لا شحاد ..لا مجنوون..!!!!
والله يا اخواني في الامارات دي
يعميني لا صادفت لي شحاد ماسك قرعه ولا مجنون اشعث اغبر حايم بالشوارع... ياربي السبب شنو..:confused:؟؟؟ يخيل لي الظاهرتين ديل حتى في اكثر الدول المتقدمة موجودات...!!!!! |
بالله مش غريبة
انا غايتوا سمعت بالهندية القالو بتوقف عربيتها الكامري باللفة وتنزل تشحد :D |
مشتهية لي ناس بيتشاكلوا ...
شفتها مرة وااحدة في مطار دبي والكانو بيتشاكلو سودانيين آآي والله هذا ما حصل واعقبوها بشكلة داخل الطائرة..!!! ياخ انا في مدرسة بنات يعميني ما شفت لي بنات (بيتماعطن .. ولا يتنابذن.:rolleyes:) ولا شكلة ساي مافي غير ما يتحاببوا ويتهادوا ما شفت شيء..:cool: ياخ الروقه حلوة والله |
اقتباس:
الشحدة دي يعني على حسب بس المجانين البيحوموا بالشوارع حفايا ديك هنا مافي لييييه..؟؟؟؟ سعدنا بالطلة يا جيجوش على قولة الله بمسيها بالخير سمراء... |
ولا في زول بيشاغل ليه مرة في شارع ولا سوق ولا مول
مع انه الشارع دا بي رغبتك ممكن تعمل فيه اي حاجة مافي زول بيسالك |
اقتباس:
ياخ دي بلد يحتذى بها والله انا سمعت بقصة الهندية دي من الجرايد مرة غير كدا ماشفت |
اقتباس:
ولا في راجل ساااي بيبحلق ليهو في مره ولا يباريها... ياخ ديل ناس الله راضي عليهم بلد محفوفة بالامان والخير الناس كلها محترمة القانون بدون رقيب... حتى الوافدين الفي الامارات سيوبر مغتربين امان في امان |
ولا دور كفالة الايتام البتتكفل بكل اسرة عميدها مات وهو مقيم بالدولة وتقدم ليهم اجمل سكن وراوتب شهرية وكل مسلتزمات الحياة الكريمة وبتتكفل بتعليم الاطفال الى ان يكملوا تعلميهم الجامعي
|
اقتباس:
تحكي لي واحدة في مدرسة خاصة انو فاعلين الخير بيجوا المدرسة يفتشوا على الايتام عشان يكفلوهم ويدفعوا عنهم مصاريف المدارس..!!! في فعل الخير لا فرق بين وافد ومواطن.. ربنا يرضى عليهم ويزيدن خير في خير |
اقتباس:
عارفة قالوا في فترة كان في قانون لو الواحدة عايزة تتبلى ليها على واح دساي بالكذ ب تمشي تبلغ الشرطة تقول فلان دا شاغلني بكرة بكون برة البلد من غير مفاهمة اما بالنسبة للمواطنين فكان كل من يتعرض لوحدة تنشر صورته في احد اهم الصحف وتحتها الخبر-يفضحوا يعني:) |
هسي الدنيا بلا شكل ونزاع ومعط شن نفرا ؟؟
|
ولا بيتك ممكن يكون بابو فاتح للصباح وانتى بتكوني مطمئنة
انه مافي حد بتجرا يعتدي على ممتلكاتك |
اقتباس:
ما عشان كدا انا قت مشتهية مشتهييية ..:D خرمانين والله..ياخ مرات كدا في الحلة تسمع الشكلة في بيت ناس فلان مدوره والشمار يحرق ناس الحلة كلهم..زمن ياخ... ولا الاولاد البتشاكلوا بعد خرخرة الكوره ويتعفروا ويقعوا خنق في بعضن ياخ هنا انا نفسي القى اتنين كدا بنات يتماعطوا ولا اولاد يتفتونوا على اولاد في الشارع ويقلعوا منهن حاجاتن...ياخ ديل بريئين براءة..... |
اقتباس:
حسع فلل المواطنين بواباتا فاتحه مُشرع لآخر الليل حصل يوم فقدوا حاجة تخيلي لو دا عندنا في السودان ..!!! ماتغفلي تخلي الباب فاتح بالنهار طوالي تنسرقي اقلها حافظة الموية البيكونوا الناس بيشربوا منها..:D والله دي حصلت معانا امي كانت في المطبخ وحافظة الموية بره المطبخ زولك دخل شال الحافظة بي مويتا..!!! مع العلم حجمها كبير شالا كيف بي مويتا بدون حس ولا خبر دا المحيرنا.. حسع في البلد دي الفلل كلها كولرات سبيل يعني ...:rolleyes: ومافي زول فقد كولر ولا مكيف.. لينا بي حالن يااارب... |
|
| الساعة الآن 05:46 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.