البوي فريند يقض مضاجع المهاجرين
إفترقنا سنة تزعين، هاجر لامريكا وتزوج من أمريكية مهاجرة من جزر الكاريبي، فاتنة الجمال، وكعادة أهل الكاريبي مفعمة بالحياة. أنجب بنت (قنبلة) وولدين وعاش حياة أمريكية أسبانية خالية تماما من (السودانوية).
حدثني بعد الغدا: - الاتنين وعشرين سنة الفاتن ديل ما عارف أوصف ليك جمالن بشنو؟ - زي حلاوة لكوم؟ - بس، لا لا، زي حلاوة قطن، وشفط ليهو جقمة كبيرة من كاس النبيذ الأحمر. وأردف: - حاجة واحدة اليومين ديل مطلعا ميتيني؟ - شنو؟ - العب الإتغدا معانا هسع دا، شفتو؟ - هزيت راسي من وراء الكاس الاحمر - اليومين ديل طالع ونازل مع بتي علنا، تعرف، مرات أقول أديهو طلقة في نص راسو؟؟ وكمان المعفن نهاية الإسبوع بجي ينوم معانا! |
بابكر
مالك على الوجع !! |
اكون أكثر موضوعية ..
المسألة هي أن المهاجر اختار ثقافة .. ليدمجها فى ثقافته .. ولكن تنازل .. لو لم يتنازل لما كانت ( قطن) .. الطرف الآخر ..الزوجة .. الثقافة .. و اختيارك و اتفاقك معه .. حتى بعض الكاريبيين لا يتام البوى فريند مع بنتهم فى البيت .. |
طيب هو زعﻻن من شنو؟
كدي بالله اسألو لينا، وقول ليهو مﻻحظة معتصم الفوق بخصوص الكاريبيان وكلمة عب دي نتعامل معاها كيف؟ |
الحل يقرًض على إنو يجيب ليهو ولد يقضهم وييقض مضاجع حلتم ذاتو:D
|
اقتباس:
|
اقتباس:
وأكيد ما اختا ليك جُقمة؟ |
وحاتك ياغالى عندى قريبى ...جابهم جوز من نيويورك الاتربوا وقاموا ..وقطع جوازاتهم وحرقه وقعدهم فى اقصى قرى الشماليه ...هسه الجوز بى عيالهم ..
لكن حقيقى للموضوع جوانب اخرى تستحق النقاش.. فرج فوده ...فى كلامه عن جواز المتعه ...قال انه حلال لكن مابرضاه لا لبتى ولا لاختى ..اقصد هل فقط نحنه الصاح ..؟ اقصد حلنا لمشكله البت لمن تكبر .. بس ياهو حلنا نحنه الصاح .؟ والبسووا فيه الناس التانين ده كله غلط ...؟ نقطه اخرى مهمه ...الترابى رضى الله عنه قال ان الاسلام فى بداياته ... استصحب فيما استصحب طرق الزواج التى تمت فى ماسبقه من اعوام اى فى الجاهليه وجعلها حلال ...والا كان سيكون كل القوم .( قول انته باءه ) ... شكرا بابكر .. |
وليه يغض مضجعه؟؟؟
هاجر وتزوج من كاريبية بإختياره وعاش حياة خالية من السودانوية برضو بإختياره كان مفتكر اولادو حيطلعو شنو مثلاً - خليهو يكتر من النبيذ وبالذات الاحمر فإنه له وجاء وسلم لي على "العب" الشِفِت اقول قولي هذا واستغفر الله لي................ |
سلام بابكر،
هل كان بيفرق معاهو لو كان بدل البت، ربنا رزقو ولد؟ يَا أَيُّهَا الَّذِينَ آمَنُوا قُوا أَنفُسَكُمْ وَأَهْلِيكُمْ نَارًا وَقُودُهَا النَّاسُ وَالْحِجَارَةُ عَلَيْهَا مَلائِكَةٌ غِلاظٌ شِدَادٌ لا يَعْصُونَ اللَّهَ مَا أَمَرَهُمْ وَيَفْعَلُونَ مَا يُؤْمَرُونَ |
اقتباس:
التول (الثقل) ورا أنصح ناس شليل وزول الله بكاسات نبيذ أحمر تمنع الإنفعال وناس معتصم، قرقاش، كانديك وعكود، بدواء القحة (actifed) البنعس داك وناس كيشو والصائغ بشاي بحرجل. |
اقتباس:
سنة تزعين صاحبك دا مش برضو كان عب وبتغدى عند أهل القيرل فريند بتاعتو؟ |
اقتباس:
كنتَ داير ألتقط القفاز الفكيتو فوق ده لكن قلتَ أخليك شوية, و علي بال ما أتبرك بي شراب الشاي (بدون حرجل) مع مولانا كيشو, تكون إنت بديت تمارين الإحماء, ياخ الأيام دي كورتك فكَّت :D |
طبعاً يا بكّة، انا ما اهتمّيت بالحدث قدر اهتمامي بأسلوب الحكي، شايفك بقيت ماهر في التشويق والسرد، عليك الله شوف المشهد دة:
اقتباس:
اقتباس:
يا كيشو،، ما أظن صاحب بابكر استخدم كلمة "عب" كسِبّة، أنا شايف استخدامو ليها علي وجه التعيين، عشان يمنع تساؤلات متوقعة في حالات زي دي مثلا (وينو دة، ياتو فيهم، إلخ). لكن بما إنو صاحب بكّة، فإتوقع منو أيّ حاجة |
اقتباس:
زمان لمن كان واحد أو واحدة من الصحاب يجيهم اللوتري, كنا بنحسدم و نقول ديل خلاص دربهم مَرَق, هاجس المستقبل كان بقول لينا إنو الظروف هي البتمْرُق درب البني آدم, لكن تبقي الحقيقة يا بابكر إنو البني آدم هو الوحيد المسئول عن مُراقة دربو. المزعلني في الموضوع يا بابكر, إنو زولك ده, مع تعاطفي الكامل معاهو, قايل نفسو صحي علي مصيبة و هو لسة ما فاق, لأنو ما زال بنظر للمسألة بي منطق بنية الوعي التناسلي, ده هاجسو الوحيد !!! يعني لو كان ولادتو كلها أولاد, و شاف ولدو عامل ليهو قيرل فرند, ما كان دقق كتير, و برضو كان شفط ليهو جغمة كبيرة, و رقد قفا. |
| الساعة الآن 02:35 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.