بورداب الرياض .. شكراً لكم .. !!!
يقول سيف الدين الدسوقي في رائعته عد بي الى النيل :
واصدقاء عيون فضلهم مدد ان حدثوك حسبت الصوت صوت نبي هكذا كان مقدم الأخوة من بورداب الرياض وأسرهم الكريمة كانوا في تمام البهاء اذ علت البسمة وجوه الجميع وكست جلستنا نسائم زادت من انشراح الخاطر .. كان عباس الشريف بضحكته العفوية وفدأ لمقدمة الجمال وهو ان ألفيته في مكان لا تبذل جهدا في أن يحتويك بتلقائية عجيبة ومباغتة من حيث لا تحتسب في آنٍ واحد .. سهلٌ في انسياب الفرح من بين حديثه بلا تكليف فتجالسه وتعبر امامك أطياف مدينة مدني بحاراتها المتعرج منها واللواتي استوين .. ولا تكاد ترصد قفشاته في شأن طارق الحسن أو معه حتى لا تعرف أين تذهب بالضحك والفرح الطفولي العميم .. !! ثم لحق به العزيز ( زول الله) وصهره الأخ أحمد أبو ( فارس ) الذي امتحن محبتنا له فكان الجميع في تمام الموعد .. !! وهذا الرجل ( زول الله ) لكونه فناناً بالفطرة يقطع كل المسافة باتجاهك بحديثه العذب ونبرته المميزة ثم ما ان استوت جلستنا على جودي المحبة هناك حتى كان صوته الجميل يتنقل بنا بين ود الرضي وابو صلاح ومحمد الحسن سالم حميد فكان الغناء والعود في ايدو حتى ألجمتنا الدهشة ونحن نستمع لرائعته ( مجرورة وتجر ) هذه الأغنية التي كتب كلماتها الشاعر : يوسف حمدالنيل عربي ولحنها وغناها زول الله كأجمل ما يكون الغناء تقول كلماتها : مجرورة و تجُر من الشمس شرقت لامن يغيب الضُل حق الأكل و البُن مرات تجيب واحد والباقي ليهو تجُر إلا الحمُد وافر والحالة ياها فقـُر عين الصغار دمعت والنوم سلاها و فر من شدة القراص .. سور الشقا العالي و أمرين مُـر و أمر خلو الصغار تكبر واحد يـ رُم البيت من المطر والحر والتاني يشفي جرح طال الزمن و غور فجر الغُبش جايي واطاتو ممطورة ضي القمر ساطع مافيهو فاتورة مجرورة مجرورة مجرورة مجرورة فانظروا الى هذا البهاء .. وليتك يازول الله قمت برفع هذه الاغنية هنا .. !! ونحن في ذاك الجو العجيب وصل الأنيق أبو مناهل بهدوءه المحبب وبشاشته التي لا تخطئها العين بشوشا حد الأخوة فعانق طارق الحسن عناقا حاراً اذ كانت هي المرة الأولى التي يلتقيان فيها رغم التواصل الاسفيري منذ سنين .. !! شرفنا كذلك العزيز ( نهرو) بقامته المديدة ومرحه الجميل ( وكان ماسك الزمن ) كما يحلو لزول الله أن يردد .. !! لم يكن الذين باعدت بيننا وبينهم الجغرافيا غائبين اذ هكذا سودانيات .. جاءنا صوت عصام كيشو جزلاً من الدوحة بقفشاته التي تميز حديثه مع الجميع .. ثم كان صوت العمدة عكود مازحاً ومطمئنا على الجميع كالعهد به .. ومن هناك من مدينة جدة جاءنا صوت الشاعر الجميل بله محمد الفاضل مدثرا بأمنياته للجميع تماما كما فعل يحي عثمان عيسى صديقي في الاتكاءات الجميلة .. !! ثم كان اليوم التالي في شاطئ نصف القمر حيث ابتلت عروق الوصال وذهب ظمأ النفس الى الجمال وشهدت الرمال على عباس الشريف وزول الله كيف أنهما عانقا المياه هناك والاطفال من بينهم يمرحون .. كان الجميع في حبور دعوني أترك صور الجميع تحكي عن الجمال .. !! كان فخري الزين وأبو ريم واسرتيهما خليتان من النحل استخرجوا الشهد من الفرح فلكم الشكر الجزيل ونقول للجميع سعدنا بحضوركم وفرحنا معكم وبكم حفظ الله الجميع ومتعكم بالعافية .. وشكرا لكم أجمعين وشكرا لسودانيات التي جمعت الجميع ..!! |
تعذر حضور الأخوة النور يوسف وعبدالمنعم وامين البشاري ... لكم تحياتنا ونتمنى أن نراكم قريبا .. بس فاتتكم متعة كبيرة والله :D
العزيز اسامه الكرور تأخر في الحضور فغادرنا المكان قبل وصوله له التحية |
بسم الله نبدأ بالوجيه طارق الحسن والانطرابة البداية بي طارق تسخينه عشان الناس اخشو المود اصلو طارق ما عندو رقيب ودائما بنختو درقه قدامنا حسدك علي حالتك الحلوة دي.
http://www.alrakoba.net/vb/uploaded/1618_1302332659.jpg |
الينا بالصور يا كانديك ... ياخ ناس سودانيات ديل وين ما اتلاقو بصنعو الفرح يا زول وجه الشبه انو القلوب مليانة ريد ... والنية مطر والله الزول فرحان بي لمتكم دي الله اعلم ويا رب دائماً كده ملمومين في الخير كل الود .... |
اقتباس:
لكن علي الايمان الطاقية تشنيقة جلابي بس وجع :D اها وببشر بي قارورة موية ولا looool قارورة موية برضو :D |
حبيبنا فخري ومن الخلف جلسوا ابو ريم ...الشية بتاعت الحديد اظرف حاجة فيها البصل والطماطم الما بين الفواصل زي ما قال حمزه كانديك.
ذكرتنا ايام فريق فلاته والاقاشي يا فخري http://www.alrakoba.net/vb/uploaded/1618_1302332970.jpg |
و هكذا تكون الكتابة عن الأشخاص حتّى تكون الكاميرا نافلة التمام!
سعدت والله بجمعكم، وسعدت أكثر بالتحدّث مع البعض، طارق وطارق و أبو مناهل. كم كنت أود التحدّث إلى عبّاس، زول الله، نهرو، أبو ريم، فخري و أحمد، وهم في تمام الكيف. هنيئاً لكم، و هنيئاً لنا بكم. على جنب: طارق الحسن و أبو مناهل بالله أوّل مرّة يتشاوفوا! كان كدي ضهورهم لازماها مسحة فِكْس من التلبيع :D |
اقتباس:
http://www.alrakoba.net/vb/uploaded/1618_1302333292.jpg |
زي ما بقولوا لمة في الحرم ان شاء الله :) اقتباس:
عباس الشريف بالله بتعرف تعوم !! ولا استعرت (بطة) واحد اخونا كدا looool |
|
اقتباس:
الزول ده ما كان بيبشّر. لاحظ مسكة كُم الجلاّبيّة بأصابع اليد اليُمنى (الماسكة القزازة)، بس الكُم التاني فَلت من أصابعو :D |
اقتباس:
انت وفجر المشارق عاملين لي مشاكل فجر الاسماء كلها كملت فضلت المجهجه دي وكمان خاتي صورة عين. احنا غير النيل واكل الاقاشي في فريق فلاته كان عندنا شنو !!! مالك عايز تجيب لينا الهواء مع بابكر عباس السحسوح. http://www.alrakoba.net/vb/uploaded/1618_1302333837.jpg |
اقتباس:
مرحبتين يا عمدة والله غايتو الصورة فيها اكتر من راي وبعدين الزول ده بتتوقع منو اي حاجة :D ثم انو مسكة اكمام الجلابية عند بعضهم بوزنو بيها المشية عشان ما اتلتو ... او اقعو :D اقول قولي هذا والله أعلم ... :) |
ابو مناهل حسب طلبك انشاءالله بس واحده تعجبا الصورة
http://www.alrakoba.net/vb/uploaded/1618_1302334198.jpg |
اقتباس:
هسي عليك الله يا ودمصطفى الزول دا خلّ قوارير الحلال ديل كلهن ويبشر بقارورة سعرها ريال ... ياخ ما تمش تشوف ليك قارورة إتلم عليها مالك ومال التبِخ !!!! كلامي دا ما حسادة مني طالما قاعدين في السعودية ... تحياتي ليكم جت .. الشايل قارورة والعندو قارورة ... |
| الساعة الآن 06:17 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.