا من كل الجهات كى لا نستمع الى ما يلين قلوبنا و........يطلعنا خيابة لكن اوعدك ياااخ احاول الحق السوق ولو عندى ليك باقى حرف بعد ما قلبت مواجعى دى مساء الخير يا أمير فرحان شدييييد جد بى كلماتكم |
اقتباس:
انت يازول باين عليك محرش بدليل اللفايف المخلوطة دي..عموما انت كدا بقيت زولي تمام وأوعي واحد يقول فتحي بتاع سمسمية ساكت تقوم تصدقو:Dأنا السمسمية علاقتي بيها في المولد بسgoood أها اسم أميري فعلا كتير في ايران ولو انو صفة من كلمة عربية ذات معني..أما لو قلت ليك طبطبائي ولا شهرستاني ولا أصفهاني يبقي ليك كلام..وأنا أيام كنت في الامارات كنت بقضي اجازتي في أصفهان وفعلا عندهم أحراش شديدة لكن مصنعة:p:eek: شوف يازول هنا لو خفت ولا لاوزت حقك بروح أونطة..هنا تعقل وتتوكل بدون أي سواتر لأن الستار هو الله ونحن أحباب الله.. بس قبال ما أخلليك في زول اسمو أشتر دا تعمل حسابك منو شديد وأوعك تخش معاهو في علاقة عشان دا بطرطشك ويخللي اللفايف بتاعتك تطير ساكت عشان هو بدون لفايف بتلقاهو لافي ويلفف معاهو قبيلةgoood:D |
| الساعة الآن 02:59 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.