رجعنالك
في مهرجان ايام الخرطوم المسرحية سعدت بلقاء الاحبة ناصر يوسف ومعتصم الطاهر
وبالطبع كان محور حديثنا موقعنا المحبب سودانيات. واعدت لهم ماسبق ان كتبته يان سودانيات لاتعني بالنسبة لي منتدي كبقية المنتديات فقط. فقد اصبحت لي وطنا في وقت كنت اعتقد فيه بان ما كان يسمي لي وطنا قد لفظني واصبحن تائها بين الغواصم ومكاتب اللجوء اتسول وطنا بديلا وان اخوة لي في هذا المنتدي لم تلدهم امي ولم اتشرف برؤيتهم وقتذاك كانوا سبب حضوري من منفاي. وعند عودني وجدت(سوداني الجديد) يطل من خلال اعينهم وفي اختضانهم لي انا مدين لهذا المنبر الحبيب جئت اليكم اخوتي معتذرا عن الانقطاع الطويل الذي لم يكن بسببكم او بسببي كل امنياتي ان اكون معكم الي اخر العمر ولكم حبي |
اقتباس:
[align=right]أنا لو كنت عارف كده كان من زماااااااانك كده قلت للباش معتصم الطاهر تعال السودان عالم ما تجي إلا بالهرش ;) ;) [/align] |
الصحاب
البيصحو الخمرة فوق التمرة نص الليل اذا نقص الشراب .... ناصر وحاتك انت منهم بل انت اولهم شكرا ليك وكلم معتصم العايزين الهرش كثر قبل فليل كنت مع مهند بادي وجمال تاج السر اما ناس القاهرة فدعوهم لي |
بسم الله الرحمن الرحيم
الأخ أحمد عبد العاطى عوداً حميداً مستطاب .. سودانيات وطن لها يدٌ ودين مستحق نأمل أن يطيب لك المقام . المرة دى على الهامش التوقيع التحت ده متنازل ليك منو :) حباً .. وعربون صداقة .. جد يعنى ويمين ما تقول شئ |
اووووووك
ابوحميد سلام ياصديقى ومشتاقين بالزاف يبدو انه عام سعيد رؤيتك مجددآ تسعد ياصاحب وكل سنة وانت طيب |
اقتباس:
وشكرا لاهدائك لي التوقيع المعبر والجماعة الحرقوا اعصابنا فعلا قادرين علي حرق السماء والارض |
الاخ الجميل الجيلي
الشوق متل شوك الكتر طعن الجسم لامن خدر سعدت جدا بوجودك لك اجزل الشكر |
العزيز أحمد
حبابك أخوي من تاني وعودتك تسر البال لك التحية ولمهنّد وجمال السلام |
أحمد رجل جميل جدا ... جميل اذا كتب واذا صمت واذا عاد .. و أنا أحبه .. |
اقتباس:
لك الود والشكر واتمني ان يكون البال دائما مسرور |
الصديق العزيز أحمد عبد العاطي
ياااااااااااااه سنين طويلة يا رجل كيف الدنيا عاملة معاك لعلك طيب أتذكر حين دعوتني للإنضمام إلي سودانيات ونحن في مكتب منظمة سوديا بالقاهرة قبل أكثر من خمس سنوات ؟ أنا أكسل منك ياصديق بلا أي مبررات ... ولكنها الحياه وها أنذا أيضا أعود بعودتك فقط أتمني أن تكون عودة بلا أنقطاع ... ذكريات وحكاوي وقصص وكثير من الحنين إلي تلك الايام الجميلة أرجو إرسال تلفونك في رسالة عاجلة ولك الود |
اقتباس:
شكرا لهذا الكلام الجميل الذي سيجعلني ابذل من الجهذ الكثير حتي اكون كما وصفتني ولو بنسبة الحصاة الي الجبل وابشرك بان الاخ جمال (واقف علي باب الدخول) فترقبوه قريبا وكذلك مهند الجيلي شكرا تاني |
اقتباس:
ده ما كان رُحُول ده العيال كيفنهم والقراية أُم دَق ;) ;) [/align][/colo r] |
اقتباس:
لم تفارقني ذكريات القاهرة لحظة يالها من ايام سنين جميلة رغم المعاناة اضاء سودانيات بالقاهرة واجتماعتهم في مقهي البستان بوسط القاهرة جميلتنا نهلة والفنان علاء سنهوري والشاعر المجنون عثمان البشري وعمر صديق والبت الحديقة اشجان انا كل ما ابتعدت عن الاحبة اجد نفسي اكثر اقترابا لانهم بداخلي ونتواصل عبر فضاءنا الجميل سودانيات |
| الساعة الآن 10:41 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.