الحبيب الشغل العقول
الحبيب الشغل العقول
نغني عليه ونقول وين راقي منك طولنا طول حبيبي اب قدرا سما يا جميل يا بدر السما يالجدي العينتو مغيمة حن علي روحي وارحما منك طولنا طول يالحنين واخلاقك لطاف يا اب كلاما خاتي الجفاف من ظرفك نالو الظراف والشباب اعترف اعتراف منك طولنا طول مما شافك قلبي الغيور زاد سعادة وبلغ السرور وين شبيهك بين البدور والله يديك زي ما تدور منك طولنا طول العيون ساهرات طولن بي دموع الشوق انملن القلوب بالنار اتكون ارحمن كيف يتحملن منك طولنا طول في مشيك لي نفسي الشفا يالخضار في ارض العفا فيك طبع الود والوفا بس ظروف مانعاك ماجفا الفنان الراحل أحمد عمر الـرباطــابــي |
الاخ احمد حسن مصطفى شكرا لك على انعاش ذكرياتنا بتراث فنانا المرحوم احمد عمر الرباطابى اليك تسجيل حفلة منظمة شكلك الطوعية الرباطابية والاغنية فى اداء عصام محمد نور/ثم جلال الصحافة
https://www.youtube.com/watch?v=CVtz0l3-svY https://www.youtube.com/watch?v=bIeBflHhX8Y |
الحبيب الشغل العقول
نغني عليه ونقول أغنيه لها وقع خاص فى النفس ..بأيقاع ورتم يتسرب فى الدواخل ..شخصيا حينما أستمع أليها أرجع الى زمن ما ( الرادى ) وربوع السودان حينما كان الاصغاء والتركيز ومازلت حتى اللحظه أفضل الاستماع على المشاهده بتركيز عالى التحيه ليك الاخ المكرم أحمد حسن |
مرحب بيك أخي احمد حسن في سوح سودانيات
|
أحمد
شغلك نضيف.. الشئ براااااااااااااحة تدخل. وطوالي يتلهفوك نوارات سودانيات.. صاحب القلم الجميل عبدو منصور. وعمك بروفسير حسن بعظمتهو. ونصوري أب قلبن! الظنيتهو ما مليان دم قدر ما داشر محبة. وأختمها ليك أنا وأقول؟ بأنه مدخلك.. حلو |
| الساعة الآن 06:53 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.