ناس سودانيات ازيكم وكيفنكم
سلامي للجميع بدون فرز
بالأمس كنت افكر في صديقي الذي لم اره خالد الحاج عليه الف الف رحمة ونور ، كنت طوال الفترة الماضية أخشى مجرد التفكير في سودانيات ، فذكرى خالد لا تزال باقية وستظل باقية اضافة للكثير الذي بيني وبينه فقد وضع ثقة كبيرة في شخصي الضعيف عندما ارسل لي كثيرا في الخاص الايميل بعض الذي كان سرا وربما لا يزال ذلك رغما عن ما كان يدور بيننا من مشاحنات واختلافات ذكراها الان قاسية علي القلب . فكرت ان الضغط علي النفس افضل الف مرة من التهرب من سودانيات ذلك الجمال الذي تعب خالد كثيرا في حفره ونحته ورسمه لنسعد به جميعا ، فتركه قطعا خيانة لروح خالد الطاهرة بل ان استمرار سودانيات في رسالتها التي بذل لها خالد عمره هي حياة جديدة لخالد الخالد في قلوبنا وعقولنا ما حيينا واسأل الله تعالى ان نلتقي معه جنات الخلد اللهم امييين |
ازيك يا عمده
والله ايام يا زمان.. كيفك يا راجل واخبارك.. الايام دي في بركة حالة علينا محسن خالد والان محمد حسن العمدة.. واصل يا زول وطوبة على طوبة نواصل ما بدأه خالد الحاج |
وأنا حالتي قلت ود العمدة دا زعلان مني عشان بناقرو:D ياخ كلنا مرينا بالظرف العصيب الانت مريت بيهو وأنا علي رأس القائمة..ذهب المرحوم مأسوف علي شبابه ونحن مختلفان ما فضل لينا الا شيل الأسلحة وتخيل لامن الراجل دا يفوت قبال ما نتصالح مع اني كنت مخطط أمشي السودان مخصوص عشان أصالحو لكن انت تريد وأنا أريد والله يفعل مايريد..ساءت حالته وفضلت أنا علي اتصال بكل من معه حتي لحظة وفاته وكنت أول من علم بها فقد كنت أتحدث مع ابنه ساعة وفاته عندما بدأ في البكاء وقال لي بابا مات ياعمو..في تلك اللحظة مر شريط علاقتي به أمام عيني ولم أتحدث مع أهل بيتي حتي تاني يوم.
قرار رجوعك قرار صائب وأهو تنضم لي أخوانك بابكر مخير وبكري شاي العصر وتقرفونا بي حزب الأمة بتاعكم وأمرنا لله.. |
سلامات ياوغد
ياخ بعد التعب دا كلو كان مفروض تبقى ليبرالى وتبطل حركات الشيوعيين دى:D:D |
سلام يا ود العمدة،
شوفة حرفك هنا أسعدتني تماماً وأكّدت ظنّي في نُبل أخلاقك؛ فكُن معنا. رحمة الله على خالد. |
مرحب بعودتك يا محمد مرحبتين حبابك ياخي
|
عمدة
كيفنك العيد فى الجبلين .. |
الحبيب
الحق أخوك الجماعة هنانا طلعوي "طريقي" بكور "بكري" عمالهو بأذن في "مالطة" وبآعلى صوت لكن نقول شنهو حلة سكنها توحة وروفي ينفع فيها آذان وهي بدون أضان كيف الذرية والأهل دون فرز الأحباء والحبان وأخبار البمبان،، ولا سكت خليهم راجيين أهلنا يفكوهم من اللإنقاص :(:(:(:( |
ود العمدة :eek::eek:
ياخ مشتاقين |
ود العمدة
حباب عودتك لبيتك ورحم الله أخونا وحبيبنا خالد الحاج بواسع رحمته |
اقتباس:
أعمل حسابك ياعمدة:eek:الزول دا ما ليهو أمان,ممكن يتلحك لامن يلحقك بدر الدين اسحاق:p:D:D |
اقتباس:
|
اقتباس:
ومرارة في الحق يقال عنها غصة تكنكش في حلقك وتخنقك رحمة الله عليك يا خالد وخالدا في جنان الله باذنه فرضوانه وصلواتنا عليك ولك في عليين ان شاء الله ازيك يا اشرف كيف حالك ياخي بركة تفتشا في ود العمدة معليش لكن بركتن تلقاها عند محسن خالد دي الله اعلم الود دا من زمن الاندلس واللكود حايم في السروايل لامن سواها غُنى |
اقتباس:
ياخ والله انت مزهمر ولا قديم ازيك يا عمو :D :p اسمع رايك شنو في زواج القصر ديل ... قالو ليبيا فتحت وحااااااااات الله علماء السلطان ديل في دي بريحوك تب ويرجعو ليك سنين الشباب وتتذكر اني فارقت حزب الامة من زمااان ... حسي قبل شوية ناهريني في الفيس بوك قالو لي عضوية عبد الرحمن الصادق في حزب الامة ما بتخصك :mad: بقيت مواطن عادي اسمعني لو لقيت ليك قاصر شوفي لي طريقة معاك ونغني مع ابراهيم حسين انت الربيع فى اوله وانا عمرى ماشى على خريف نتلما كيف نتلما كيف وبينا المسافه الاصلوا ما ممكن تقيف اقدارنا ما بنسيرا الريده جات متأخره متأخره راحت بشايرى مع الزمن ويادوب بشايرك انت جات ايامك الندى والضيا وانا طيف ملامحى ذكريات ياريت لو جيتنا شويه بدرى كنت حصلت اللى فات دموعى ياريت تقدرها ما الريده جات متأخره متأخره فوق الجراح الجات على ما تزيدنى يا حنين جراح خلينى ابعد وامش بعيد ادينى بس منك صراح كانت الصدف جمعتنا يوم ما بتلاقى عطرك عندى راح ظروفى ياريت تقدرها ما الريده جات متأخره متأخره متأخره |
اقتباس:
انت ناس سودانيات ديل من اهل الكهف ولا شنو ؟!! شعوعي قال نديك اللون الاحمر عشان تجب معاك نبيل :cool: |
| الساعة الآن 04:08 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.