بوست الاسبـوع
سلام للجميع
(بوست الاسبوع) هو (بوست) سنختاره سويّا كأقيم ، أمتع ، وأجمل بوست كل اسبوع سنترك لكم عبر هذه النافذة مساحة لترشيح البوستات المفضّلة لديكم فيما قُدّم هذا الاسبوع على أن نختار عدد منها ونخضعه للتصويت في بوست استطلاعي في المنبر العام غدا ان شاء الله.. ونتوّج موضوعنا المفضل وصاحبه عبر ذلك البوست بعد انتهاء التصويت وهكذا كل اسبوع.. أها ورونا همتكم في الترشيح والبوستات الجميلة looool ليلة سعيدة للجميع |
تمام يا سماح
بس ما حددتي الجايزة شنو؟:D ------ بدين الخميس دا ما قرّب؟ بالتوفيق .. |
اقتباس:
لكن ممكن نفكر لي قدام نعمل فيها جوائز عينية ولا حاجة :rolleyes: بالنسبة لأنو نبدأ التصويت بكرة: لأنو ببساطة البوست ده بس عشان نختار المواضيع الحنخضعها للتصويت..ممكن نفرد المساحة الأكبر لعملية التصويت ذاتها عشان نضمن مشاركة أكبر قدر ممكن من الأعضاء فيها بالتوفيق للجميع أنا ماشة أجيب ترشيحاتي :p |
مبدئيا أنا برشح :
حميّد .... هل مازال برقاً ماطراً ....النور يوسف الدوش .. في ذكرى رحيله.. قيس شحاتة |
انا برشح بوست حافظ حسين
نظرة غير محايدة لسودانيات |
مش اول حاجة ترشحوا للاقتراح ذات نفسو
ولا شنو |
اقتباس:
شوتي رايك طوالي .. المافي شنو؟ دا مش بورد خاص؟ -------- حديقة دي من صك بشرى الفاضل = حبيبة + صديقة برضو نحتا ليك مخصوصlooool |
اقتباس:
فقلت احسن تتموا الشورة:) ولقبك شرف والله العظيم وسعيدة باني اكون الاتنين |
اقتباس:
البوست دا ما سري ------ هم جوز اللوز ديل برا الشناف عندهم شنو تاني!؟:D |
قيقا وسموحة حركات ود عثمان دى ما بتقسم معانا كلو كلو
ورورنا الجائزة عشان الواحد يجيب مواضيعه ويجيكم داخل بقلب جامد:p:D بعدين معنويات شنو البتدونا ليها انحنا شعب السودان الاحباط الفينا عليك امانة الله الا يوم البعث والنشور:confused::confused: قال جائزة معنوية قال الا بوست النور صراحة قوى جدا رغم انى من شدة قهرى ما عرفت اقول شنو بس كمان ما قريت الديوان وما عندى الكثير عنه بس كل شى جائز:( looool |
ماتكونوا دايرين تحيلوا البنر للمعاش:eek::eek:
|
كمان بالمرة اعملوا لينا الحركة بتاعت منتديات الخليجيين ديك
عضو ناري عضو ماسي عضو (ماحد قدو) (عاجباني ليك عجب الحركة دي) بالنسبة لبوست الاسبوع اقترح ان يتم التكريم في الاذاعة المدرسية........ سريع كده قال ليك بدو يرشحوا:confused::confused: |
تحياتي
جيجي سارة ومهند شكرا للمشاركة سنحاول استصحاب وأخذ كل المقترحات والنقد بعين الإعتبار وساعدونا بتوضيح الرؤى.. حيث المصلحة العامة هي المرجوّة.. وفي انتظار ترشيحات من يرغب محبتي |
السلام و التحايا للجميع
و هنا مرشحنا : كيف أهملنا المنبع و شغفنا بالمصب ..أحييكم من كمبالا... !!! الطيب بشير |
سماح .. كيف الحال
فكرة جميلة وتشجع على المنافسة والإبتكار والغيرة الخلاقة ،،و أولاً أخير تضيف للقارئ المتلقي وترفع من قيمة المنتدى .. لكن الأسبوع يمر بصورة سريعة جداً .. انا شايفة نعملا أسبوعين ..أو شهر( المهم أسبوع بسيط جداً) وذلك حتى تتسع الفرصة للترشيحات وتكون هناك فرصة أكبر للمنافسة على العموم انا أرشح بوست حافظ حسين (بين روز والغفاري) و( الدوش في زكرى رحيله ) قيس الصديق شحاتة) |
| الساعة الآن 11:39 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.