قناة زول ..طلع زول سوداني اصيل....ومستقل....
تاخرت كثيرا ...وربما عمل اصحابها بخطى..متانية..وربما كان القصدمن التاني السلامة...
فمن تانى وصل .. في اطار حملة علاج الطفل عبدالله...كانت زول هي الزول الانساني السوداني الاصيل ..ود البلد ...كرما ونبلا.. في تغطية الجانب الاعلامي ...مجانا وباستمرارية ...ونقل الحفل لبثه لتواصل مسيرة الدعم ... الاهم ...حضروا ..وتبرعوا ...بمالهم وجهدهم وزمنهم.... هذه القناة المستقلة بكل ابعاد الكلمة ومضامينها ..رغم ما اشيع عنها بانهذا الزول (بخيييييل)ولكن اقول ربما كان زول (((فقيييير )وهذا ليس عيبا..فقد جادت علينا بالموجود.. وربما كان هذا بسبب شح الموارد ..او بعض المتاريس والعوائق التي تقف دائما في وجه مبدعي بلادي وربما كان لاصحاب الحقد الاجتماعي واعداء النجاح يد في ذلك ... انها زول السودان الكادح ...تفتح ابوابها امام كل مبدع على مصراعيها ... قائد ركبها الدكتور ..الرجل والانسان ..المهذب المتواضع ..السمح بدر الدين ...والاستاذ تاج السر وكل التيم الجميل ..مع تقنية الاجهزة العالية .. يجب ان يحيا هذا الزول ..كريما وسليما متعافيا ..ليكن لسان حالنا الحزين ... ادعو معي ..الله يخليك يازول .. عتبي لقناة شروق ..والتي غابت شمسها في تلك الليلة .. وقد كان سبب ذلك تكريم الرياضي فوزي المرضي بمدينة العين ..ولا اعتقد ان شمس السودان بكل مواردها لها تيم واحد لتغطية الحفل الخيري ..ولكن ربما هناك سبب اخر لااعرفه ..وللعلم قد قمت بدعوة الاستاذ الطيب والمصور الفاتح وحضر الاستاذ مهيد وتخلف الركب ... ولا اقلل من الرجل الرياضي فوزي ولكن لكم التقدير انتم ايها الاعزاء ... ليت شمس السودان ان تمد ..زول السودان ..بالطاقة والحرارة والضوء ولكن ... ٍٍبعيدا .. سوف ابكي اذا..سوف ابكي ..فابريل ماعاد يضحك .. والكذبة الان لا لون لا رائحا.. الكذبة الان غادية رايحا.... قرقوش مظلوم ..دين جحا ... فبعض الخوازيق لم تات الا على نكتة مالحا ... سوف ابكي اذن ..او ساضحك ..ضحكة النايحا.. فالمنافذ مفضية للقبور..مشارعها الفاتحا...(محمد المدني ) |
سلامات
زول فقير .. دي مشكلة فى الاعلام زول .. كويس .. دى نعمة من الله .. وشهادتك تكفي .. زول القناة .. مستعدين للتعاون و تقديم المفيد .. |
[align=center]http://sudaniyat.net/up/uploading/zoal.jpg
نعمات حموده يظهر في الصوره الأستاذ الدكتور بدرالدين والأستاذ تاج السر ونتواصل[/align] |
زوول (القناة الفضائية زول)
كُتب سابقاً عنها شئ لا أذكره لكنه كان في المقام الأول رأي أحد الأحباء وكان رأيه يمثل رأي الناقد الناقد هو الشخص الذي يكتب، يصف، يتحدث أو يعلق على الشئ حسب منظوره ولست حسب أهواء الأخرين ولذا مقدر نقد الحبيب الذي كتب ناقداً ولست محابيا ولا معاديا ويشكر على ما أورد لسببين أولهم أن عرف الناس بالقناة قبل أن يشاهدوها وثانيا أن فتح مجال الحديث عن القناة لترسم خطاها بناء على ما ذكر عنها. لكل شخص سنته في الحياة في أمر التعامل مع الأخريين واحدين، بيصاحبو دون تزكية أو تعريف من أحد وهموا بيكتفوا بي تقييمهم الأول للزول البيصاحبوهو، يتمسكو بالصحوبية حتى لو كان هناك المنتقديين لشخصية الزول دا. بس المشكلة بتكون لو زولو دا نخا ليهو، بيبقى يلوم نفسو ويدخل في نفسيات وإحباط؛ "أنا والله إتغشيت فيهو وياريتني سمعت كلام الناس والجرسة تقع" واحدين، يصادقوا بعد ما يعرفو الزول التاني سمح جداً وخلال هذه الفترة؛ يتحدث الناس عنو "والله هو أصلو دمو تقيل وما بيعرف إصاحب والي أخره" وهذا النوع من البشر، هو الحصيف في إختيار الأصدقاء وغالبا ماتكون صداقاتو تدوم؛ إلا أن الإحباط عنده في حالة إنصدم من زولو بتكون أكثر إلآمن (من ألم) ما هو صدق وآمن بزولو شديد وبنفس الشدة بتكون الصدمة. واحدين، بياخدوها على الماشي، فترة ويغير ودا ما بيلوم نفسو قدر ما بيلوم البياخدوهو بالجد وحتى إن نخا ليهو زولو هو ما خسران، ما أصلها فترة وحيشوف ليهو صاحبن تاني. زولتنا قناة الزول الناس أخدوها وكل زول على هواهو!! يكونو ما أدوها فرصة، ممكن إستعجلوا الحكم عليها، ممكن قارونوها بالقناوات التانية وكدا يكونو جنوا عليها، ممكن لكن كانت لفتة جميلة من زول القناة وعمل جميل من الزول القناة ودا ما بيغير من نقد من إنتقد وكمان برضو ما بينتقص من زول القناة كإبنة جميلة جديدة في دنيا الفضائيات السودانية وتاني وتالت شكرن لي زول القناة والزولة نعمات ولي الزول دكتور مهدي ولي كل زولتن وزولن شارك في اليوم الجميل الناجح دا |
انت يا الحبيب بقيت تنعنع ولا شنو :D:D علي باليمين سرحت بينا و طلعت بينا تلتوار و مطب و دوار بهترشتك دي ما بين الصداقة و كلوزيوم و البلونايل :D:D ،، بعدين كمل جميلك ورينا استايلك في الصحبة و الرفقة نستفيد خبرة و زاد و تواصل اجيال و كدة :D:D
|
شكرا جزيلا العزيزة نعمات وشكرا لقناة زول في حملتها لمساعدة عبد الله.
ارجو ان تسمحوا لي لاقول شيئا ربما قد يكون مغايرا بعض الشيء في هذه القناة الوليدة والتي نأمل ان تشيل اسمها (اسم الزول بالطبع) لكن وفي رأي المتواضع احس بأنها شبيهة أخواتها من القنوات الغنائية الاستعراضية العربية الاخري إذ يجب ان تكون بصمة الزول واضحة فيها لاننا نريدها ان تكون قناة شاملة لكل السودان وبتراثه الغني فنحن بحاجة لهذه القناة ان تنقل هذا التراث خارج حدود البلد وليس سلب هذا التراث وتبديله بالتراث العربي (اقصد الاغاني العربية ذات السلم السباعي) فهم أغنياء اثرياء وقنواتهم كثيرة ونحن بلا شك نتذوق فنهم الجميل لكن مادام القناة هي زول ارجو التركيز علي تراث الزول من شرقه وغربه وشماله وجنوبه( في غربك عروس الرمال وفي شرقك آية جمال وجنوبك واسع مجال يا حلاتو رطبك في الشمال). ثم ثانيا نحتاج ان نري ابداع الجيل الجديد في الغناء بس ينبغي ان يراعي الذوق العام __نحترم اغاني البنات اقصد اغاني الدلوكة زمان وحسع طبعا بقيت بالاورغن وهي عادة كانت تؤدي بين البنات وفي بيوت الاعراس غالبا اما الآن ان تأتي مطربة ملئت بكمية من الغويشات والعقود واللاليء والمزيد من الميك اب Make Up لتنقل عبر هذه الشاشة المحترمة زول فهذا بالتأكيد لم يكن في مصلحة القناة ولا في مصلحة الفن بشكل عام. ايضا لا اريد ان يساء فهمي هنا بأنني مثلا اقصد الفنانة المعنية شخصيا كلا وألف لا بل إنما أحترمها وأحترم ما تصبو إليه لكن في إطاره والذي يجب ان يكون محصور كما قلت في رقيص العرائس دا لو كان لسع الناس قاعدين بيرقصوا العروس طبعا!!!!. التحية ليكم يا قناة زول ونحن في إنتظار الجديد الرائع أعتقد بأن هنالك برنامج اسمه نجوم الغد إذا لم اكن مخطئا وفكرته إتاحة الفرصة لكل المبدعين من الجيل الجديد ومن كل ولايات السودان علي حسب الاعلان___فهذا بالتأكيد سيكون برنامجا ناجحا جدا جدا إن شاء الله. |
يا ود سعد ...بيك غلبان ومعاك مرتاح ...
النعنعة مالا؟؟؟؟ النعنعة اكيد منسوبة للنعناع ...ودا بفيد حاجات كثيره واهم شي ...الانتعاشه والانتعاشة دي ممكن في العلاقات وكدا ...رايك شنو في كم فرع اخضر ... والاستاذ بابكر قد حضر الحفل وشارك ولكن لم احظى بالتعرف عليك وربما ...لك العتبى ولي ... شكرا على الكلام الجميل ...وخلي طريقتك الجميلة دي في تصنيف الصداقات والتي اصبحت من اصعب الاشياء والنادرة .... شكرا للتواصل ولكم محبتي .. صديقتكم نعمات |
اخي ..خالد ...شكري للتواصل ..
بخصوص..زول ...كتبت للطريقة الجميلة التي تلقيتها من الذين يقومون على امر القناة ...وذا صلح رب الاسرة صلح الابناء وربما لا ...لن نتعجل وساكتب ان اكتشفت غير ذلك .... انا لا اعرفهم ولا انتماء لي بهم ..كلما في الامر..تفاجات بالطريقة السمحه والسهلة في تلبية الطلب ودون ادنى مقابل مباشر ...مع فيض الكرم بالحضور والمشاركة والتبرع الشخصي ..والجهد بالزمن والمال والذي منه ...واخص بالجميلة ايمي ..ومامون واحسان واخرين ...كانوا نحلة من النشاط ..وبتواضع لم نعتاده من قبل من امثالهم في المهنة ....وربما اسبقت عين الرضى ... ومازلت اقول ...هي قناة مستقلة ..لاتنتمي الا للسودان الوطن الحزين ...كما تراه عيني ..وللوطن كما تغنى الراحل قريبي (احمد عمر الرباطابي )في غربك وجنوبك ....الخ واتوقع ان تمر هذه القناة الامل الاخضر ببعض المشاكل ..لسياسة الاستقلالية ... وهي تفتح ابوابها لكل مبدع ....باب حوش كبير ...وبالفعل كل من قدم الي الامارات قامت بالتوثيق لهم فلننتظر ..وان غد لناظره .... اتمني ان تكون كما اتوقع لها انا وانت وغيرنا ..ولا هدف لي غير ما اقتضته المهنة ... وانا وانت ...والزول دا كان زولى ...اتفقنا ...معزوم معانا حفلة اليوم بالف وخمسمائة درهم ...وباقي الشهر ... محبتي نعمات ومشكور على التواصل وابقى واصل |
فطاني يا عمدة
وقال لي بعرسك ؟ |
سلام ..يمحبتي واحترامي
نعماتااستاذ ...ياغالي جدا ....تعرف من حكاية اعتزارك ديك وانا عرفتك كويس ... وانت الزيك ما بتفطا ابدا ....افوووو... وفي جانب اخر الاتفاق قايم ... شكرا لكلامك الشافي وبالله كل ما اكتب عايزه رايك ونقدك ... ولك |
شكرا الفاضلة نعمات علي الرد الجميل والتوضيح الوافي.
هو بالله :الزول دا كان زولي وصل عندكم الشارقة؟ لو كان همس الشوق/حروف إسمك/زاد الشجون يستاهل 1500 دولار لكن هنا مع دا لا لا والف لا. عموما التحية ليك |
[الاستاذ خالد ...
قناة زول حد علمي كانت هناك في تلك الليلة ..الباهظة الثمن وحرمنا انا وامثالي من ذلك الفن الاصيل ... الظروف دائما معاكساني حتي من وطني ابعدتني ...حتى اصدقائي كلهم طلعوا من النوع ابو خمسين فقط ...ولا واحد ابو الف وخمسمائه..اتمنيتوا منى ولكن احلام ظلوط ... ولكن اكتشفت ليك سر خطييير عن النوع بتاع الفن الراقي دا وجماعته ...وخايفه اقولوا يطلع ويجيب لي الهوى ...وعشان كدا اوعدك الايام الجاياك دي وجاياني حنشوف العجب وفيها فيديو كليب وما تستبعد تشوفني في اي واحد لو اتيحت لي فرصة ..قال كليب قال ..بالله عايزه رايك في الحته دي بمجرد بث العمل الفني دا ..اتفقنا ...ولك محبتي نعمه |
اتفقنا ويا ريت يكون ثمين في فحواه وبعدها لكل حادث حديث. التحية لك الفاضلة نعمات
|
اقتباس:
كنتا جيت في مهمة * المشاركة الإجتماعية، الأدبية والمادية مع ضعفها * جس نبض للنشاطات * مجاملة سيد الدعوى دكتور مهدي ومساندتو أدبين برضو نجحت في أجزاء ولم أنجز البعض القليل لكن الجايات بنكمل الفاتنا في دي ونلقاكم في أبوظبي بالمناسبة أنا شفتك وعرفتك ;) لأنك كنتي المقدمة الناجحة للبرنامج الناجح إنشاء الله بقدم نفسي ليك في أبوظبي ويا ستي ما فاتك كتير غير شوفت عمن ليك بس أنا الح أكون فايز ما بي شوفتك |
الدكتور ..بابكر ..
برغم ...الاستعجال ..الكان ..نتيجة لعجالة المهمة والتي لاتتحمل التاخير حاولت جاهدة ان اقدم ما في مقدوري وبالتاكييييد خسرت ..عندما ..انشغلت انا بالتقديم ولم احظي بمقابلتك ..وكيفما تكون عما او خالا ..اوصديقا او .....او اكون ... يكفيني شرفا ان يجمعنا هدفا نبيلا ..ومكان واحد ..والمرة الجاية سوف ابحث عنك انا ..مادمت عمي .. ولك محبة شديدة من بت اخوك .. النعمة |
| الساعة الآن 02:45 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.