صيد الكاميرا .. (1) .. البُـطـــــــــان ..
.
. هل نحن في حوجه لمثل هذه العادات لتاكيد قيم الرجوله ؟؟؟ [align=center][media]http://dc.indymedia.org/usermedia/video/4/jld3.wmv[/media][/align] |
عمك تنقو
لك التحية البُطان كحركة بيعجبني شديد(الواحد يركز والعريس يديه جلدتين تلاتة بالسوط ، والنسوان يزغردن،في حاجة جميلة هنا، لكن تحديداً هي شنو!! ما عارفة!!يمكن الشكل الدرامي بالبيحصل بيه البطان والمفهوم "القديم" في التحمل والصبر، أو خلع الرجل ملابسه لمجرد رؤية العريس وفي يده السوط " خاصةً إذا كان هو في يوم عرسه جلد العريس الحالي، يعني بيكون مطلوب جلدة") الما جميل الألم في الضرب والآثار الفظيعة للجلد،يعني البيجلد ده ما في داعي يجلد بكل قوته،ممكن يجلد بصورة تمثيلية،والموضوع يبقى شي تراثي فقط، زي الجرتق ورقيص العروس،دون اي مفهوم مصاحب. |
غايتو يا تنقو
كان دي الرجالة ؟؟ الرجالة تطير :D :D كثيرة هي العادت يا تنقو التي ينظر البعض إليها بإستنكار (كحال أخوك) مع البطان أذكر أني شاهدت فلم لأحد المستكشفين في زيارة لقبيلة من قبائل غابات الأمزون في أميركا اللاتينية الجماعة في القبيلة رجال ونساء أجارك الله (ميطي) لا يرتدون الملابس لكن تمتاز النساء بإرتداء أقراط كبيرة علي الأذن.. حاول المستكشف أن يساوم المرأة بمجموعة من الأصداف مقابل الأقراط وبعد مجادلات ومساومات طويلة وافقت المرأة علي خلع الأقراط وحينها غطت أذنيها بكفتي يديها وجرت خجلآ لإحساسها أنا صارت -كالعارية- شوف ليك جنس محن. هذه الظواهر الحكم عليها في غاية التعقيد فهي قناعات متوارثة بمعاني ومضامين فوق إدراك المنطق. تحياتي. |
يا خال
هسي العِرا عادة والبُطان عاده؟؟شن جاب لي جاب؟؟ على الأقل البُطان فيه مفاهيم قريبة للفطرة الإنسانية "الشجاعة،الصبر، التحمل والتباهي" شفت..البطان عملوا للزيك ديل..هسي كان مشينا عرس "وانا معاك" وقالوا ليك أركز ما بتركز؟؟ما حتخجل مني؟؟ والله أزغرد ليك |
ازيك يا عم تنقو
اظن توقيعك بيقول كلما ضاقت الرؤبا اتسعت العبارة سبب كفاية للعادات دي . |
مي هاشم تحيات وفقدناك لفتره في المنتدي ..
طبعا كلامك دا انا معاهو : اقتباس:
لكن يظهر الحكاية لسه في ناس متمسكا بيها .. وزي ما قالو في الحلقة محتاجين لي تغيير في بعض المفاهيم عشان تختفي زي الظواهر دي .. |
خالد الحاج
اقتباس:
الغريبة انو كتير من الناس القابلتهم من غير السودانيين كانو بسالوني من الحاجة دي وللامانه اني لمن كنت بجاوب كنت بجاوب وبدخل فيها نوع من الفخر .. بس حقيقي عندما افكر في الامر من منظور اخر اجده غريب جدا ... وعلي فكره شاهدت في العراق نوع اخر من اذي الانسان لي نفسه ولكن بمفهوم ديني وهو ادخال قطع من الحديد ( السيخ ) الي الجسد وايضا لا اعرف ما هي العلاقة بين الاذي الجسدي والدين .. واوافقك الراي .. : اقتباس:
|
مي هاشم كتبت ..
اقتباس:
:D :D :D |
ابو ريماز تحياتي ..
والله العبارة هنا بتقيف عاجزة فعلا امام الرؤية البنشوفها دي .. المشكلة الفكرة زاتا وقفت خلي العبارة .. |
اقتباس:
يا زولة إنتي بي صحك قال بطان قال الشكية لبيدن قوية :D :D |
عمك تنقو العزيز
ما تفقد عزيز ابدا،بس مردووووووومة شغل"الدعوات" أما عن موضوعنا مع تحفظي علي رقيص العروس تحفظك ده شي تاني؟؟؟ ياريت اعرف ليه؟؟وممكن نتكلم عن عاداتنا السودانية "المرتبطة بالزواج خاصةً" في بوستك الجميل ده ليه متحفظ؟؟؟؟ |
خالي..ذكرتني نكتة "الشايقي" الرجلو مفكوكة،ودوه البصير
مرتو قالت ليه ما تفضحنا وتكورك قدام الناس الراجل ما فتح خشمو ،ولا نفس بعد ما مرقوا زغردت ليه وقالت ليه رفعت راسي الليلة قال ليها :مديتلو الشديدي |
يا تنقو ...................
عشماوى................ بقدر على الكلام دا :D :D :D |
اقتباس:
:D :D :D :D :D |
اقتباس:
متحفظ يا مي علي رقيص العروس .. لانو به تقليل من قيمه المرأة اولا .. وفيهو تعري واضح ليست له اي مبرر ..ثانيا .. اعلم ما هو تاريخة وما هي مبرراته .. وكيف انهم يتحدثون عن حصر الامر بين النساء فقط .. واري ان هذا التبرير اقبح من الذنب .. هذا اول الغيث .. وبجي راجع .. |
| الساعة الآن 10:16 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.