يا جماعة انتو شايتين على وين ؟
لي أكثر من اسبوعين افكر اكتب شنو واقول شنو وانا شايف الناس ديل كلهم مثقفين ومتعلمين لكن كل واحد عنده استايل بتاع كتابة وخيارات مختلفة دا بيكتب في الادب ودا في السياسة ودا في الدين وداك في العلوم والتقنية ودا شاعر ودا فنان ودا بينجر في الكلام الزين وااخواتنا ما مقصرات بيحمسن في الطار ، وانا حائر كدى كل واحد يورينا هو شايت على ، بس ما تقول لي انت ما تقرأ براك وتعرف ، وانا كان عارف كنت قلت ليك انت شايت على وين دا انا غلبان ...
|
أعزائي واخواتي
هكذا حال الدنيا تعطي لتأخذ وتفرق لتجمع وتجمع لتفرق ، وها نحن قد اجتمعنا هنا في هذه الكوة الرائعة في أكبر قارة في العالم وهي قارة الاسافير التي تجمع أكبر عدد من الأنفس اقصد الأقلام .. فهذا كاتب لا يشق له غبار .. وذاك قارئ لا يفوت أي شمار .. وبينهما ناظر لا يعجبه العجب ولا الصيام في رجب ....آمل ان ترسموا لي المسار الذي ينبغي ان أسير فيه ليلاً بدون الاستعانة بالأنوار ... هلا نسمع منكم/ منكن يا أعز الناس .. برلوم حائر |
بسم الله الرحمن الرحيم
Anbabtode تحياتى وإحترامى .. 1) تخيل نفسك جيت صالون أو مناسبة ولقيت ناس قاعدين بتونسوا ، واتصرف على هذا الأساس :D:D 2) مرحلة القراءة وهى تعادل السماع على الأرض .. 3) مرحلة التداخل والتعليقات الخفيفة ، وهذه المرحلة تطول وتقصر على حضورك وذكاء المداخلات .. يعنى العشرين مداخلة بتاعتك دى محتاج تضاعفا :D 4) إخفاء الميول فى المواضيع المطروحة 5) إستعمال الإيقونات الباسمة دى فى المرحلة الأولى ، بعدين مش ضرورى .. 6) المشاركه فى كل بوستات المناسبات ( الأفراح والتعازى والمناسبات وتدلى برأيك فى كل ما يطرح ، وساعتين على الأقل اونلاين ، ) 7) وأخيراً الناس ديل بدل ما توريهم إنك محتار ، خليهم هم اليحتارو .. :) |
اقتباس:
ما دام سعادتو النور بدأ ليك بالخيال ، فتخيل نفسك في صالون دائري وشوت علي الركن البعيد :D |
التحية يا ابو الشباب ومرحب بيك فى ميدان الليق
طبعا يا خوى الشوت مش ممكن داخل صالون.. ندعوك للانضمام لينا فى الليق حتى لو شت ضفارى بنسامحك بس اوعك تكعبل ليك زول... طوالى كرت احمر..... |
مرحبمبك وحبابك عشرة ياود ابوك
شوت شوتك ساي ولايهمك الشبكة في والحراس في واقعد عافية اقول قولي هذا واستغفر الله لي.............. |
اقتباس:
مرحب بيك ألف وبى قلمك اللسه ما عِرِف على وين يلِف... |
الخطة تفترض عدم وجود هجمات مرتدة.
في تلك الحالة ستفشل تماماً |
اليومين ديل سوق الاسلام هل هو الحل و ابوهريرة هل هو خوجلي ابو ساحوته ولا البارجغل الفي بطنو شغل والتفسير وكل ما له صلة بالاسلام سل سيفك .والله المنتدي بقي يحنن
|
تحياتي اخ Anbabtode
والف مرحب بيك يا اخوي دا سوق عكاظ كل يروج لبضاعته ويجمل ومن هناك بدأت المنتديات فكل يغني علي ليلاه فغني مع المغنيين وغرد بالجنبة كدا ورينا اسمك دا في التبادي معناتو شنو |
اقتباس:
|
اقتباس:
|
اقتباس:
|
اقتباس:
|
اقتباس:
|
| الساعة الآن 05:08 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.