وأنا ماشى
:confused:
لمة كلاب !!! بنك أم درمان الوطنى ( شوف الوطنى دى ) فرع السجانه وأنا جاى مارى ألقى ليك زحمه كلاب راقده جم البنك وكلها بى لون متشابه بنى فاتح مرقط بى ابيض موحد ( يونفورم ) التقول شغالا فى البنك وهى فى الاخر كلاب وطنى العزيز والوطن يسع الجميع . الشئ البعرفو أنو الكلاب دى ضاله ما حقت زول معين مربيها وكافلا . دى كانت تابعه لبيوت أشلاق البوليس قبل الازاله وما رحلت مع أسيادا لاسباب مختلفه وبقت قاعده لتصبح سلاله الكلاب الاشلاقيه . كلاب بهذه الكثافه وسط الخرطوم فى السجانه تدعوا الى الدهشه !!! والكلاب دى وحسب ملاحظتى العابره بيكون هناك سلوك معين هى والبشر أو تحديدا المواطن السودانى وكل زول حسب ثقافته الكلبيه ممكن نسمى هذا العلم أو الفهم ( كلب لوجيا ) والكلبلوجيا بتاعتك هى البتخارجك لو كنت مذاكر كويس وبقيت فى حتة أنا والكلب والمساء . أنت عارف أنو الكلاب بتكره ناس ومكجناهم أول ماتشوف الزول جاى بتكون فى وضع الاستعداد ومكشره وفاتحه خشمه وبارزه سنونه أنياب الجن والسواد وتجرجر فى صوته وتهمهم بتخلى الزول المقصود فى حته أضيق من خرم الابره وخايف ومستعد للجرى والبشتنه وكشف الحال الناس الفاهمه من الفئه دى طوالى بيعمل خلف دور ويادار مادخلك شر . ملاحظين ياناس أنو الكلاب عنصريه أى والله عنصريه لما تلقى زول وجيه وأنيق فى ملبسه ومعطر بتعمل أضان الحامل طرشه لكن لوشافت شماسى ولازول وسخان طوالى بتكورك وتهاجم عليهو يحلو الحلا بله حتى العربات لو لقت عربيه هكر زى تاكسى الخرطوم وسط بتاعت أعمامنا الكبار تجرى ورا العربيه وأنا مره شاهدت موقف زى دا بالقرب من بنك السودان القديم وبرضو ما عارف أيه علاقة الكلاب الضاله والبنوك . وبرضو حاقرتا بالصغار والبنات. والصغار لانو أغلب الشفع بيهاجموا الكلاب بالحجاره بى سبب أو بدون سبب عشان كدا فى عداء بين الكلاب والشفع . أما البنات والله أنا ذاتى محتار فى هذا الاختيار ويمكن من أفراز هرمون الخوف البتشمو الكلاب فى البت !!!!جايز والمعروف أنو البنات خوافاااااات ودا هنا لما ترجع لعلم كلب لوجيا بتعرف الحاصل . بتذكر دكتور محمدعبدالله الريح فى أحدى برامجه العلميه كان بيتكلم عن الكلب وتحديدا فى حاسه الشم لكشف الجرائم بكل اشكالها المختلفه يعنى لمن نشممو مخدر بيقوم يكشف لينا المخدر ولوكان وسط لحم ضانى ما بيلخلبط الكيمان ودا سلاله الكلاب البوليسيه وارد أوربا السمينه ومدوعله ونضيفه مش زى الكلب الوطنى السودانى ودا أروش مابيفرز اللحمه الضانى من المخدر عشان كدا ماشغلوه فى البوليس.لكن ممكن فى الزمن دا البقى واسطه فى واسطه يعينو جرقاس كلب بوليسى واهلو يستفيدوا من المرتب وتعيين الاكل وما يهمهم الكلب المناسب فى المكان المناسب أنشاء الله تدخل حاويات المخدرات كلها. أنا شخصيا متعاطف مع الكلب السودانى المظلوم المالاقى عنايه ولا أهتمام يعنى سيدو ذاتو ما لاقى ياكل لحمه وبالتالى دى بينعكس سلبا فى الكلاب البنخليها تاكل بى طريقتا من كوشه لى كوشه ولو عضت زول ليها الف حق عشان نعرف البلد دى حقت منو !!! |
بسم الله الرحمن الرحيم
سلااااام ، متعة القراءة الصباحية الخفيفة ، والحال انت ماشى :D شكراً عبدومنصور |
اقتباس:
وتحيه صباحيه لك وعلى مرورك البهى هنا |
:L
اقتباس:
|
اقتباس:
|
سلام عبدو،
كتابة ممتعة ومريحة للأعصاب. تحياتي |
اقتباس:
|
اقتباس:
منذ زمن لم ....:D:D:D قلت باسطة أذرعها بباب البنك ... لتملآ البنك رعبا .. |
اقتباس:
على العلينا شح الكاش فى البنوك ومتاريس الكلاب فى الابواب |
وأنا ماشى
توجعنى جلسه الشباب الليله الممتده حتى أشراق الصباح وهم ملتفون...كيمان كيمان ضمنه كوتشينه محلقين فى الجوالات ضحك يكسر سكون الليل تجاورهم المساجد والنداء ولا حياة لمن تنادى أين رمضان !!! :mad: هدانا الله جميعا |
تحياتى عبدو منصور
كتابة ممتعة وعميقة تحمل فهما متقدما لكلابنا الحقيقية التى أكلت لحومنا وأعاد التاريخ لهم تطاول اللسان وصفوف البنزين والخبز وان اختفت مؤقتا بعد ان دفع ثمنها دماء شبابنا. كن بخير |
اقتباس:
ماتبقى لنا لاشئ غير الرماد نهشتنا الكلاب وتسرب داء السعر وأختلط مع دماءنا وأصبحنا نأكل بعضنا البعض مابين القطط السمان والكلاب الضاله ولكن خلف النوافذ ستشرق الشمس |
اقتباس:
من قبل البيبان تمت مقفلة وحتى الشبابيك من طاقة؟ أصبحت؟! قد الإبرة بيها مقدرة، يابا كدي؟ من وين الشمس تشرق ودآك البشير لساتك صورتهو معلقة منها الضلام ووبيها الظلم ولي كل المصايب متسببة.. غايتهو إلا لطف من الكريم يكرمنا ويسهل ويفكنا عشان ما نبقآ على طول نمشي:( |
اقتباس:
ياخ حوه والده ما نخلى اليأس يتسرب جوانا وزى ما قال ود سيدأحمد الرواكيب الصغيره تبقى أكبر من مدن وليك يا بابكر المحبه أطنان |
اقتباس:
مأساتنا .. إنا أناس طيبون وطيبون لأبعد الدرجات تسرق قوتنا ليلاً كلاب وتنوشنا ليلاً وتنبحنا كلاب وتسومنا نهشاً تمزقنا بأظفار وناب وتبول في جدراننا ليلاً كلاب ونظل نحترم الكلاب ونصافح الايدي التي قد أطلقت هذي الكلاب |
| الساعة الآن 07:48 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.