ظنيتني فيلسوف، بث حقوقي مهضومة
قالوا:
شاعر كان نازل (في ضيافة) صديق ليهو ومن عادته الصباح يدخل يحاسب القاضي (بالقاف أو الفاء؛ تحمل نفسى المعنى وهو التفريغ سؤا صحيا أو جنائيا).. المهم صاحبنا، نادآ مضيفه طالب ورق، صاحب البيت جاب ليهو ورق توليت، فإنتهر الشاعر المضيفة قائلا: ورق وقلم أكتب بيهو... بعد الجلسة خرج الشاعر بأغنية، لحنها وغناها فنان كبير ومشهور. ما علينا، علينا بظني أني فيلسوف، كنتا في حالة صفا مع النفس وجلسة "محكمة جنائية".. فلسفتا بعض الصفات التي ترمى على البشر وعن تفسيرها بمعناها ومغزاها... الطيب، المسكين، الشاطر، الفهلوي، الظريف... مثلن الطيب ممكن يكون هو السهل إستغلاله والمسكين مثله يضحك عليه، الفهلوي ممكن تكون غير للشخص عديم المصداقية، تصرف لمن يضحك على البشر بأساليب ملنوية لينال مهم مبتغاه.. * لسة حكاية أني فيلسوف مهضوم الحقوق حتجي لي قدام، دي كانت مقبلات.. والمقبلات مقصود منها التحضير لتقبل الآتي.. في الطعام المقبلات هي المشهيات، أنواع من الأطعمة تستفز الحامض الفي البطن وسؤا إرديا أو لا إراديا الجوعة تحصل... |
شنهو ؟ هو بالله انت ماكنت عارف المعلومة دى ؟!
ياخ انت فيلسوف خلقه واخلاق الله يعلم كلامك الدراب دراب داك وحاة الله قاعدة استفيد منو جنس فائدة ! بس انت الماكنت " حاسى " بينا ساى هنانا :D |
اقتباس:
بالله عليك الأغنية looool |
الشعراء
لهم ملكة رص كلام يصعب على البعض رصه يقراهم البعض تمضية للوقت أو حين تقع أعينهم على تلك الكلمات، فيجدون فيها بعض من الشئ الغريب يحسنهووو.. آها يقوم كلام فلان "الشاعر" يجي في خيتهو ويبقآ شاعره المفضل ويبدا يروج ليهو ويجد من يؤيدهو "على جهالة أو مجاملة أو كدآ بث سااااااكت" ومنها يكسب الشاعر صيت وشهرة... يعني مثلن؛ يهمني شنهو لمن المتنبي يقول عن نفسه ويتباها بياه: الخيل والليل والبيداء تعرفني... في الأخير الزول طلع خواااااااااااااف لمن الخوف جاب خبرهو... |
اقتباس:
غايتو الحمد لله ماني شاعر بشيء والا كان طلعتنا في الدرب الجاي خوافين:D وغيلا جبانين عديلlooool المهم صباحك أبيض يا زول يا جميل ومنتظرين الباقي مع إننا ما حننزل مع إشهارنا لشهادة بأنك فيلسوف ولا أجمل ولك أكيد المحبة والاحترام |
اقتباس:
مخيييييييير!! كلو الا المتنبي دا! .. سم سانين كانت العرب تقول : اعزب الشعر اكذبه الشعراء يقولون ما لا يفعلون .. و هكذا دولايبك ... زميلن لينا - دي على وزن قريباً لينا - زول طيبااااااان على قولتك .. اتزاملنا في اكسيوم تليكوم، ناسن حقارين خلاس. عاملننا زي الحصين كلو زول بكبينتو و مقبل على الحيطة. قريب لقاعة المحكمة بتاعتكم دي، بس الفرق في العبق في الارجاء:D الشغلة في الـ sales زحمة شديد، يا الله يا الله نلقى لينا فرقا نتلفت نتونس مع بعض في غير بريكات الصلاة، و المسروقة من زمن الضائع - ضايع عليهم هم الحقارين ديل - و المختلس لسجارة. المهم يا سيد الامانتي ليك .. يوم جاءنا بما لم تات به الاوائل .. زي حالتك دي ذااااتا! .. بس الزعم انو اكتشف انو " شاعر " .. اها لمن القى لينا قصيدتو ناتج زيارة ربة الشعر الليلية ليو، عليك امان الله الونسة مع ناس سديق في و مافي ديلاك اكتر شاعرية منها:p هو براااهو خجل منها، بس محتار جدا - وعهدنا به زول الله و صادق جداً - فاا القصة دي كانت محيراو جداً انو امس ليلاً وكت الهامها كانت القصيدة بتفعل فيو فعل السحر، الابطل السحر شنو؟ في تقديري - او قول ردي وكتها ليو - انو الشاعر هو الزول البقدر ينقل ليك اللحظة الشعورية ( العاشها/تخيلها/اُلهمت ليو ..اللخ اللخ ). اها في حالة صاحبنا هو لانو المعني باللحظة المحتاجة للنقل دي، وهو الجمهور المتلقي، نجح جداً في العملية الشعرية كلها. لكن للاسف بس ما عن طريق الشعر:p دا الفرق - في تقديري - بين ( الشاعر ) .. و ( المتشوعر) ساي .. او ممكن تقول ( المتشوبر ) دون مجازفة تذكر:p سلامات يا عمنا -------- مسطول مرة جا لابس بامبرز في ي ي راسو. لما سالوه عن السبب قال : ياخ مرات كدا بتجيني افكار زي الخراء:D |
اقتباس:
المشاركة الأصلية كتبت بواسطة بابكر مخير http://www.sudanyat.org/vb/images/buttons/viewpost.gif الشعراء لهم ملكة رص كلام يصعب على البعض رصه يقراهم البعض تمضية للوقت أو حين تقع أعينهم على تلك الكلمات، فيجدون فيها بعض من الشئ الغريب يحسنهووو.. آها يقوم كلام فلان "الشاعر" يجي في خيتهو ويبقآ شاعره المفضل ويبدا يروج ليهو ويجد من يؤيدهو "على جهالة أو مجاملة أو كدآ بث سااااااكت" ومنها يكسب الشاعر صيت وشهرة... يعني مثلن؛ يهمني شنهو لمن المتنبي يقول عن نفسه ويتباها بياه: الخيل والليل والبيداء تعرفني... في الأخير الزول طلع خواااااااااااااف لمن الخوف جاب خبرهو... بكـّور إنت مشيت القاهرة فى اليومين الفاتو ديل ؟؟ |
اقتباس:
الليله يا دكتور دى من وين..؟؟؟:rolleyes: |
اقتباس:
وإنسريت بالعشق القديم والقلب الحميم ... ما مشيت يابا، لكن؟؟؟ ليييييييييييه :rolleyes: |
اقتباس:
سوء الظن خلو .. إن بعض الظن اسمون:D ادينا النجيضة؟ فيلسوف و لّ ناكل باسطة؟ .. و في رواية مجيدة " ناكل جدادتنا " يروى انو واحد رسل ولدوا يقرا في بلاد برّة. اها الولد ما شاء الله حتل ليو يجي زي عشرة و لّ اقول ليك عشرين سنة لمن جاب الشهادة الكبيرة ( الدكتورااااة ) اتسلف. اها ابرق مبشراً الى ابيه.. ان ابشر يا ابتي، اني آتيكم من بلاد الفرنجة بنبأ عظيم. فقد اصبحت دكتوراً، بفضلٍ من الله و منّة منه. و من ثم بمساعدة الكفرة الامريكان الاتسلحوا ليهم الكيزان، هم و الروس بوث اوف ذيم .. و جوز لا يخسر. اهن [ الذ زول في حينا looool ] بجاي الاب الفخور اعلن افتتاح مهرجانات الفرح .. طبعاص هو راجل حالتو ساترة و نصِ كُم .. المهم يوم الولد الجا نهروا اخوه السغير يقبض الجدادة البتفرفر دي، و يضبحوها للضيف الكبير .. الدكتور. و انكسر الجيران و الحبايب مهنئين .. حاج احمد جارم، قالو متوعك شوية .. فإستبشر خيراً بحضور الدكتور ابن الجار، فارسل ولدو عشان الاب يتوسط ليو عند سعادة الدكتور، اكان يطيب و يخف الالم البيو. اها الاب الفخور، قبل ما يبسملوا على الجدادة الاكرموا بها وفادة الدكتور، طلب من سعادتو يمشي يكشف على حاج احمد اول. افو افو! امانة ماك رجل و الرجال قليل يا ابو الدكتور .. اريتك جاري اليمين و شمالي الخلاء .. و ميل يمل مننا الرفيق الفسل. سعادتو ( بشكل انيق و مهذب جداً ) : يا ابوي لكن انا دكتوراتي دي في " الفلسفة " لكن. الاب الكلس : فلفسة يعني شنو؟ سعادتو : يعني يابا اسي دي مش جدادة وااااحدة، انا ممكن اقنعك انهن اتنين! الاب ( الفيلسوف الجد جد ) كف، خمش الجدادة - الفي - و قال وهو يعلن " نهاية الفلسفة الكلاسيكية الالمانية" و فيورباخ ذاتو! .. و زي ما قلنا جوز لا يخسر:D : سمح يا ولدي .. اهن [ مصدر سابقlooool ] نحنا شيلنا دي ... انت ابقى على اللتك التانية ديك بعد تقنعنا بيها:D ----- اهن [ نفففففس المصدر السابق looool ] .. ورينا فلسفتك دي شن نفرا .. عشان نفرز جدادتنا من جدادتك يا سعادتك:D |
اقتباس:
الأصيل وكت الشمس تحن علي الناس وتقول تخف عليهم حروريتها الأحرآ منها شوقنا ليك.. شكرن يابا على المداخلة و"المتنبي" دآك، عشانك نصدقه إلا في شيت "النوبوآ" دآ looool الغريبة بث قريبة من الأمر... اقتباس:
(بالمناسبة mesto برضو معناها مكان ويبقى دآ مكان الراحة ););) |
اقتباس:
أني فيلسوف خلقة، فهذا من فضل ربي وفلسفة الأخلاق فهذه جهدي ومن صنع يدي فضل على ظهري أن أصونه وأجود به على الأفاضل ليستفيدوا عطاء وعناء برضائن ورغبتن أكيدة :rolleyes::rolleyes: |
حين يتحدث الأمريكي الإنجليزية، فهمهو أسهل من فهم حديث الإنجليزي "القح" للغتههو البيتعثم فيها..
دآ في شان الأمريكي بينطقها دون تقيد بالقواعد وأنها كمان تكتب كما تسمع... طيب إحنا السودانيين ديلآ وبي "هويتنا" العروبية بأصلها الأفريقي، لييييييييه ما نسهلا على نفسنا ونكتب "عربيتنا" ذي ما بننطوقآ... |
ازيك يا فيلسوف زمانك
اها ودعتك الله |
اقتباس:
آمين |
| الساعة الآن 12:09 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.