العرجا لى مراحا ... (سهرتنا الليلة)
قلنا ننتظر البيت التانى وبعدين ... نتقطع
. أغنية Kung Fu كانت شعار (سهرتنا اليلة إدمون منير) للحفظ . |
الفقرة الثانية :
ونسة أمدرمانية .. (بدون مراجع) -بالله ممكن نبذة بالله إيجابية عن خليفة المهدي - التعايشة بيزعلوا كدي نزعل آل المهدي طبعا يا شباب الخليفة هو المؤسس الحقيقي للدولة المهدية لانو المهدي مات بعد فتح الخرطوم طوالي - ياخوى اصلا ما فى حاجه اسمها مهدية...محمد احمد كان رجل متدين شديد وهو من اصل دنقلاوى من جد كنزى..نسب نفسه لبيت الامام على لزوم الصيت...درسه الشيخ محمد شريف فىالخرطوم على الطريقة السمانية...اخوانه كانوا نجارين مراكب وقاموا نزحوالجزيره ابا لكثرة اشجارها...قام بنى مسجد وكترواانصاره ومريديه..والعمليه كبرت فى راسه وقال انه المهدى المنتظر..وحتدنواليهواكراسى شنووشنو..وطبعا ماى اى حاجة حصلت والموضوع كله حكم وسياسة... اما الخليفةالتعايشى فطبعا من الغرب من البقارة..ويقال انه كان رجل داهيه وجاء لمبايعةالمهدى على النبوءه وقيل انه اغشى عليه ثلاث مرات عند رؤية المهدى وقال له ان له اب صالح من اهل الكشف قال له قبل وفاته انك ستقابل المهدى وتكون وزيره وقد اخبرنى بعلامات المهدى ووجدتها فيك..!وطبعاالكلام ده عجب محمداحمد فولاه خليفه اول.. لما مات المهدى كان هناك ثلاثة خلفاء وعشان يثبت نفسه رغم انه كان اقواهم قام وزع منشور قال فيهوا " ان المهدى ليلة وفاته حصلت له " حضرة " ظهر له فيها الشيخ القرشى ومعه جميع الاولياء فقال له ان النبى صلى الله عليه وسلم قد استعجل انتقالك الى الدار الاخرة فاجعل لك وكيلا من خلفائك يقوم بالامر فقال المهدى اوكلت الخليفة عبدالله فاتفقت كلمتنا عليه" اماعن سياسة التعايشى" فتولى الخلافة وهو لا يصدق انه تولاها وكان يغار عليها حتى من خياله ويحرص عليها حرصه على نفسه وقد ساسها بثلاثة امور وهى: الاول: المحافظة على شعائر المهدية مع علمه بمروق العقلاء منها اذ لا جامعة لانصاره الا بها ولا حجة له فى الملك سواها. والثانى: مراقبته المنكرين حقه فى الملك والمزاحمين له على السلطة والبطش بهم بالقتل او بالنفى كثروا او قلوا. والثالث : حصر المناصب العاليه فى اهله التعايشه وتفريق كلمة سائر القبائل وا ذ لالهم حتى لا تقوم لهم قائمة. كفاك ولا ازيدك... - ما بقدر - ما أنا من أولاد البحر بس الشكر للأخ ما قصر من النوادر التي تحكى عن تسلطه انه كان محرم سف (التمباك) وفي يوم شك أعوانه بأن أحد الجالسين في مجلسه (سافي) فمسكوه وقال ليهو إنت سافي، فأنكر وقال ليهم أنا ما سافي - طبعاً بيكون حلف بالله عديل فالحكاية فيها قطع لسان فقالوا ليهو أفتح خشمك فقام الرجل (إتصرف) سريع ملأ إيدو تراب من الواطة وكشحها في خشمو وفتح خشمه قدام الخليفة وقال ليهو: ياخليفة المهدي أنا كان سافي الترابة التملا خشمي وبذلك أضاع الدليل المادي - بس برضو بيكون لسانه إتقطع -شكرا استاذنا على المعلومات القيمة، بعده كان المايسترو زعل اليزعل، بس كانت في حكاوي بتتداول عن مجازر وقعت في الخرطوم من قبل الخليفة عبد الله التعايشي وجنوده ضد بعض من سكان الخرطوم آنذاك، إضافة على الوحشية الكبيرة التي كان يتم فيها عقاب (المذنبين) والتي كانت لا تمت للإسلام ولا حتى الأعراف بشيء، ياريت نسمع إفادات حول هذا الموضوع.. - يا اخوانا السلام عليكم لكن عندي ملاحظه انكم يا الكاتبين الكلام ده بتالفو من راسكم وبتقللو من شان الاتنين ديل كانكم كنتو قاعدين معاهم بالله رفقا بتاريخنا والعندو عدم ريده للمهدي وخليفتو يحتفظ بيها لنفسو وبس (الأخير ده ما من أولاد أمدرمان ... من النازحين) النازحين دى بترجعنا لقراصة عكود والفقرة الأولى |
الفقرة الأولى
http://www.3aza.com/upload/user_uplo...817-172501.gif والله الشايقى للطورية المهم والله يا عكود كان ما قصيدة حسون ما بتتصاقع كان أشعرت ليك فى قراصتك دى لا من شعرة جلدك كلبت قراصة ؟ وفى البوتجاز ؟ فرن سيحة وسجك الخواجة يا حليلا ؟ زمااااان كان فى برنامج فى التلفزيون إسمه (أصدقاء المهنة) بقدمو د. مصطفى ... "هو إسمو مصطفى منو" أخوه بتاع العظام الجبهجى داك ياخ المهم جاب عدد من الدكاترة الكبار كل واحد بقدم نفسو يتك على قبيلتو ويلبسا ليك الحضارة كلها الدخلت السودان منهم شوايقة ومحس وغرابة وعرب الجزيرة وفور لامن جا الدور للدكتور محمد الحسن الطيب الله يرحمو قال ليهم جمب بيتنا بمشى الترماى تقطع شارع الزلط تدخل دار الرياضة أمدرمان .. هى الحضارة إنتو قايلنا شنو تقول لى قراصه وحيرانكم إتمردوا فى فتة الرغيف http://www.sudaneseonline.com/u/Gurrasa.jpg |
الفقرة الثالثة
قريبى الحلفاوى الحايم بى جوة زاتو شحتف روحى طبعآ أنا وأبو بكر سيد أحمد فاقدين مسقط الرأس تحت الموية الناس تفتش عن "أتلانتس" .. وديل دايرين يحصلوا كجبار حلفا فرقنا الزمن مرتين يا أبوبكر .. عبدالله بن السرح .. و الفريق عبود حكمة الله كلياتهم عساكر واحد من السياسين "نسيت إسمو كالعادة" عندما رحلوا الحلفاوين خشم القربة رسل الخرطوم فى طلب "مأزون شرعى" (طبعآ تخصص نادرعندهم) تلكأ ناس الخرطوم فرسل لهم برقية ( لا زلنا فى إنتظار المأزون ولا زالت كنائسنا فى البركل قائمة) مرحب بيك حبيبنا أبو بكر نعمة ونور ومحبة |
[align=center]الفقرة الرابعة
السيد العميد http://img233.imageshack.us/img233/9237/635279qi.jpg http://sabercom2004.jeeran.com/السودان.jpg الجلاء http://img141.imageshack.us/img141/4816/scan0007ji7.jpg تشييع الشهيد القرشى http://img148.imageshack.us/img148/6440/2qy5.jpg http://img89.imageshack.us/img89/4954/8ws7.jpg http://www.datos.notafilia.com/colec.../sud001A_t.jpg[/align] |
الفقرة الأخيرة
بيت ممكونة الواجعنى فى كبدتى . والتجربة واحدة والسبل الفرقتنا لامن طلعت "عينا" ما بالحلفاوى أو زى ما قالت البيت بى ناسو . دايرين نعمروا ونعمر معاهو بيت حبيبتنا حنينة عشان ممكونة وعكود الحسو إنقرش الدعوة أولآ لى ناساتى البليل بليل بندر وسارة وأسعد وناسى برضو الجميع والزعلان من ود الحاج ما يشتغل بيه البيت مفتوحة أبوابوعلى مصراعيه الداير يفتح ليه يفتح ليهو والداير يطلع "عينو" برضو يطلع عينو هو زاااتو لابد ليكم إنتو قايلين بوست الديمقراطية ده على حنان ده تملص عشان يكون جاهز لود العمدة أهو دردقناهو ليه فى الفقرة الثانية |
فى الختام النشرة الجوية بتاريخ أمس من د.قنات بالمسنجر
الله يكون فى عونهم الأيام العدد رقم: الاثنين 8889 2007-08-20 69 ألف اسرة مشردة وانهيار (70 ) ألف منزل بلغ عدد الاسر المتضررة جراء هطول الامطار والسيول التي اجتاحت ولاية السودان حتي أمس 965ر69 اسرة فيما بلغ عدد الوفيات 87 شخص والمصابين 192 شخصا. كما بلغ عدد المنازل المنهارة كليا 32 الف و307 والمنهارة جزئيا 37 الف و758 منزلا كما تضررت 939 مرفقا تماما بجانب تفوق 34 الف و675 من الماشية وقال الناطق الرسمي باسم الية درء الفيضان اللواء شرطة عوض وداعة الله حسين ان ولاية شمال كردفان تعد من الولايات الأكثر تضررا حيث بلغت عدد الاسر المتضررة فيها 14 ألف و565 أسرة الوفيات 21 حالة وفاة وانهيار 9 ألف و366 منزلا انهيارا جزئيا فيما بلغت عدد المنازل المنهارة كليا بولاية الخرطوم 9 ألف و413 منزلا واضاف الي ان اكثر الاصابات سجلت بولاية البحر الاحمر وبلغت 57 اصابة وان ولاية الجزيرة تعد من اكثر الولايات تضررا بالمرافق العامة بلغت 565 مرفقا عاما كما سجلت ولاية كسلا اكثر الولايات نفوقا للماشية إذا بلغت 16 الف و675 من رأس الماشية يذكر ان حجم الدعم الاتحادي المقدم للولايات بلغ 35 الف و102 مشمع و27 الف 670 خيمة و11 الف و808 ناموسية ، 34 الف 330 جوال خيش ، فيما وفرت وزارة الصحة 410 طلمبة رش هدسون ، 295 طلمبة رش ضبابية كما تم توفير اكثر من 9 الاف لتر كمية من المحاصيل الوريدية ومضادات الملاريا http://www.splm-ns.org/up/IMGA0117.JPG http://www.splm-ns.org/up/IMGA0118.JPG صور لمدينة الخرطوم العائمة |
صديق عمر طويل وزميل دراسة انقطعت الاتصالات به في السنوات القليلة الفائتة جورج كوستي كرياني ( ناس ام د رمان والمسالمة اكيد بتذكرو الطابونة والاجزخانة) كان يصر علي انني من المؤلفة قلوبهم فانا المسلم الوحيد في الاربعة اصدقاء هو والمرحوم جوزيف جورج نخلة( ناس الخرطوم ربما يتذكرون القصر القديم المتهالك في الخرطوم عموم مقابل مدرسة عبد الغني لتعليم السواقة وليس ببعيد عن ادارة المرور -الحركة- في زماننا القديم والذي كانت تعيش فيه عجوزيين هن ورثة صاحب القصر وهو جد المرحوم جوزيف ) وفايز لويس ميخائيل ( هو من اقباط الخرطوم وعندما سافرنا القاهرة معا في 72 وجدت اولاد اعمامه في شبرا الخيمة ) كنا نتقاسم النبقة كما يقال ولقد سهل لي جوزيف وفائز ان اكون متواجدا دائما في المكتبة القبطية وحفلاتها في ذاك الزمان ....
مرة واحد عمدة من اهلنا قال لي انو النميري عندما اتاه وفد من اهلي البرابرة ليوافق علي مدرسة كمبوني في وادي حلفا بعد الهجرة حلف يمين انو ما يسمح لانو البرابرة "نص دين "....ولحد الان انا ما عرفت النميري الا تربي في وادي حلفا حيث كان يعمل عمه والد زوجته في البوليس وما زال بيت التركي او المملوك الذي كان يحرسه جده النوبي موجود في دنقلا جاب "نص الدين " التاني من ويين ؟ اقول قولي هذا يا رافت العزيز واتعجب في الحاصل ...واها ننتظر المطر مع "حميد" |
تعرف يا رافت 43 سنة وعيني ما دمعت علي القرشي الا اليوم .. الذين عاشو تلك الفترة كطلبة امثالنا او موظفيين وعموم ملح الارض السوداني استشهاد القرشي فخر ووسام لا يليق ان نزرف دمعا فيه ولكن وانا اري حال البلاد واهل السودان واقرء نشرتك الجوية لم اجد الا الدموع تعبيرا عن خيبتنا ....
الصورة التي ارفقتها لجنازته هي لملح الارض السوداني الذي كان قبل ان تزحف جحافل الهوام والناموس وطفيليات الدنيا السفلي الي دواوين الحكم والادارة في بلادنا ... ولكن برضو بعد "الكتمة " مطر |
اقتباس:
زمان كنا بنقول غدروا أكتوبر وختينا اللوم فى مبارك زروق وقطعناه فى حشانا عشان الراجل مات بدرى الله يرحمو . ماعارف كان قبل ومسك البلد الحال كان يكون كيف . هسة كلمة وئدوها أو زبحوها بقت مابتشفى غليل . ديل قتلوا حتى الأمل فينا . معاك حق تبكى على القرشى وعلى عبد الفضيل وعلى على عبد اللطيف كلهم زبحتهم الشرطة فى كجبار . ربنا يخفف الآلام و يأتى بالمعجزة مودتى |
الحبيب رأفت
متابعين هبشت كبدالحقيقه و يا ريت نعرف شويه عن دور الخريجين والنخبه في الفتره ما بين المهديه و استشهاد القرشى فى رسم و تكوين السودان |
العزيز عمر عيسى
تحياتى سأرد عليك كمضطلع عادى وليس متخصص اقتباس:
مرحلة تجمع الخرييين مرحلة محدودة العطاء . صحوة المثقفين كان هدفها مناهضة الإستعمار ولم تأخذ أبعاد أعمق تشمل مستقبل البلاد والحكم . بل كانوا يعملون فى أروقة البلاط البريطانى ومشبعين بثقافته المرسومة والحرة . هذا ليس زم ولا إنقاص فى الوطنية بل كانت وسيلة التعليم المتاحة . الثورة على بريطانا تعلمها السودانيون من واقع الحريات البريطانية فى بلادهم فلا تخلو من الوصاية . ما أريد توضيحه كثير من السمات الإستعمارية بقيت فى السودان بعد الإستقلال وتولاها أهل البلاد . مثل الألقاب والتصنيف العرقى والمهنى فأصبحت الهوة ضخمة وهى كانت مقبولة من قبل الإنجليز بتصنيف إستعمارى محتل . نعود للخريجين من الطبيعى إنفصالهم عن رجل الشارع العادى لقلة عددهم وجعلهم صفوة يتحدثون بلغة أخرى ولا يكونون كيان كامل . حلهم كان مناسبآ بإنصهارهم فى الأحزاب التقليدية (الأمة والإتحادى) وكانت مرحلة حقيقية لنقل الأمة من دراويش أنصار والختمية من حولية فى بحرى وسنكات . كان الحل الأمثل للإتصال برجل الشارع لإرتباطه بهذين الكيانين روحيآ وعرقيآ . كان عصر ذهبى فى غزو المثقفين أروقة السياسة . الشيوعية من نفس المنبع لذا خرجت "برجوازية" وليست من قلب "البلوتاريا" كما حدث فى روسيا . لم يكن إتصالهم بالكادحين فى الخارج بل بالأفكار الحزبية ومن داخل "الدومة" وقمة السلطة بالدعم المالى والرحلات الأشبه بالرفاهية . لذا ظلت الشيوعية فى السودان صفوة "مثقفاتية" ولم تنزل لرجل الشارع العادى . إذا حاول أحد الإستشهاد بعطبرة فهناك كانت فقط إطار مفروض لعُمّالية عطبرة . وظل حبيسآ هناك وصوته ظهر لعددهم الضخم ولكن لم يخرج من بينهم وسرعان ما يفارقهم عند الخروج لآفاق أخرى . ليس سرد تاريخى لكن قناعات خاصة من قراءات عامة ودعوة للنقاش ... ودى |
اقتباس:
د. مصطفى راجل سمح وكان قام بمبادرة الوساطة السلمية فى حكم إعدام الأطباء فى قضية الإضراب . تصور حكم بإعدام أطباء لأنهم أخلاقيآ أضربوا .. هسة أُوكلت لهم مهمة قطع الأيادى عيدى أمين ما عملا . يوم كان شقيقى يعانى من آلام الظهر رحمه الله وفى وقت متأخر لم نجد طبيب عظام . ذهبنا الى كمال زكى بالعدم . طبعآ هو طبيب ذو صيط* لكن الموقف واضح . (ده برجعنى لدكتور مأمون يوسف كان طبيب أطفالى وما عندى ضده أى حاجة كطبيب أو إنسان . فوجئت بتعينه لفترة وزير وحولت أولادى لدكتور جعفر إبنعوف) المهم دخلنا لدكتور كمال زكى قابلنا كويس وحكى لينا آخر نكتة "ركب سكران مواصلات جبل أولياء ونام . لما صحى لقى البص فات جبل أولياء وداخل على العشوائى والناس سووووود . قعد يغنى (الشعب العربى وين)" أهو ديل الحاكمننا ومطلعين "عينا" معروف إنه أحمق و"عاتى" وسريع الغضب . "يقال" فى غضبة (سب الدين) ورفض ينفذ عقوبة بالجلد وكان له ما أراد . إذا سرق فيهم الفقير ...... * صيط : ما هو الصحيح صيط ولا صيت |
العزيز رأفت
مرحب بيك .. دحين مرحب بيك عشان سبقناك بخطوتين فى الكتابة بس .. عارفنو بيتك فاتح ليك عشرين موضوع فى بوست واحد .. عاوز تجهجهنا .. بعدين انت قاصدنى عديل .. فى اليوستات نسيتنى .. عكود و ممكونة والبربرى .. دحين انا ما تالتهم الفى الكتابة مخالطهم اها ناس الليل ديل أنا ما فيهم؟ لو فى الاولى قلنا pass التانية نقول أميه ؟؟؟ |
اقتباس:
والله مافى pass ولا حاجة الكلام للعائدين ممكونة وعكود مش برضو من الكبو الزوغة وناس الليل المقصودين اللسة غايبين وقريبى البربري من المنورين العامل ليه pass عديييل طارق الحسن وليهو يوم وزحمة البوست قدر الوقفة ولسة ناوى أفرغ والمصيبة داخل إجازة أسبوع وجوازى فى التجديد .. يعنى أنا وإنتو والنيل والقمر تحياتى |
| الساعة الآن 10:50 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.