عرضحالات البلد (1) عفوا سيد الصادق المهدي
اعترف انني من المعجبين بك ، واختلف مع كثير من المثقفين الذين يرون انك من احسن المنظرين في فقه السياسة السودانية ، ولكنك لست برجل دولة. ولاني اراك رجل دولة ورجل سياسة ومحاضر من الطراز الفريد ، لما لديك من معرفة بخوافي اللغة وسحر البيان والمام تام بما تريد ان تحاضر فيه وفوق كل هذا التزامك بوحدة الموضوع واحترام عقل المتلقي . انت رجل دولة لانك تعرف تفاصيل المشكل السوداني وتعرف مفاصل الحل، وانت رجل سياسة لانك خبرت دروبها ولك شبكة راقية ومتينة من العلاقات الدولية. رجل بهذه القامة تهزمه الاخفاقات ، اتدري لماذا ، لانك سيدي الصادق لم تنسى لحظة انك سليل المهدي وان الزعامة حق اصيل لديك .
انسى انك سليل المهدي انسى هذا الدم الازرق الذي صبغك بالباشوية التى تبحث عن مجد زال تذكر انك ابن امراة تاكل القديد انسى الزعامة ستاتيك حتما انسى القيادة فهي قادمة اليك انتهج منهج المواطن السوداني البسيط في كيفية حل اشكالات المسغبة التي يعانيها اترك الصفوية التي جرجرك اليها الفكر اليساري باستفزاز الطائفية ونعتها بالتخلف لان التخلف الحقيقي سيدي الصادق المهدي هو ان نعي مشاكلنا وان ندرك اخطاءاناثم نسلك دروبا اخرى للبحث عن حل هو امام ناظرينا تفرغ سيدي الصادق المهدي لاصلاح حزب الامة بكل ما اوتيت من خبرة ومن جهد ومهما كانت التضحيات ليرجع هذا الحزب الاستقلالي قويا قادرا على تحمل مسؤليات نهضة رجل افريقيا المتهالك مرضا، فانت ادرى بنسيج حزب الامة الذي اهترا من طول الفتق والرتق، جدد خيوطه بخيوط فتية شابة قادرة على مقارعة الزمن . فانا من المؤمنين جدا بان اصلاح حال السودان يكمن في اصلاح الحزبين الكبيرين الامة والاتحادي وتقبل احترامي |
د. محمد حسن
لك التحية لن يصلح العطار ما افسده الدهر، الصادق تجاوز السبعين من العمر، ويفترض انه في هذا السن قد أخذ يجني قطاف السنوات الماضية، وها انت تطلب منه ان يزرع من جديد (too late). الصادق المهدي رجل تكتيكي، ولكن وبكل المعايير ليس استراتيجي التفكير، فكل خبراته ومعارفه وارثه الطائفي الضخم لم يوظفه الا في اتجاه تكريس سلطة العائلة وتلميع شخصيته، وفي الوقت الذي انشغل فيه غريمه الترابي في توظيف الكوادر وتدريبها وتثقفيها، كان الصادق يتحدث بلا انقطاع عن قضايا نظرية وكان همه اثراء القاموس السياسي بالكلمات، فانتج لنا السندكالية والجهوية والوان الطيف السياسي، وهي مفردات نقر بانها نجحت واصبحت من المفردات اليومية في السياسة العربية. نقول ان كوادر الترابي نجحت لدرجة انها ظلت متماسكة حتى بعد اقصاء من بناها مستخدمة النهج البراغماتي وتبديل السياسات وتغيير الوجوه من حين لآخر مع ابقاء الخط الاستراتيجي دون مساس، متجاوزة الكثير من العقد الصعبة والكم الهائل من قرارات مجلس الأمن، والتي عادة ما تصبح حبر على ورق بعد شهر أو شهرين من صدورها.... هذا النهج البراغماتي يبدو انه اصبح مصدر جذب لكوادر الاحزاب الاخري فانضم الكثير منهم للحكومة لأنهم ببساطة لم يجدوا من يوظف طاقاتهم في الحزبين الكبيرين الطائفيين. الحل عندي لانجاح التجربة الديمقراطية في السودان وقيامها على اسس سليمة هو احالة الصادق والميرغنى الى التقاعد واعادة هيكلة هذين الحزبين على اسس جديدة |
دكتور محمد حسن والاخ بركات
وانا اتفق معكما فان اصلاح السودان يكمن في اصلاح الحزبين الكبيرين --هذا وبغض النظر كيف يتم هذا الاصلاح ولكن للاسف كوادر تلك الاحزاب لا تلتفت الي هذه النقطه المهمه وبدلا عنها الاشتغال باخطاء الاخرين في احزاب اخري هذا بالرغم من وصفهم لها بي (الاحزاب الصفيره ) ولذا اتمني ان ينصلح الحال وفي كل الاحزاب وبدون فرز |
دكتور محمد حسن والاخ بركات
وانا اتفق معكما فان اصلاح السودان يكمن في اصلاح الحزبين الكبيرين --هذا وبغض النظر كيف يتم هذا الاصلاح ولكن للاسف كوادر تلك الاحزاب لا تلتفت الي هذه النقطه المهمه وبدلا عنها الاشتغال باخطاء الاخرين في احزاب اخري هذا بالرغم من وصفهم لها بي (الاحزاب الصفيره ) ولذا اتمني ان ينصلح الحال وفي كل الاحزاب وبدون فرز |
اقتباس:
سلام وتحايا شكرا ليك على اللفتة الجميلة،،، دي لكن ما بتفتكر معايا أننا بقينا تفكيرنا شمولي وأن القيادة هي البترسم خط السير والمرور والحركة من شمال لي جنوب وبالعكس. الحبيب سيد صادق ما قصرت أديتو من حقو الكتير وهو بيزيد على كدا، لكنو هو معانا ما قصر وضع للحزب مسارات وموجهات وأفكار، لو ترجمناها صاح كل القلتو دا كان بيحصل وزيادا عليهو. وصاح كلامك ياهم الحزبين الرئيسين هم ركازة البلد وإصلاحهم بصلح حال البلد. الحبيب البركا المبروك بركات وإن كان برضو too late لكن late is better than never همسة ياهو دا القالتو أم راشد خير الكلام وإن عملنابو دوبنا بلدنا ببقى في التمام |
تحياتي دكتور محمد حسن وضيوفه
اقتباس:
اقتباس:
متي يكون للجماهير خط سيرها الذي تهتدي به القيادة الرشيدة؟ |
اقتباس:
الحبيب خلود بين الترجمة وخط السير بحر من المغالطات بالله قول ليا في فكر في الدنيا دي بيطلع من الجماهير ولا ياهو زول بفكر والناس بعد داك بتفهمو بعد ما ترجمو؟ إن ترجمتو الناس صاح بيبقى تمام وإن ترجمو غلط بتبقى يا ها العوجة. طبعا دي غلوطية وبيحتاج الزول يدخل في حناياها وعشان كدا!! بقدمك ليك الدعوة ومفتوحة يومك التجي مرحب بيك حبابك. همسة بين فكر الشمولية وإحساس الديمقراطية مسافات ذي بحرن شواطيهو ما بيجتمعن ولا هن متلاقيات |
اقتباس:
اولا انا كرجل امدرماني ومتابع للحركة السياسية في السودان اعرف انه من الصعب في حزب الامة القفز فوق القيادت ولما يعنيه السيد الصادق المهدي بالنسبة لجزب الامة ، لذا كنت واقعيا في مخاطبة سيد الصادق ليس لانه رقما صعبا ولكن لانه السيد الصادق المهدي ويا اخي بابك مخير ساعدو ا سيد الصادق بصداميتكم لا بانصيعكم لموجهاته وارشاداته اثبتوا وجودكم داخل الحزب كآليات تغيير فعلى لا كأعضاء شرف مع احترامي وكثير تقديري الاخ الشريف انا اتفق مع كلام الدوك ام راشد واحترامي للجميع |
اقتباس:
تعرف يا سيدي! لمن إترسمت المونليزا، سيدها شاف فيها حاجات وكان عاوز يغيرها، لكن كمان الرسمة إترسمت في عقول الناس بي صورتها دي،،،،،، لو الجن الأحمر رسمها من جديد ولا لو دخلت فيها الروح برضو الناس حتشوفها تحفة فنية (ما ببالغ لو قلت ليك ما شايف فيها جمال،،، عاملة ليا وشها المافيهو حواجبيين دا). دا حالنا في حزب الأمة لو سيد صادق دا إحنا Impeached برضو التفاسير حتكون وحتكون،،،،، الحزب كلو حركة منها البياخد شكل ثوري متطرف ومنها البيتعامل من خلال المؤسسة وطبعا وأتا البديت الموضوع دا وما ليك من دراية عن لعبة السياسة أو نسميها القول البيتراضو عليهو الناس ذي ما حبو يشوفوهو. العمل من خلال المؤسسة ذي القضايا المدنية (تتطاع الروح لمن تبدا توضح معاليمها) والعمل الثوري، عمرو ما بينكتب ليهو الديمومة والتجارب كتيرة في العالم، أمسك من الثورة الفرنسية والبلشفية ووو (ما ندخل كتير في الموضوع بتاع الثورات، يقوم يجيب لينا الهوا). فالقصد يا الحبيب صورة المونليزا لو شفروها ولا كبروها ولو شالوها ولا ختوها،،،،، الشكل الترسم في ذهونا عن حزب الأمة ما حيتغير وللأسف الناس خالطة بين الأمة والأنصار وشاء لحزب الأمة أن يرث مخلفات الإستعمار في زرع كره وطني وقومي (وما أظنو لا وطني ولا قومي) على الثورة المهدية والأنصار. وفي دي يا الحبيب برضو في غلط في تعريف الإنصاري وغير الأنصاري.... ما وكتها وما زمنها لكن بيجي اليوم وينفتح الباب دا. همسة قلت يا الحبيب: ساعدو ا سيد الصادق بصداميتكم إن جينا قالوا مرتزقة وإن سكستنا قالو وينو شهيدكم وينو ميتكم |
يا ود مخير ..اكيد ستة وتمانيين انت كنت موجود في ابوظبي ايام الانتخابات وكيف انو اليسار واليمين دون تحفظات اتفقو علي قائمة وفق رؤية لعذابات زمن النميري واذكر المرحوم د.كمال بشري هو الكان مجتهد في دة ) انا كنت الزمن داك موجود ممثلا لدبليو اتكنز ابنب مبني جريدة الاتحاد الحالي وحضرنا التصويت وقبلها قابلت واحد صاحبنا وبيناتنا نسابة ( د.عبدالمنعم بلة ) وكان مرشح عن حزب الامة .. سالتو ياخي اها برنامجكم شنو ؟ قال لي ما معناه (وهو انصاري ود انصاري وحزب امة رغم ميوله الاسلامية ايام دراسته مع خلخالي في المانيا ) "برنامج شنو؟ ما حزب امة ؟ ...اها جاء يوم الانتخابات وانا وواحد بربري زي وشيوعي ومتفقيين مع الجميع علي القائمة اتقابلنا في السفارة ورغم انني ما كنت قابلت البربري داك من زمن البركس في نهاية الستينات الا انو داخل غرفة الانتخابات لقيت مراقبيين من حزب الترابي او الميثاق او الجبهة قالو لي " اللماكم شنو تاني ؟ " استغربت ؟ كيفن عرفو ان كنا سو في ج د في الجامعة (بيني وبينك البربري داك كان ملحد عدييل والعين ما بتغبا ومرة قامت حريقة في البركس كتب كلام الحاد عدييل والغريبة هسع في السعودية )..؟؟ قبلها لقينا جماعة منهم بيتبسمو ويدونا لستة (جنس بلاهة ) عشان نصوت ليهم ..؟؟ اها ظهرت النتائج ولستنا اتماصت وحتي عالمنعم بلة ما فاز وسعاد (ما تقول قريبتي الشيوعية) مع انها جابت 21 الف صوت خريجيين ما فازت .. اها لا انتو لا الحمر ( نحنا مش ؟ ) فازوا ؟؟؟ اها الاشكال الاترسمت دي نحن اصرينا عليها وهم بيغيرو ويبدولو ويتكتكو لحدما اتحكرو وقعدو فبقينا لا احمر لا ابيض اشتالتا اشتوتا في ارض الله ...
وبث !!! |
| الساعة الآن 10:50 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.