اقتباس:
المشاركة الأصلية كتبت بواسطة حافظ حسين
يا قيقا ما في أي معط هنا ... و بس دي أنا قاصد ب بقر المفتوحة علي الشارع , ما المكسورة لطرد الكدايس ... بعدين إنت قلت العلمانية الفجة و إستندت علي الفجاجة دي في مفهوم بيناوي لها, لكن ما علينا بتفق معاك أنا ذاتي في الدولة المدنية دي و نخلي مصطلح العلمانية العامل كركبة دي كلو كلو
و دي خطوة لقدام ... طيب يا حبيب دولة الحقوق دي حتتعمل كيف؟... حتتعمل كيف و أنا عندي نصوص دينية متماسكة جداً بترفض الدولة المدنية دي
يعني مثلاً عندك المادة 18 من الإعلان العالمي لحقوق الإنسان بتقول:
( لكل شخص الحق في حرية التفكير والضمير والدين، ويشمل هذا الحق حرية تغيير ديانته أو عقيدته، وحرية الإعراب عنهما بالتعليم والممارسة وإقامة الشعائر ومراعاتها سواء أكان ذلك سراً أم مع الجماعة)*.
طيب أتخيل لي بناء علي دولة الحقوق المدنية و كفالة الحريات الفوق كتبتها ديك المادة 18 دي أتخيل لي مرتكز أساسي جداً من مرتكزات الحريات, لكن ما ننسي عندنا نص ديني واضح برفض تبديل العقيدة ,
دي بقي حتلايقها كيف يا قيقا ؟
-------------------
*المصدر: http://www.un.org/ar/documents/udhr/index.shtml#a18 |
يا حافظ انا ما بدعو لدولة دينية ..
و لا اعتقد اني عندي مشكلة مع المادة 18 من الاعلان العالمي لحقوق الانسان ..
المسألة دي بحسمها الدستور ..
و في الدولة المدنية الدستور ديمقراطي بدون أي مرجعيات ..
اي زول يلصّق في مصطلح " الدولة المدنية " لاحقة بمرجعيات اسلامية ( الاخوان المسلمين - مصر، نموذجاً ) فدا واحد من اتنين :
- ما واقع ليو مفهوم الدولة المدنية.
- دجال بخشم الباب داك .. و علج مقطوع من المؤخرة عدييل( او كما قال الصحاف
)
العاوز الاديان - لاحظ الاديان، مش بس الاسلامي - تبقى جزء من مصادر التشريع فليخضعها للمداولة و التصويت الديموقراطي اولاً مش العكس..
او بنقايس الحقوق و الحريات بالدين!؟
* ياخ لو رجع موقع سودانيز في كلام سمح جداً في الموضوع دا ممكن الواحد يستعين بيو ..
لكن الله غالب
نهارك سعيد
-------
انت يا اخوي ما عندك شغل اكل عيش و لّ شنو جيت اتفغت لي
