سودانيات .. تواصل ومحبة - كتاحه في الخرطوم من النوع (أبو كديس) بالصور

سودانيات .. تواصل ومحبة (http://www.sudanyat.org/vb/index.php)

- منتـــــــــدى الحـــــوار (http://www.sudanyat.org/vb/forumdisplay.php?f=2)

- - كتاحه في الخرطوم من النوع (أبو كديس) بالصور (http://www.sudanyat.org/vb/showthread.php?t=5479)

كتاحه في الخرطوم من النوع (أبو كديس) بالصور

والمغرب داخل علينا ...
قلت أصل البيت سريع ، عشان الأولاد يلحقوا برنامج
الحديقة مع أولاد خالتهم ..

قال الحديقة قال!!!!!!!!!!!!!!

وأنا في شارع السيد عبد الرحمن (جنب فول أبو العباس)
ودا لزوم الجوعة – طبعاً الغداء بعد المغرب – حسب
العرف السوداني الجديد.
وهاك يا الكتاحه

قال الحديقة قال !!!!!!!!!!

كدي شوفوا الصور
وبعدين بجيكم

قالوا شنو قالوا ماشين الحدائق

إسماعيل حميم

سلام حميم
و الله فعلآ دي من النوع القلت عليه
جاني خبر الكتاحة في تليفون عاجل من السودان
و عرفت إنه الكهرباء مقطوعة من بعض الأحياء
حتي قبل الكتاحة ب 24 ساعة

حسب ناس الطقس
بيقولوا دائمآ بعد الحر الشديد..زي اليومين القبلها
بتجي كتاحة يبرد الجو قليلآ بعدها
فهل حصل؟
و لا بقت عليكم حكاية ميتة و خراب ديار؟
معليش هارد لك للعيال

بعد إذنك..
أضفت صور الكتاحة إلى ألبومي العامر بكل أنواع الطقس
من كتاحة إلى جليد إلى عواصف و سيول
بالمناسبة...
كان عندنا زلزال في مقاطعة كنت قبل يومين في جنوب إنجلترا
4 درجات على مقياس ريختر
خسارة بسيطة في الممتلكات و سلمت الأرواح
لكن ربك يستر
تحياتي

اقتباس:

المشاركة الأصلية كتبت بواسطة haneena (المشاركة 68138)

سلام حميم

و عرفت (غنه) الكهرباء مقطوعة من بعض الأحياء

دكتورة:
دى من الكتاحة ولا من الزلزال

اقتباس:

المشاركة الأصلية كتبت بواسطة بركات الشريف (المشاركة 68143)

دكتورة:
دى من الكتاحة ولا من الزلزال

أستاذ
ما فهمت السؤال

مجرد ممازحة في كلمة (غنه)

وكمان المويه قطعت بعد الكتاحه

وبرضو مشروع حضاري

ربي يكون في عون أهلنا المساكين في السودان
كتاحه
وأنقطاع في التيار الكهربائي والماء
وتسلم يا أخ أسماعيل

لاحول الله...
أنا لمن شفت المنظر إتخلعت :eek: وإتأثرت :(
كأنه في عماره وقعت أو اتفجرت وده الغبار اللي ناتج عنها..
الله يعين ناس السودان ويرفع عنهم ويحسن أحوالهم يااااارب..

اقتباس:

سلام حميم
و الله فعلآ دي من النوع القلت عليه
جاني خبر الكتاحة في تليفون عاجل من السودان
و عرفت إنه الكهرباء مقطوعة من بعض الأحياء
حتي قبل الكتاحة ب 24 ساعة

الحنينة حنينة
سلمك وإيانا الله
الموية قاطعة عندنا لحدي هسع
تتخيلي مع التراب دا الحالة كيف!!!

اقتباس:

حسب ناس الطقس
بيقولوا دائمآ بعد الحر الشديد..زي اليومين القبلها
بتجي كتاحة يبرد الجو قليلآ بعدها
فهل حصل؟
و لا بقت عليكم حكاية ميتة و خراب ديار؟
معليش هارد لك للعيال

من رحمة الله علينا الجو برد شوية
عن الأيام الماضية
عليك الله السودان دا بلد برمجة
والله مايكرو سوفت ما تقدر تبرمج فيهو
بس الحمد لله

اقتباس:

بعد إذنك..
أضفت صور الكتاحة إلى ألبومي العامر بكل أنواع الطقس
من كتاحة إلى جليد إلى عواصف و سيول
بالمناسبة...

إذنك معاك
في 8 صور لسع جاياك
أنا بصور لحدي ما الكميرا بقت ما بتشوف

اقتباس:

كان عندنا زلزال في مقاطعة كنت قبل يومين في جنوب إنجلترا
4 درجات على مقياس ريختر
خسارة بسيطة في الممتلكات و سلمت الأرواح
لكن ربك يستر
تحياتي

4 خفيفة الحمد لله البقت على كدي
الله يحفظ ويغطي الجميع

مودتي

لسع يا حنينة الصـور تترا

http://www.3rb2.net/get-1177880489.jpg

حقيقي مشهد مهيب

اقتباس:

المشاركة الأصلية كتبت بواسطة بركات الشريف (المشاركة 68143)

دكتورة:
دى من الكتاحة ولا من الزلزال

بركات سلامات
ومرحب بيك
أدخل لا جووه من الكتاحه دي

حنينة دي ما كفاية عليها
الزلزال وكتاحة أهلها:confused:

مالك واقف ليها في حلق الكيبورد
إمكن مفتاح الشفت ما شغال كويس :cool:

ولا إتخلعت من المنظر العجيب دا:D

ذكرتني ملاسي:D :)

مودتي

إسماعيل حميم