سودانيات .. تواصل ومحبة

سودانيات .. تواصل ومحبة (http://www.sudanyat.org/vb/index.php)

- منتـــــــــدى الحـــــوار (http://www.sudanyat.org/vb/forumdisplay.php?f=2)

- - غني نشيدك (http://www.sudanyat.org/vb/showthread.php?t=491)

غني نشيدك

[align=center]غني نشيدك

إتوضيت بي دمع المطرة الفيك
وإتوسدت بيوت العفة ونمت ..
إتهندمت غناك لي باكر ...
إتوكأت عليك وسرت ..
وكنت نشيد الفرح الجاي
للإطفال الراسمة ملامحك
في أوتار النبض الفيها...
وشايلة نشيدك .. غُنى ومسدار
للمتوجع وساكت ... ساكت
تبقى شموسك وهج حديثك
خلاصة الحلم الساطع منك
إنو نشيدك ما بتراجع أبداً
ولا بنتوحد نحن بدونك ..
يلا أمشي وختي بذورك
في شريان الأرض التعبت
بكرة بتكبر وتبقى سنابل
وتبقى سنابل الإلفة غطاك
ومرتع كُل صغارك ...
يا مشتولة وفينا وعارفة
إنو بدونك ما بنتوحد ...
كوني حقيقة الزمن القادم
وأرسمي فرحك فينا ..
وغني نشيدك ,
***[/align]

عزيزي جدا الشاعر الفذ
يوسف حمد النيل

تحياتي و شوقي الكبير لك ..

هذا ليس بنشيد ..
هذه ملحمة ضاربة الجذور في أعمق أعماق الوجدان ..
يعطيك العافية ..
سأضيفها إلى مجموعتك التي أحتفظ بها

أخي يوسف
مرحب بيك
جميل هو النشيد
وجميلة طلتك تحمل بشارة قلم مخضرم

اقتباس:

وأرسمي فرحك فينا ..
وغني نشيدك ,

حبيبنا يوسف .. الشاعر الطموح ..

لقد رسمت فرحك فينا وافرحتنا
وغنيت نشيدك فاطربتنا وتمايلنا ..

اسكب علينا مزيدا من جنانك وجنونك ..ود وحب