داليا الياس لديها ٣ اسئلة عن مؤتمر باريس
داليا الياس لديها ٣ اسئلة عن مؤتمر باريس
https://www.facebook.com/photo?fbid=...92915305472746 |
الاح فيصل عابدون يرد على داليا الياس
Faisal Abdou Abdounقروب دعم رئيس الوزراء د.عبدالله حمدوك 1h · داليا الياس تعالي انحدثك يا داليا بنبذة صغيرة عمن تتساءلين عن دورهم في مؤتمر اصدقاء فرنسا : لن اتطرق للجميع ، سأعرّفكِ على اصغرهم سنًّا شفتي البنية اللطيفة دي؟ اسمها نسرين الصائم.. وطبعاً نسرين ربنا يحفظها ويطول في عمرها زي ما انتي شايفة في الصورة صغيرة في السن ومؤهلاتها اختصرها ليك فيما يلي: - بكالريوس فيزياء وطاقة متجددة من جامعة الخرطوم " ما متأكد فهمتي ولا لأ.." - نسرين ، ناشطة سودانية شابة من ٢٠١٢ في ظاهرة التغير المناخي لكوكب الأرض 🌎 ، اللي فيها الكائنات الزي وزيك ديل وكمان Climate Negotiator .. دي غلبتني ترجمتها لكن ممكن اختصرها ليك بمثال: بعدّة قعدات تثقيفية معاها او قعدة وحدة ممكن تعرفي "على سبيل المثال" اضرار الطلح البتستخدميهو في الاسبوع ١٠ مرات، على كوكبنا الجميل الاسمو الأرض من قطّيع الطلح ولغاية المراحل الانتي عارفاها "وحاة الله جد" - انزيدك، نسرين عندها المناصب دي وما تسأليني من ترجمتها Chair of UN Secretary General's Youth Advisory Group on Climate Change | Chair of Sudan Youth Organization on Climate Change اترشحت من Pan African Climate Justice Alliance نسرين لو انا ما غلطان هسه عندها ماجستير نسرين اختنا الصغيرة دي ممكن في قعدة في مؤتمر باريس تقنع اصدقاء السودان في الاستثمار في الطاقة المتجددة والنظيفة وممكن تخليك تبطلي عادات سيئة تضر الوطن نسرين ما بتمشي تركيا مقابل حق الفسحة ولا مقابل مبارات اوائل الشهادة السودانية نسرين ما بتطبل للعسكر والمتأسلمين وتمرق تمشي جوبا مع الفنانين والفنانات بقيمة صفرية لا تؤجل ولا تؤخر  اخش ليك في #صائدة_البمبان ؟ ولا كفاك نسرين ؟  لو ما استلمتي البوست دا ان شاء الله بتشوفيهو شير شير في الخير يا حلوين Like Comment Share 0 comments Active Write a comment… |
سلام حسن العالم دي ينسوا للكيزان جريمتهم ... ولا ينسون لداليا الياس سقطتها. |
الاخ ابو جعفرلا اظن فى زول نسى للكيزان جرائمهم
والدليل ماحدث فى الذكرى الثانية لفض الاعتصام بعدين بينى وبينك داليا الياس ذاتا دحين ما من الجوقة؟ |
اقتباس:
غايتو الحاجة الوحيدة البعرفا عن داليا الياس هو قولها بأن الرجال في السودان أصبحوا (ما بيعرفوش) أها من ديك وعيك أي رد عليها لازم يحتوي شيئاً من حتى. |
قولها بأن الرجال في السودان أصبحوا (ما بيعرفوش) أها من ديك وعيك
-------------------------------- ههههههههههه عاد يا ابو جعفر يا خوى فى نظرك هناية دى فى كامل عقلها؟ دا كلام دا؟ |
| الساعة الآن 02:56 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.