قولو ...اتقلبت ...!
شنو التصور الفى بالكم للحظة الاولى ؟ ومنو الحايتبنى مشروع الحكومة الانتقالية لحد مايستقيم الوضع ؟ وهل نحن الشعب الممكن يرتب نفسو دون (ألفــّة ) ؟ _______________ تانى سؤال جال بى (مخى ) الصغير ده ..وموضوع الاستفتاء ده حايكون موقفو شنو بعد (الثورة) والطيحان بالحكومة الميتة فى كراسيها دى !! تالت شى ، ياربى الرموز المحفوظة من سنة اسكت دى حاتدى الشباب فرصة يعمل الشى الشايفو صاح ..؟ ____________________ والله ماعاوذة احبط الناس ، ولا احبط نفسى ....بس النصيحه تتقال السودان الان عبارة عن خشم بركان ، لو ثار حايحرق ! __________________________ ويارب بندعوك لطفك على شعبك ... |
هي بث
التنقلب لكن قلبا بالشعب ما عسكور تاااااااااااني:mad::mad: بعدين هينا والشباب اليبقوا عليها عشرة |
اقتباس:
المشاركة الأصلية كتبت بواسطة سمراء http://sudanorg.tk/vb/images/buttons/viewpost.gif والله ماعاوذة احبط الناس ، ولا احبط نفسى ....بس النصيحه تتقال السودان الان عبارة عن خشم بركان ، لو ثار حايحرق ! ما هو الحوار الحل الوحيد بث مع منهو مع الطرشان ما بينفع متلك يما، حسي بشوف الفي مصر والله قلبي في يدي شغب وحرايق وهو إحنا برانا ما عندنا التكتحا ربنا يجبها على خير بث اليغوروا الشوم ديلآ |
اقتباس:
فيما يخص التساؤل الأوَل: الأحداث هي اللي بتسيَر المآلات بالرغم من أنَها مابتمثل هاجس كبير وده طبعا رهاناً علي حالة الوعي الكبيرة اللي بدت تسود المجتمع..فمواطن الليلة مازي مواطن التمانينات من نواحي كتيرة ودي محمدة. أمَا موضوع الإستفتاء لأنَو مرق من الإطار القومي يبقي الإلتزام بيهو يبقي واجب علي كل من يمسك بزمام الأمور ولا كتَر خيرو..إلا في حالة واحدة بس..اللي هي الجنوبيين يتنازلوا عن الإنفصال لصالح الوحدة وتتمزَق نتائج الإستفتاء.. والإحتمال الأخير ده انا برجحوا بشدَة اعتماداً علي أنو الحركة الشعبية الإنفصال بيعني ليها الإنفصال عن ثقافة المؤتمر الوطني تحديداً وليس السودان الجغرافي. وكدة.. سلامات. |
سمراء سلام
ياسمراء الناس تبحث عن حقوقها فى وطنها , حق أن تختار, ولا تبحث عن ضمانات وهمية وساذجة عن رخاء يعم فى لحظات.. الحقوق أولآ ياسمراء حق أن تنعم بمال الدولة وامتيازاتها حقك الطبيعى فى أن تكون حرآ حق أن تختار وحق أن تعيش حياة كريمة الى الامام فالتغيير قادم لامحالة ليس من مهمآ من سيأتى ليحكم, المهم هو أن يختار الناس ذلك الآتى, فالدولة الديمقراطية والمدنية لايحكمها الأفراد بل تديرها المؤسسات المهم هو أن لانجلد فى الشوارع بسياط النظام العام وأن يكف المتأسلمين شرهم عن عباد الله فلنهب الى الشوارع فى الموعد |
والله نفس الإحساس يا سمراء |
اقتباس:
ولا كيف حايكون الوضع بعد الانتفاضة مباشرة !! انا سؤالى واااحد ...منو البطلع المنصة عشان يزيع البيان الاول !! |
اقتباس:
ما نحن بصدده ليس إنقلاباً، بل ثورة فقد ولى زمان الأنقلابات، والبيان الأول ثمة بيان واحد، وأخير: دولة ذات مؤسسات ديمقراطية، توفر لشعبها الإحترام قبل الطعام |
اقتباس:
قلتي لي ده سؤالك الواااحد.. هو البيان الأوَل ده بالله حتي في الأنظمة الديمقراطية برضو مقرَر..؟؟ شوفي اقول ليك: في حاجات كدة مرَات بتكون غاية في رقبتا .. شفتي كيف..؟؟ ثم.. الزول قبل ماينجح في إمتحان الثانوي ما بيختار الجامعة الحــ يدخلها. |
اقتباس:
بالجد محتاجين لى قائد حكيم وواعى يقدر الموقف بكل تفاصيلو قائد يجيد قرأة الوضع بكل تفاصيلو الحساسة لى أمة (قبلية ) قبل كل شى وبقى من المستحيل يجمعه صوت واحد .... |
السودانيون تخصص إنتفاضات لكن هناك مشكلة !!
فى واحد لابت ليهو فترة عايزنا نرشحو رئيس وزراء !! عرفتوه ؟؟ قولوا لا طيب زى هيثم طمبل كلو ما ينفرد بالمرمى يشوت الكورة فى الكشافات !! جعيص وبقعد الكلام ... الزول ده لو نط فى الحكومة تانى إلا حمار الوادى يهنق !! طبعاً حمار الوادى بيجى من شمال امدرمان على جهة الكلية الحربية.. وتانى 25 سنة ما تحلنا .. يا جماعة الكلام ما الإنتفاضة الكلام ما بعد الإنتفاضة .. |
سمراء كيف اخبارك وعساك والجميع في كامل الصحة
اقتباس:
فترة انتقالية لا تقل مدتها عن العشرة سنوات كي تعيد الامور لنصابها ومحاكمة كل من اجرم في الشعب السوداني .... واتاحة الفرصة للاحزاب كي تنظم صفوفها وتعيد ترتيباتها لخوض الديمقراطية القادمة ... وعلي الاحزاب ايضا طرح برامجها وتوصيلها للمواطنين عن طريق الندوات والمؤتمرات التأسيسية في كل فروعها ... مشاركة كل النخب في وضع الدستور الدائم للبلاد .... ترسيخ ثقافة الديمقراطية بواسطة منظمات المجتمع المدني ومنظمات حقوق الانسان . اقتباس:
اقتباس:
_______________ اقتباس:
اقتباس:
ومايحدث الان في مصر في مصر واليمن والجزائر وما حدث في تونس هو تخطي واضح للاحزاب السياسية التي عجزت عن تلبية طموحات الجماهير ... ولو حدث في السودان الذي تم الترتيب لأجله سوف يكون تخطي للقوي السياسية التي اصبحت تستخدمها الانقاذ كحقن مهدئة في جسد الانتفاضة .... فالشباب الثائر اليوم هو واطي الجمرة والمكتوي بنيران الانظمة القمعية .... ____________________ اقتباس:
__________________________ اقتباس:
|
اقتباس:
الرشيد تحيات واشواق ...كيفنك يازول ولعلك طيب؟ ياخ والله مخى صغير وجدا فى مسائل السياسة وبالجد موقفى ضعيف قدام الشى الحاصل ده وسلبى جدا وبعترف بيهو .. وسببى محتاج دعم ونقاش وقناعات وتشجيع ...عارف ليه ؟ لانو قرايتى للوضع مختلفة وخاته قدام عيونى النمازج القديمة .... |
اقتباس:
هو مانبحث عنو ....الحقوق بس ياجاليلو حقوقنا دى نضمن كيف انو حاناخده ؟ سؤالى وين القيادة الممكن كلنا نكون مطمنين ليها فى فترتنا الانتقالية والحاتقوم تتبنى لينا حقوقنا ؟ وتشرف على وضع دستور شامل وكامل لضمان حياة كريمة ؟ سؤالى عن شكل الحكومة القادمة ومكوناته بعد التغيير ومباشرة ؟ |
اقتباس:
لكن تذكر مره قلنا منو الممكن يحدث هذا التغيير دي نقطه مهمه يا جيلينا منو عندو الكاريزما يقود هذا التغيير ويلتف حولو الشعب حتى الموسسات لابد لها من قائد يا جيلينا يبقى سؤال سمراء اجابتو مهمه ماذا ومن بعد التغيير |
| الساعة الآن 02:55 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.