سلاف العمر
اذا منك كما مني.. واذا انك .. يبارنك خطاوي الليل
ومن شيل الحروف تسكر خيوط صبحي البصابحنك اكيد منك بسرقو هواي وادس وهج الجمال منية علي غنية بتعاين ليك ,,, وسفرا يبدأ بيك .. منك يغننك خيول فجعة مخافي عليك ومن فرة قلم ممدود بنيات الجمال يسهن علي وافر حلم موعود ويلقنك علي وادي ومراسي هناك بقت يوماتي تضحك ليك مدد عدد الحروف خاطري و مداد قلبا عرف حنك اريت ظنك يسوق ظني اذا منك مرق ضلي وبعاين ليك بساط ريق الفرح مرسال .. شرب جواهو طيب ظنك صحيح انك ندى السكة وبراح رمل الطريق رقراق كما غيم الرحط ماهل .. سلاف عمري العشق دنك يماحقنك عيوني عليك وشايف الروح عليك تحفى واناديلك تشهقي براك,, واتلفت.. الاقي عيني يقالدنك وطن شيل الحروف اسمك ,, مواويلا تسارق الليل وضحكاتا علي وعر السكات عترت وقامن تاني يبرنك وانا الباريت ظنوني عليك اسابق الريح ,, ادفر الموج عشان اوصل مدن عينيك و اريت يا عيني لو انك ندهتي الفرحة من جواي وجبتي الرايحة بين ايديك وقت اصلو الدرب واحد .. وصدفة حواسي سرقنك عبدالله وداعه الامين لندن 17.01.2010 |
هو ده
|
اقتباس:
شنو هو الهو دا؟ |
اقتباس:
هسي انا قلت حاجه الواحد ما يعبر عن الحاجه البتعجبه |
اقتباس:
والله واحشني يا عبد الله والتوقيع المميز والاحساس المميز الله يميز ايامك واحساسك عشان تميز الكلام .. الكلام النحن فاقدنو ... تسلم يالحبيب ... انت شاعر من دهب خالص بخلت الايام به على شعبو وناسو ... لا تحرمنا من مثل هذه الدرر الغوالي ... الله يديك العافية ... كم انا سعيد بان اجد هذه النفائس ... محبتي ... |
وأهديك من عندي محاولة تعبير عن فرحي بك :
سلاف الروح سافر يا سلاف الروح معاك تبقى السلامة رفيق وحلِّق في السما المفتوح أدي القمرا أحلى بريق سافر يا جميل وأرحل تدلل يا مليح الذات وأنثر حسنك الأكمل عشان تتغزل النجمات وحاتك أنت يوم ما تهل وراك الثانية كم سنوات نكون راجين هلال جيتك تباشير طلتك غيمات ولما تفوت مواعيدك نسجل شوقنا في النسمات تعطر بالفرح عيدك تعيد ذكرانا لو لحظات تفكر فينا وتعيدك إليك تتبرج الساحات ويعود الملهم الصداح ويسكت يا شفيف البوح أنين الخاطر الفضَّاح ونغرق نحن في ريدك ونكتب ليكَ يا عصفورنا شلالات من الغنوات مجاهد عبد الرحمن -السعودية - الرياض الأربعاء 23/12/2009م |
اقتباس:
زقلتي ليك حرفين وجرجرتي كرعينك مارقة هي النحنحة كدا بالله؟ عبري ياخ واعبري كل جسور طريقك وعلينا مد الجسور ومن جذور goood |
بالله دى طوبتى لحد ما اجى
ماف زول يهبشة الكلام ده داير صباح بس |
اقتباس:
دوما تخجل تواضعي مجاهد تحملني عاتق الكلمة وانا من يتعلم المشي على حواف نعلها شكرا لهذه الثقة التي حملتني مسؤليتها وشكرا لك انا شاعرنا الانيق ولتجد سعادتي بك اكبر وفرحي كبير مودتي ومحبتي لك ودمت كما انت دوح وروح |
اقتباس:
البت مؤدبة شديد أبت تخاطبك بي ولد وقالت هو دا وكان حقو تقول هناي دا..العمااا..انت شو حكايتك يازلمييي... افتهمييييييتgoood;) |
اقتباس:
امريكا دي مني؟ وشيوعيون ديل شنو؟ والبت دي هي منو؟ وهو في شنو يا توووحة؟ :D انت محامي الست؟ looool ما بدي افهم يلعن حريش الفهم كان فهمت منك ومنها شيء الاتنين اقلبوا وشكم وادوني عرض اكتافكم:mad: |
اقتباس:
|
اقتباس:
وما تتحثث خلي روحك رياضية :D ونفثك طويل المحامي بزوغ وبخلي القضية في المحكمة؟ |
اقتباس:
يازول أنا أصلي لا بسلف لا بستلف ..شيل سلافتك دي بعيد مني قبال ما اعملا ليك سلف ودين وأسجلا ليك جنحة مباشرة قابلة أن تصبح جناية:(:p;) |
اقتباس:
وعارفك شايقي ما بتحب الدفع :D شفت براك جبت لينا الكلام هسه بجوني الشوايقة ويشلخوني بي سببك طيب قش كرعينك واتخارج سريع كان باريتك بتوديني التوج الكوشة بودوني ليها ناس هناية goood والجناية ساهلة خوفي من التانية :D |
| الساعة الآن 10:59 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.