قطع شك ما مجتمعين في خير؟؟؟
اقتباس:
هؤلاء لا يجتمعون في خير أبدا.. وأكبر المصائب أن يكون المشير سوار الذهب هو (رئيس لجنة دعم الصف الوطني) يقول المثل السوداني (لا يلدغ مؤمن من جحر مرتين) ؟ هؤلاء القوم إما أنهم أدمنوا اللدغ أو أنهم يستحقون جائزة الأوسكار في التمثيل. ونتمني بغير ما تمني الثعلب العجوز أن لا يكون للقاء ما بعده فقط لخير الشعب المغلوب علي أمره. |
**********
لو اتفقوا مافي عوجه يانجحوا مع بعض ياغتسوا الغتسه الياها لكن بشريات خير باذن الله |
[align=justify]الاخ خالد:
فى الحقيقة خالد نحن السودانيين بالجد شعب غريب !!! وزى ما قلت يا اما فى مصيبة يا اما ممثلين ... اقول هذا ويدور فى الذهن حديث الرواد عن البرلمانات الديمقراطية التى كان نواب القطبين يتعاركوا فيها ويتسابوا بافظع الالفاظ داخل البرلمان ويتحاضنوا فى سماية او عقد قران !!! ... فعلا دا شنو الواحد لا يستطيع ان يحدد !!!...محمدة والا نبذة قدح والا ذم ... لا ادرى اعتقد وهذه وجهة نظر ان الانسان فى المنابر وفى المناسبات الشخصية يجب ان يكون واحد ويناصب العداء ويصادق بوش واحد فقط اما القدرة على تجاوز خلاف سياسى فى مناسبات خاصة هذا دليل على ان ما يحدث فى البرلمان او على المستوى السياسى بالونة كبيرة لجذب او نفر الغلابة من دافعى الضرائب والمصوتين ومجتمعنا هذا قمة فى التناقض نسايب وقرايب وحبايب فرسان فى نادى الفروسية والاولاد غاوين شعر البطانة وامام الناس والشعب الد الاعداء والخصوم !!! ومشت فينا الاحجية وما زالت !!! غايتو ... يعنى نحن متفرجين على اطول مسرحية ما زالت فصولها لم تكتمل ... الله يجيب العواقب سليمة يا خالد [/align] |
لان الانسان السوداني وخاصة الرجل (وارجو المعدره) منفصم ولديه كميه من العباءات التي يلبسها حسب المناسبه فعباءة تعامل الزوجه تختلف عن عباءة الاجتماعات التي يتحدث فيها عن الصراع الطبقي وحقوق المراة لدا فليس غريبا عن تكون هناك عباءة البرلمان واخري لبيت البكاء
مع ودي |
انا غايتو بقول ممكن يكون فى خير
دا مجرد حسن نية ما تنطوا لى فى حلقى وتقولوا انا من سدنة النظام:D بقول مجرد حسن نية لان سوار الدهب دا رايى فيهو انه انسان بيستحق الاحترام يعنى ممكن يجى منه الخير |
اقتباس:
و الله يا ساره انا راي انك عسل شديد ازيك ياخ |
اقتباس:
دي زي الزول البقول رايه في قضية المرأة ( رأي ثوري مية المية وبعدين يمنع زوجته من الشغل بحجة انه محلها الطبيعي البيت:D ياهو زاتو بره راي وافتكار واعتقاد تاني وجوه ( ياولية شغل شنو انتي جنيتي؟):D يا سارة ده شنو؟ اقتباس:
اقتباس:
وريني سرقتو لانتفاضة ابريل دي الخير الجناه الشعب السوداني شنو؟؟ مش كان يخلي الجماهير تواصل في ثورتها وتجيب البديل الديمقراطي الجد جد؟؟ قال قال ما بجي منه الا كل خير والله كلام عجيب!!! |
ام سهى سلامات ياخى قلنا ليكم حسن نية
خلاص ما تزعلى وتحمرى لى وشك انا اصلى بخاف من زعلك بس بينى وبينك يمكن يجى منهم خير الزمن بقى زمن عجايب بسوم ياخ وحيات دينى وايمانى مشتاقيييييييييين |
سرورة
تهرشي؟؟؟:D ;) والله مشتاقين دي زاتها شوية بس قومتي على نفسي بي كلامك ده تعرفي يا سارة حسن النية بالبساطة دي بودي الاخرة :D مودتي |
صباح الخيرات ياودالحاج,
فى هذا الصباح وفى التقرير الذى بثته قناة الجزيره حول اللقاء,كان كلام الأستاذ محمد إبراهم نقد حازمآ وقاطعآ, فقد قال أن لاوفاق وطنى إلا برفع [mark=FF6600]كل[/mark] القوانين المقيدة للحريات وقال بالكلمه "يجب رفعها جميآ [mark=FF6600]وليس بالقطاعى[/mark]" وأن أى حديث عن الوفاق الوطنى دون ذلك يصبح أمر غير ذى معنى ومجرد محطات للتوقف.. أنا بشوف إنو دا كلام نجيض وواضح.. |
خالد صباح الخير..
لييه "قطع شك"!! "الاجتماع" عموماً "خير" زي ما دينّا قال.. وكونو نسمع رأي القادة ديل كلهم.."خير".. وكونو في حوار أصلاً يبقى "خير" وخير كتير كمان.. والحوار لو كان عن مصالحة وطنية بس يكون ما "خير" كيف؟ وتفائلوا "خيراً" تجدوه.. وأنا متفائل أنو خطوة في الطريق وتقريب الفهم.. عشان بلدنا المسكين دا يستاهل يشوف "الخير" وفتك بعافية. |
سلام للأحباب...
تنحصر مخاوفي في "تمصير" النظام السياسي السوداني ؟ شرح : عندما قامت ثورة 23 يوليو في مصر تم تعطيل جميع الأحزاب السياسية وكذلك النظام الملكي. جاء التغيير الكبير في زمان الرئيس السابق السادات بعد أن قام بالقضاء علي مراكز القوة. قال "الرئيس المؤمن" حينها أنها عودة للديموقراطية. تم إحياء الأحزاب القديمة ومنحهم دعم من قبل الحكومة. بعض هذه الأحزاب فشل حتى قادتها في دخول البرلمان المصري؟ قام السادات بتعيين بعضهم تعيينا أعضاء في البرلمان (حسب الدستور المصري من حق الرئيس تعيين عدد من الأعضاء) . لم يحدث طوال هذا التأريخ أن اقترب حزب حتى من تشكيل منافسة محترمة للحزب الوطني "المصري" . ظلت الدكتاتورية موجودة حتى يومنا هذا . في السودان اليوم محاولة لنقل هذه التجربة أجزم أنها لا تفوت علي المراقب الحصيف. تم عزل الحركة الشعبية من القوي السياسية الأخري. بل يتم دفعها دفعا للإنفصال. تم ضرب مراكز الثقل الجماهيري لحزب الأمة القومي وذلك بالحرب والتجويع والترهيب التهجير في غرب السودان. قامت الحكومة بإهانة زعيم الطائفة الخاتمية السيد محمد عثمان وهو طريد حتى اليوم في مصر. كذلك تم زرع المشاكل والفتن في مناطق التأثير الإنتخابي للطائفة. بقية الأحزاب لا تملك ثقل جماهيري كبير يؤهلها للفوز أو حتى المنافسة لأغلبية دستورية في البرلمان. سيتم "جمع الصف الوطني" من قبل تجار الأمس (ثوار الذهب) والجزولي وغيرهم. ستقوم انتخابات جزئية يستثني منها غرب السودان وجنوبه . ستتم السيطرة التامة للأخوان المسلمين تحت أي مسمي (أجزم أن ما يشير إليه الترابي في قوله "ما بعدها" هو إعادة اللحمة للكيان المنشق وتوحيد شطري الإسلاميين" . سيقوم الرئيس بتعيين بعض القيادات الشعبية التأريخية في برلمان ما بعد الإنتخابات وتظل سيطرة الإسلاميين علي البلاد والعباد مدعومة هذه المرة بكذبة كبيرة (الديموقراطية) ... ونعيش ونشوف. |
الاستاذ خالد
تحياتي وأشواقي الكل يعلم أن قلبك علي الوطن ولكننا أصبحنا كالغريق000000 أحد أصدقائي علق ساخرا علي الاجتماع مادام الهلال والمريخ أستفادوا من المدربين الاجانب وحققوا نتائج طيبه حتي الان يمكن الاستفاده من هذه التجربة في مجالات أخري أنا ماداير أكون متشائم مثله لكن أنشاء الله تنصلح الحال ويعود الامن والاستقرار وتعود جميع الطيور المهاجره للمشاركه في بناء ونهضة سوداننا الحبيب ده كله بعد أرساء الديمقراطيه والحريه ودمتم |
خالد الحاج
ياخ فال الله ولا فالك --يعني لازم ترفع ضغطنا كدا ما تخلينا نحلم شويه |
العزيز الجيلي
تحياتي الطيبة اقتباس:
ولّ ما اتكلموا؟؟؟ ولّ كلامهم ما كان حاسم وقاطع؟؟ تصدق الواحد بقي ما متابع الحاصل شنو؟؟ حتى مثل هذه الاجتماعات اصبحت ما بتثير في الواحد اي شيء اهي قرفة من الكل لأننا سئمنا الاجتماعات، والتصريحات، والوعود... عايزين حاجة عملية ولّ رأيك شنو؟؟؟ |
| الساعة الآن 01:19 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.