آســـف جــــداً....شوقك جواي أصبح تالف
أصبح تالِفْ ! كل الشوق الكان جوّاى ... فى زخم الدنيا ... إتسرّب منّى وانا ماعارف !! يا مخلوقة بـ لون أحزانى ... بِت شَجَنية و ريدها مُخالِف !! أنا وحياتِك ... يوم ستّفتِك جوّة وريدى ... كنت وحاتِك صبى مُتيقّن بيك...ما خايف !! ولمّا كِبِرنا .. مرَقْتى براك .. وبقيتى تعاندى .. إنتى وزمنى ..بقيتو حلايف !! ومن ما فُتّى ... بَفَتّش ريدِك جوّة وريدى .. تراهو اتْسرّب ... وانا ما عارف ! أمّا الشوق ... يا سِت أشواقى ... أو يا الكانت ...(سِت اشواقى) .. آسِف جدّاً ... شوقِك جوّاى .... أصبح تاِلف !!. ود الشيخ اقول قولي هذا وأستغفر الله لي ولك ياخالد الحاج............. |
ود الشيخ يا "صالح"...لك من الشوق "طويل الاجل"!
...وبعدين ياخ موش "الشوق" هو الدم الجاري في وريد الوحشه؟ أشواقي. |
مبالغة
نشيد عالي البهاء شكراً لإشراكنا في الوقوف على مسافاته |
اقتباس:
يعلم الله الشوق كيمان كيمان لمن بي غاااادي بعدين الشوق لما يتلف ببقى غير صالح للإستعمال ودا بيأثر على الوريد الناقل لذلك أنصح وبشدة أن يتم بل هذا الشوق بـ شوفة شوفتين وبالعدم مسكول ابوريم ياوسيم كيفنك وعساك فاين انت والعائلة الكريمة اقول قولي هذا واستغفر الله لي ولك ياخالد الحاج.............. |
اقتباس:
لك الإنحناء بقدر تشريفك هذا السفر شكراً نبيلاً يشبهك اقول قولي هذا واستغفر الله لي ولك ياخالد الحاج............... |
طيب ماتكتب Expire خارج العبوة ياخ :D
___ ياخ ده كلام زعل ساى ... كدى راجع الدوائر تانى ...عسى ولعل " الشوق " يراجع روحو |
اقتباس:
على وزن هذا الرقم غير موجود في سجلاتنا وكدا شفتي كيف ؟؟ اقول قولي هذا واستغفر الله لي ولك ياخالد الحاج.................. |
| الساعة الآن 11:11 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.