ذرّات من رماد قلبي الحرق...
 

الليله الحزُن لابسني شال وسديري ...

وينك ليّ من همّاً ملالي صديري ..

بوم الشُّوم يحلّق في ضحاي وعصيري ..

قلل نومي هجج لي زغاليل طيري ..

.................................................. .....

عاد قلبي الحنين
مرقن هجن مساات راحتو
ماودعت المهيب ودعت براحات
ساحتو
هبت فوقي الهبوب زي
تقول من اثار راحتو..

اقتباس:
المشاركة الأصلية كتبت بواسطة مها عبدالمنعم http://sudanyat.org/vb/images/buttons/viewpost.gif
عاد قلبي الحنين
مرقن هجن مساات راحتو
ماودعت المهيب ودعت براحات
ساحتو
هبت فوقي الهبوب زي

تقول من اثار راحتو..
مهويه كيفنك ..

ده الاندياح الجميل ..
تشكرات كتار علي مرورك ..

راجياهو القصيد يا بنيّه منك إجيني ..

إتلبّش خلاس خيت الشّعر راميني ..

بنّوت الفكر شافن عجاج كرعيني ..

مرقن بالنّحاس حاكنّو عوم وزّيني ..

[justify]يزازي لِي الخيال كل ساعة لي يترسّم
وأصبَحْ شوقي كاسيني وبالعذاب إتلثّم
من تهذيب الرايق منامي اتقسّم
كيف الحال إن قنّب حِداي يتبسّم؟؟[/justify]

اقتباس:
المشاركة الأصلية كتبت بواسطة طارق صديق كانديك http://sudanyat.org/vb/images/buttons/viewpost.gif

كيف حال القصيد والشوق يوِح شاويني
سهراجة العضام حارقة الحشا وكاوياني
الخلاني دون خلاي .. اهاتي اعاني
باسم طرفو ناير خدو.. كلو معاني

الشّوق يالخزين زحزح ثباتي رماني ..

هزّ حصوني خلّ عيوني يوت شاكياني ..\


الخلاني أبكي وانوح وأوح وأعاني...

قدر الزّول حدود حدّ السّما الفوقاني ....

.........................................

اقتباس:
المشاركة الأصلية كتبت بواسطة مي هاشم http://sudanyat.org/vb/images/buttons/viewpost.gif
[justify]يزازي لِي الخيال كل ساعة لي يترسّم[/justify][justify]
وأصبَحْ شوقي كاسيني وبالعذاب إتلثّم
من تهذيب الرايق منامي اتقسّم

كيف الحال إن قنّب حِداي يتبسّم؟؟[/justify]

زازاي الخيال يامي مكمّل شوفي..

وكُتر الشُّوق كمان يالرّايق ههدّ كتوفي ..

والأقدار تكيل في الشّين وعارفه ظروفي ..
توقد في الشّموع نيرانا حرقن جوفي ..

أظنك يا الخزين رشّة عبوسك قحّت

إنطرب اليباس لامن عروقك شحّت

إدّليتلي من غيم الرّحا البتكحّت ..

أحسن تنتهي الشّر من لفايفو إتسحّت ..

اقتباس:
المشاركة الأصلية كتبت بواسطة نهلة محكر http://sudanyat.org/vb/images/buttons/viewpost.gif
من شوقي العلي فر الكلام فارقني
والنضم القبيل داسّاهو ليك حارِقني
يا خلي القليب شايلك وجيع صدقني
والحزن القبيل فارقتو .. قام لاحِقني

.................................................
ما ظن في القليب باقيلي ريداً تاني ..

الشّوق والبعاد حرّق فؤادي شواني ..

كان بالإيد شفاي ما كنت ليّ أماني ..

إلا العين بصيره وإيدي ما مطاوعاني ..

اندليت في الودي
قلبي الخبل في سكرو
كايس للظبي
قبايل تدوبي تشكرو
وأحي علي
كيفن خيلي تطردو
عز الهدال التوب
عز قلبي ووقيد حبو
ان جن العقل
نصح القلب بقربو

اقتباس:
المشاركة الأصلية كتبت بواسطة فيصل سعد http://sudanyat.org/vb/images/buttons/viewpost.gif

يا بت الملوك قلبك ملان بالريدة
اديهو الامان همك يزيح في دقيقة
سلامة قلبك من الشوي يا انيقة
الشوق و البعاد يزيدك ثبات يا رقيقة


و الشوق بحر ما ليه حد .
..................................

من زمن الأمان يا سيدي فارق دربي ..

والايّام قسن سيجه وشليل لعبنبي ..

كيمان الهموم إتحكّرن في قلبي

داك قطر السّعد ياخوى فات بي جمبي ...

كميّات من الاشواق ..

النسام حادا
بعد الخلايق هجدو
شايل من رويدا
ريحا وحيدي بعرفو
عطرني الخيال
الطاف
الليلة ياني بخبرو
ياطار من صعيد
الوادي كابس وردو
رحماك بيمحبك
رقا وبلل خدو