آخر لحظة تكشف أسماء مرشحى الاتحادى الديمقراطى لمناصب الولاة
 

[QUOTE=هجو;111918][size=4][font=Simplified Arabic]آخر لحظة تكشف أسماء مرشحى الاتحادى الديمقراطى لمناصب الولاة
جاء العنوان الرئيسى لصحيفة آخر لحظة اليوم السبت 11 اكتوبر 2008 العدد رقم 787 وبالفنط العريض وباللون الاحمر كالاتى:
آخر لحظة تحصل على أسماء مرشحى الاتحادى الديمقراطى لمناصب الولاة
والعنوان الثانى للصحيفة وباللون الاسود العريض
طه على البشير للخرطوم وميرغنى عبدالرحمن لكردفان والبخارى الجعلى لنهرالنيل
وجاء فى متن الخبر المطول الذى تصدر الزاوية اليمنى الرئيسية للصحيفة ومن مراسلتها من القاهرة صباح موسى
ان الحزب الاتحادى الديمقراطى بزعامة مولانا الميرغنى بدأ استعداداته للانتخابات المقبلة وكشف مصدر اتحادى قيادى للصحيفة جانب من اسماء مرشحى الحزب لمنصب الوالى فى بعض الولايات

يا جماعة دي ترشيحات للانتخابات أم للمشاركة في حكومة الوحدة الوطنية؟
لو كانت للحكومة القصة حتبقى ذي المعاملات البنكية في السودان أجلها قصير وأرباحها عالية وأحياناً بيضيع الرهن والزول بيدخل السجن :)

العزيز كيشو والشقيق كباشى
هذه ليست مشاركة فى الحكومة الحالية
هذه ترشيحات للانتخابات المقبلة
يعنى ديل مرشحين عشان يكونوا فى محل ولاة الكيزان
يعنى حا ينازلونهم فى معارك انتخابية الفيصل والحكم فيها اصوات الناخبين
غايتو نحن فى الخرطوم حا نقيف بقوة مع طه على البشير ضد المتعافى
لكن برضوا ما حانكون ضامنين النتيجة
اصلوا الجماعة شاطرين فى التزوير
انا ماعندى شك ان جماهير الهلال بالعاصمة لوحدها ومعها جماهير الرياضة الاخرى قادرة على ضمان الفوز لمرشح الاتحادى حكيم الرياضة السودانية وخبير الادارة العالمى بس كيف تكون نزيهة
شايف بقية المرشحين اسماء لامعة ممكن يفوزوا ويكتسحوا الانتخابات فى ولاياتهم
لكن يا جماعة معقول الكيزان ديل افارقوا السلطة باخوى واخوك
اذا السمك بعيش برة الموية يعيش الكيزان برة السلطة
شدوا حيلكم وبرنا يوفقكم

[QUOTE=هجو;111982]العزيز كيشو والشقيق كباشى
هذه ليست مشاركة فى الحكومة الحالية
هذه ترشيحات للانتخابات المقبلة
يعنى ديل مرشحين عشان يكونوا فى محل ولاة الكيزان
يعنى حا ينازلونهم فى معارك انتخابية الفيصل والحكم فيها اصوات الناخبين


أنا فهمتها كده يا هجو، ووضعت خط تحت ما ورد في الخبر، وليس من المعقول أن يعطى الحزب الاتحادي هذا العدد الهائل من المناصب في حكومة الوحدة الوطنية

[align=justify]عليك الله شوف الزول دى هسع بعد ما فرحتنا تجي تقول كت بحلم ! نحن قلنا خلاص ناسنا ديل أتاريهم راقدين فوق فهم و لا ماسكين لهم على الجماعة ديل كرت قوي ولا يكون الكيزان دقسوا في أخر الدقائق وحمى أوكامبو ، وكله طلع أحلام و أفلام خيال الله يسامحك . غايتو يازول زي ما قال د. بابكر ناس ما هينين نظافة وسياسة ومواقف وكمان ناس الجعلي ديل طاقية الجعليين ود. بخاري راجل رزين وإتحادي علي السكين وطه علي البشير نجاحاته في حجار بس تكفي شهادة إدارة تغير بلد مش عاصمة وميرغني عبد الرحمن رجل مرحلة وكان صحيح الإتحادي سيرشح هؤلاء بكون إنعدل في قعدته وداير يقوم علي حيله .[/align]