الشيخ الجيلى "راجل سيسيليا" الضو
وين يا أهلنا الزول ده؟
الشيخ الجيلى الشهير ب "الجيلى أحمد" يلحقنا ويفرعنا بى الضوء الكتير بالفرح الغزير والمطر الوفير و ويا البيك نور اقليمك |
. المطر.. صباحك زين يا زول يا زين الليلة إنت جبت سيرة راجل هذا (المسخوط) :) قال إنه سيغيب قليلآ.. لكنه زودها.. له تحايا من الحنايا و معك ننتظر . |
اقتباس:
مساك وصباحك عسجد ونور "قليلا" دى معناها قليلا طويلا يعنى المهم يا زول إننا هسه إطمئنينا على الزول السمح ده بالله يا الطيب لو لميت فيهو عبر الوسائط "المسخوطة" دى أغريهو السلام وأهديهو المودة ده بعد ما تشيل منها إنت قدر ما تقدر |
عزيزنا أبو ذر
و مثلك أسأل عنه و أفقتد الجيلي كثيرآ أحاول أن أتصل به تليفونيآ و لا أعرف في أي بلد راجل سيسيليا سائحآ يا الطيب بشير كان إنت ما عرفت ما أظن زول تاني بيكون عارف كدة خليتنا نفقد الأمل |
الزول المطر,
لطالما هطلت جمالآ وطيبآ وفرحآ, ننتظرك دون كلل وتأتى دون تأخر.. نتفائل بك ياشيخ الحروف والجمال, ونمسح على أفئدتنا ببركة حروفك, نتمردغ فيها كصوفى دهم لجة الجمال وترجم.. إنه الشديد القوى ياصديقى, الموسم على وشك البداية والعمل يمتد أحيانآ حتى 14 ساعة يومية , سأستغل فرصة الأعياد وأتواجد بكثرة, سأعود للرد عليك بإسهاب ونواصل حبل الكلام والمودة, لك محبة خضراء أيها الصوفى , ولطيبنا والحنينة ولحين عودة (وجدت مكالمتك ياحنينة , شكرآ جميلآ وسأهاتفك اليوم) |
اقتباس:
أهو "قدمك أخدر" وجيتك جابت الجيلى بجلالة جلاله وآلاف المراحب بيك وبى شيخ السماحة كنت عايز أقول ليك ورينى رقمه والله وشكر كتير جدا |
اقتباس:
شيخ السماحة "نشتاق ليك وإنت معانا" فكيف يكون الحال وإنت غياب الحمد للخالق شفناك طيب وإن شاء الله دائما طيب وسعيد وفرحان بيك والله فرح مافى أكبر منه إلا شوقنا ليك سلمت وطاب معناك والعافية ما "تختاك" قول آمين |
بركة الجيت يا شيخي يا الجيلي ..
الجيلي أب جلب.. البركة في المطر الخير البركة و تلفون الحنينة الما ضنينة أنا تلفونك ودرتو في إطار زحمة (الملايات المتحدة):( ..باقي طاري البلد عند فراغك من زحمة عيد البيض الملون أعطنا (هلوآ) حلوآ و إنت يا الحنينة ،تتعلي ما تتدلي، كان كتبت لي رقم هذا المسخوت سأكلمه و المطر من دارنا ما يقيف |
اقتباس:
ماغريبه عليك ياجنابو.. إنتا زولآ طيب خلقه وطيب كلمة وإسمك طيب, والمطر دا زولأ من طينة الأنبياء, نضميهو براهو وشيتو كتر..(شواطينو غلاد ومترعين كلامآ سمح) على اليومين ديل جنس مشغوليه, ربك يهون.. وإنتا عارف غير الشديد القوى مافى حاجة بتمنعنا عنكم سلم على العقاب وست الدار وبيناتنا الو اقتباس:
|
[align=justify]الجيلي يا أخوي والله وما طالبني حليفة كل يوم بقرأ البوست دة ودايرة أسأل عنك مع السائلين لكن بصراحة مسألة الشيخ دي ضللتني شوية ... يا ربي ياهو جيلينا زااااااااااتو ولا واحدا تاني آخر مرة اتلاقينا فيها أظنو ما كان خلعوا عليك لقب الشياخة دة.
ومسألة الشياخة دي ذكرتني قصة واحد شيخ في بلدنا الغرب هناااااااك ... بصلي بالناس وبخطب فيهم ... أها مرة من المرات الموية عدمت في البلد والناس عطشت عطش شديد خلاص ولما ضاق بيهم الامر قالو مافي طريقة الا نمشي لابونا الشيخ يدينا من موية ابريقو حق الصلاة .. الطوالي شايلو معاه دة ... أها الجماعة اتلموا ومشو للشيخ وقالوا ليه (عطشنا شديييييييييييد يا شيخنا ومافي طريقة الا تدينا من موية ابريقك دي) أها شيخنا قام يجقلب ... وماسك في ابريقو بيدينو العشرة ويقول ليهم : اديكم موية الوضوء كيف .. دة غلط ودة حرام ... المهم خلى ليك الجماعة يضطروا يقاووهو مقاواة عشان يشيلوا منو الابريق ... فما كان من شيخنا إلا أن رفع يديه إلى السماء وقال( يا الله القلبت الموية خمرة) أها إنت نعلك من جنس شيخنا دة ؟؟ ;) :D والله سعيدين بجيتك مهما كانت شياختك عليك الله ادعي لينا للراجل المطر دة الله يكتر خيره ويسعده زي ما اسعدنا بيك تحياتي أخي أبوذر وتشكر للسؤال عن عزيزنا شيخ الجيلي [/align] |
اقتباس:
مساء الخيرات, تسأل منك العافية, كنتم والله فى الخاطر, وكانت بى لهفة لرؤيتكم جميعآ, باقى ,قارسيا,عصمت, مخير, أسعد,نبيل..... وكل الأحباء فى أرض الضباب, ولكن كل الظروف تآمرت ضد ذلك, الرحلة كانت جميلة ياحنينة برغم أن الأشياء سارت فى إتجاهات مختلفه, عدت إثر تلفون يستعجل قدومى فالعمل قد حان موسمه , وعلى غير العادة تخيرت الطيران فى العودة (لضيق الذمن) ( وجدت تذكرة رخيصة جدآ ولكن الطائرة تقلع من مطار(دسلدورف ) فى المانيا ومن المحزن أننى لم التق حميد وعثمان حمد, فدسلدورف تبعد عنهم كثيرآ) ,وصلت فى المساء لأباشر العمل صباح اليوم التالى .. تقبلى تحايا الصغار وانا ريتا ودومى بخير |
تسأل منك العافية ياندوية,
نحنا شيوخ جربندية وبتاعين مواسم , ناس (الطيب ) ياهم البروبو الموية, المطر وجنابو ديل هم شيوخنا الجد.. شيوخ الحرف الذى يطهى على نار المحبة والإلفة, اقتباس:
وكنتم على إستعداد لمصافحة الوزير , أها الوزير جاء ولا أداكم شره.!! (بالمناسبة الصور لسه عندى , لوعايزه يمكن أرسلها ليك ولو فتحت بوست حول النشاط سأكون سعيد برفده بها), وحاتك من الذمن داك مشيخ ومبايع:D أها فضلت لينا بيعة ناس سودانيات:D :D :D مبسوط بعودتك وعودة الكجور لديارنا.. ** راجعى عبدالعزيز بركة ساكن (وحكاياته عن الجنقو) لمعرفة التسمية.. |
المطر- المترع حروف محبه ودهشه
الزول السمح طيبنا- طيب المقام , الحنينة - ناثرة الجمال والثقافة, والأميرة ندى-تعويزتنا ضد الغياب والحزن, إنقضى موسم الأعياد سريعآ, وكأنه سويعات وليس أيام, وتعود الحياة مجددآ لمعمعتها, سأكون بينكم كلما سنحت سانحة ( وهذا وعد).. لقد طوقتم عنقى بجميل سؤالكم وعزب حديثكم , أحس بالفخر والفرح وأنا أراكم تتفقدون حالى وعنى تسألون, لكم المحبة بكل صدقها, وسأكون بينكم من حين لآخر.. |
| الساعة الآن 03:59 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.