صاجات يا الناس القدامى كى لا يطير الحمام الجديد
بإذن الله ساعود وفى طياتى كالعادة سوسو حماده، والخوف من اللسان الطالق (بالنسبة للحلوين الجدد)، لذلك هنا نداء للشفوت القدامى ان يرموا لى الصاجات على الطريق خوف الوحل في رمال سؤ الفهم.
ساعود رغم زحام الدنيا، الذى إنتظرته كثيرآ حتى أن يصاب بالهدؤ ولكنه يبدو أصابنى بالجنون، فكان إنتظارى هباء منثورا (وفى رواية اخرى (شمار فى مرقة))، ولكن بما إننى شفت وتفتيحة، لجئت للبحث عنكم فى وسط الزحام من أجل إنبطاحة وإستراحة عندكم (الله يكفيكم شر الإنبطاحات;)). إفتقارى لكيبورد عربى كان ومازال كربة تضايقنى، والى ان ينزل الله امرآ كان كيبورده عربيآ، فهأنذا أفرجها عن نفسى ببيع ناقة زمنى وصبرى وأشترى دجاجآ يلقط الحبة (الكتابة عن طريق الماوس)، ولحسن حظى لم يتوفى الله ناقتى ولكن لسؤه فوجئت بان الدجاج أعور. سأعود وبين سطورى بخيتة كبابى وفتحية ككر وعوض جالطون، عوض جالطون الذى كان يعمل محاسب، فكان يحاسب نفسه قبل ان يحاسبه الناس ورب العالمين، فكان جزائه كجزاء سنمار، احيل عوض جالطون للضرر العام من أجل الصالح الخاص، فصلى وصلى كيغسل أحزانه فكانت همومه اكبر من أن تذوب بركعتين، فلجأ الى مسيد السيدة بخيتة كبابى فتعلم على يدها شراب العرقى. سأعود وقد اجهض الزحام وعدم الكيبورد العربى حملآ جميلآ حملته بين أفكارى (لكن إكتشفت ليكم انو الحمل والولادة ديل اصلو مما مشكلة، ديل بقدر عليهم، لكن بينى وبينكم كعب الوحم;)). فضاع الكثير من بين دفاتيرى: - اللحم الابيض المتوسط (جكسوية أجنبية) - الغنمايات المتحدة - علوية رفارف - على جرادل - تهانى ام شطور - الشرطة عين ساحرة ويد حنينة (جكسوية أجنبية تانية;) تعمل ضابط بالشرطة) كلها وغيرها ضاع. ولنا عودة، فقد تعب دجاجى الاعور من لقيط الحبه;) عكود، خالد الحاج، معتصم الطاهر وعصمت العالم وكل الناس القدامى، عليكم الله الحقونى بالصاجات وبعض من كتاباتى القديمة، لانو انا لو جيت خاشى توووش كدا، الحمام الجديد ده كلو بطير وبخلى رحيتكم طير طير;) ودى من كل فج عميق. |
حمام يطير:mad: حمى يلمسوها بالقناية ان شاء الله
خرفان حمد وحيات دينى وايمانى مشتاقييييين انت والله زول خوتك خوة جريوات لذلك ساعمل ضدكم بكل ما اوتيت من قوة ولا نامت اعين الجبناء وبالله عليك علوية جردل وفاطنة تبش وحسن كفتيرة ما تنساهم |
مرحب بيك ياعثمان
نحنا غايتو (خاتفين لونين) لا نا قدام ولانا جداد (بضم الجيم) عشان ماتلحقنا الصح :mad: الصاجات هينة يابن العم بس أعصر على الشقل وأختا الرملة :D أقعد عافية |
كيفك يامجنون
منتظر ايميلك داك.. ومن ديك ومافى خبر راجينكم فى الكريسماس ونهاية السنة.. كدة على الهواء مباشرة عشان ماتتجنن معاى..:mad: تكتر وتقلل بفتو زى الترتيب سارة ماغريبة وعمك جادين عندو ولدين واحد اسمو حسن والتانى اسمو حسين... يلا فى رجاكم |
بالمناسبة عمك عكود حايكون قريب ..
يعنى شرق المتوسط واشياء اخرى.. شد السلوك وخلينا ننجض الشغل |
ايه وا شريري انت جيت يا المبروك
|
يعني يا عثمان إنت محتاج ليك "صاجات" يا بتاع ال (فور ويل درايف) أو 4X4
اقتباس:
حمدا لله علي السلامة.. |
شوفوا ..
الصاجات الوحيدة الممكن أختها ليهو فى الرملة .. ممكن تكون وصايا .. للناس الجديدة .. خاصة ... أوعاكم تدخلوا لامن يجيب سيرة سوسو حمادة وبقية العقد الفوق دا و العفش داخل البص .... |
اقتباس:
المنشرة في كل السودان والبوستات الواسعة بأشكال والوان وإشتقنا لإسمك كسرو مركب لما يحير "عثمان حمد عثمان حمد" عندي ود أخويا ذيك،، ابراهيم قاسم ابراهيم قاسم وأخرتها مخير. الحبيب كسرنا ركبة وسط الحبان هنانا لاحسين عسل سكر كنانة وبأمانة، ناساتك ديل: سوسو حماده جكسوية أجنبية الغنمايات المتحدة علوية رفارف على جرادل تهانى ام شطور الشرطة عين ساحرة ويد حنينة (جكسوية أجنبية تانية تعمل ضابط بالشرطة) راجيين طلتهن/هم (دا طبعن في حال على جرادل، هو وهو بالجد جد) مرحب بيك عايد |
اقتباس:
اقتباس:
اقتباس:
اقتباس:
|
اقتباس:
قديم، خاتف لونين، او حتى حمام جديد;) انا سعيد بلقاءك هنا;) اقتباس:
لك ودى;) |
اقتباس:
|
اقتباس:
|
اقتباس:
كان دي العينة من حسي النشوف لينا قفص تاني نحنا يا خوي كرت كرتونة وشكيتو علي الله الاتبرع ليك بي كيبورد كان يخليك علي الكوبي بيست تكتب وتلحم ورفقا بالحمام يا عثمان لحام:D |
اقتباس:
|
| الساعة الآن 06:23 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.