[الفاتح]

كتب هاشم طه:

وذات الوقـت أخاطب العزيز دائماً شليل 07 بأن من غير المرجـح أن يقبل السودانيون في الداخل بإنقلاب آخـر وبعسكرتارية لحقبة أخرى.

مرحب بيك تاني يا هاشم ، وأهلاً بالقلم المتميز.
المسألة ما مسألة قبول ، الجماهير رأيها إتصادر من فترة طويلة وفقدت المصداقية في أي جسم سياسي حايم حواليها.. الجماهير محتاجه لحكومة تحميها في المرحلة دي.
هسه الحاصل شنو ؟ الرؤية مظلمة مش؟ يعني فرضية إنو يكون في تحول ديمقراطي وإنتخابات نزيهه في الوكت الحالي مستبعدة ، نزاهة قضاء يحاكم البشير ويقي الدولة الدموم الحتطفح مستقبلياً برضومستبعدة،
وفي الجانب التاني لاحظ إنو في قضايا معلقة بل هي قضايا رئيسية:
دارفور: آس القضية ، النزيف اليومي والتهجير والإغتصاب، والشرخ الإتبنى في جواهم تجاهنا نحن معشر الجلابه المغضوب عليهم وضرورة الإنتقام.
أبيي :وترسيم الحدود بثقلها التاريخي وتواجد الجيش الشعبي بآلياتو العسكرية ، والزحف إللي إمتد لحدي النيل الأزرق.
ضف لذلك الحركات المسلحة الحايمة جوًه وعددا ما معروف كم والقوامها الرئيسي من المهمشين.

يا هاشم يا أخوي ، أنا ضد العساكر والديكتاتورية وأي نظام شمولي، لكن الأوضاع السياسية محتقنه ومافي أفق بيبشر بالخير، لكن أهو في الوكت الحالي خيار تغيير عسكري- مماتبقى من الضباط الشرفاء - يسلم السلطه لحكومة منتخبة ممكن يكون أفضل أسوأ الخيارات الموجودة حالياً.