يا صاحبي..إت ما شُفتهن ..
عارف يا صاحبي
لما البنيات يوسمن ممشاك بالصفا و يَدْمِنْ رصيفوا الانتظار ولما يتعب خطاك الحَفا تختبر في نص دهشتك انو البنيات ديل سبقن أمَـلَــك .. و انهن نفّضَن عن كل أحلامك غبار الغربة وقالن لك: "نحن أكبر .. نحن أجمل" عارف يا صاحبى لما يمشن .. الرصيف يجُر رجلينو وراهن ما مَن قدلة مشيهن من قيمة مشوارن و اتجاه الخُطا ولما يَتبَلَّـن بى عرق نضوجن ينشَّفن ريق الخَـطا و تستحيل عليهو مسافات اللحوق .. تلقى كلماتك ما بتحوق كان شفتهن .. يتبُنن الشارع العريض يفيق من حُمّتو يشبهَن طَبع القريض و يجيك بى ضُمّتو تلقى نفسك قليل حيلة ولما غبّر العَيا حيطان الوليدات الصّبُر وغارن جريحاتُن جن بى ضياهن نورّن مغاراتُن .. إت ما شفتهِن أنا شُفتهِن شفتهن .. ساقنِّى وسَقَـنّي و عاجلنى الشِفا وانت ماشى لى هنوك يا عماد استبين خطاك عشان تشوف ملامح سكّتك اصلو بجهَر وشيشن وكان كلّمنك بشيشن تعرف الأتر البوديك لى عقلك مستبين وواضح و تب ما بسوقن خطاك في درب الندم وعقلهن يوزن بلد و قولن يدوزن ولد زيّك سمح و رزين .. دايرنى اوصفلك .. لوحتن ما لوّحت الشمس لوحَتِـن ما بِحرد وليد صفحتِن لا بِقْرَب مداد صفحتن لقيت الشمس صاحبتِن ما بتقدر ترسمن اللون الفيهن ما اتخلق الا فيهن كان قلت الخضار .. ينبّت منو الصفق كان قلت السمار تلقّط منو النبق طبقا عن طبق انا شفت في عيونن طبق طبق حبوبة الزلال .. مغطِّى كورية و صحن وسيرموس أما كفى ..؟ الباقى تِمُّـو شوف .. |
الباقى تِمُّـو شوف ..
بس يا معتصم نتمو شوف كيفن عاد يا أخوي نحن خلاص زمانا فات وغناينا مات بس القلوب حارة تبق وتقول كب وفيها نارن توقد ولهيبا يسوي بق وهي زات روح جمرها ياطا فوقو العدو المو صليح بس يا دير شوف الغزال ما بكتل لكنو بودر وبضهب وكمان ببشتن الحال يديكم الصحة والعافية |
أما كفى ..؟
الباقى تِمُّـو شوف وإت مااالك ما بتتمو يا سواق دفة مركب البكايين ؟؟ وإن كان الشوف بقي شوف طشاش والعوينات لبسن قزاز دحين ما بتشوف لي خيّك معاك ؟؟ |
يااا باااش...
مهماا تحاافظ و تااخد حذرك... غصبا عنك يلفت نظرك...... و تصبح عاااشق غصبا عنك...... [align=center] [media]http://andorra.indymedia.org/uploads/2007/02/alkashief.wma[/media][/align] |
اقتباس:
ما ملن عقلك قبل قلبك وعينيك ( اذا وجد لهن مكان) |
اقتباس:
لكن الشوف معاك بيتقسّم ...؟ . |
ود عثمان
الحبيب شوف يا حبيب نحن عشقنا بمزاجنا و حبيبنا بارادتنا ولما رجعنا لقينا نفسنا كنا مجبورين نريد |
اقتباس:
قالوا بيشوف القلب .. و العين .. !! ( يا عين لم إنهمالك ليه لونك إحمرّ لونو .. هل من زول بسهم رمالك , شال نومك و زاد نوم عيونو ) .. يا مجهور يا صاحبي .. اقتباس:
أرفق بنا .. لو عرف القديس فالنتاين هذا الضرب من الود .. لتيقن الخواجة أن العشق حق .. يا رجل .. بت ود حامد تقول مغاضبة في حنو حين يسقط في يدها من القهر : قهرتك بالقاهر و النبي الطاهر .. أنا أقول : قهرتك بالقاهر يا معتصم الطاهر .. من أين تملك ذاكرة الجوارح و أعينها ؟ من سلطك علينا تنفخ في أشرعة الروح هبوبك يا بلد ؟ يا زول .. أختاني .. غشاء القلب أرهفته النازلات .. ( و الصبايا يلقين به , منديلا ورقيا بعد الإستعمال ) . عليه العوض و منه . و .. إن عدتم . . |
العمدة ...
عمدة البكايين [ramv]http://3aza.com/uploader/uploads/1171614903_glib_bilsih.ra[/ramv] |
| الساعة الآن 03:38 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.