سودانيات .. تواصل ومحبة - دقة باب الشارع،، ،،،

*بي 📝 الحنين*
*د. علي الشيخ*

*دقة باب الشارع،،،،*
*كوكوكوكوكو*
✊🏼✊🏼✊🏼✊🏼
اختفت و راحت زي حاجات كتيره،،،
دقة باب الشارع،،،،
بتجي معاها ،،،
اللهفه و الشوق،،،،

و بتجي معاها ،،،،
لو وشوش صوت الريح في الباب بسبقنا الشوق قبل العينين،،،، 👀 👀،،،
اااااااااااخ يا زمن،،،
دقة الباب مربوطة بنوع الزائر،،،،
الناس الكبار دقتهم فيها معني،،،،
بالعكاز ،،،،،
و كل عكاز عنده نغمه،،،
*الْحَاجَات* الكبار دقة الباب عندهم فيها حنيه و صبر،،،
طيب في دقة حسب نوع الخبر،،،،
اذا كان خبر فزعه
فيهو تعدي،،،،
دقة واحدة و بعدها *تووووووش* الزول يدخل
يسمع الخبر،،،
دقة الشفع فيها ادوات مساعدة
حجر،،
حصاصه،،،،
بليه،،،
اقرب حاجة يدق بيها الباب
شويه شويه،،،
دخل الجرس،،،
وبقي اداة ترفيه ولعب لي شفع الحله،،،
الناس اتصرفت،،،
تلقاهو مشنوق فووووق
زي كراع الخروف عند الجزارين،،،
*هسه في زول جاب سيرة الضحيه،،،*
المربوط بي دقة الباب،،،
*حضرنا ولم نجدكم*،،،
وفي ناس عندها ثقافة تانية
عشان مايشخبط يقوم يخت ليك اي حاجة،،،
كيس نايلون،،
فرع شجرة،،،
سلك قديم،،،
و كده بكون اثبت جيته
و زيارته،،،
دقة الباب،،، الرد بجيك من جوووووه القلب💙،،،
حبابك ،،،
اتفضل الباب فاتح،،،،
ادخل،،،، خش لي جوه،،،
ده هسه ما سلام جمهوري عديل،،، ولا كيف ،، امكن أجمل منه،،، مش كده،،،
في دقة باب بي خجل،،،
جميل،،،
و علاقة خشم الباب مع باقي ونسة النسوان،،،
ما بتكمل،،،
زي غمتة العيد للشفع،،،
دقة باب الشارع علمتنا أدب الاستيئذان،،، و الانتظار،،، و الاحترام،،،،

المره الجايه،،،،
في دقات كتار،،، خليكم قراب،،،،

*و راحت دقة الباب*
*زي ما راحت حاجات حلوة كتييييييره*

*د.علي الشيخ*
*الحنين*
*امدرمان*

من الأرشيف،،،
*١٩ أكتوبر ٢٠١٧*