[ناصر يوسف]

المشاركة الأصلية كتبت بواسطة رشا

صباح بلون النسوان،،،والله حكاية الدين دي،، هاك ،دة طرفي منها ،نان ماعندي حاجة أضيفهاتاني: ،لكن في جذء انت أشرت ليهو لازم نوضحوا(وأنكحواماطاب لكم من النساء مثني وثلاث ورباع ،وان خفتم ألا تعدلوافواحدة)،،طبعا انت حذفت "فواحدة"،أظنك متعمد،،المهم هنالك تكملة في آية تانية ،(ولن تعدلوا ولوحرصتم)،أظن الكلام واضح،طبعا نحنا"بنصدق" الله سبحانه وتعالي لأنه هوالأصدق ،فالله نفسه قطع وأجذم بعدم عدالتكم يارجال،لذلك وضع شرط للتعددوهوالعدل،وعاد وأكد عدم العدالة ولوحرصتم(ربماستسأل اذا كان الأمركذلك فلماذا لم يحرم التعدد؟،أقرب وأصح اجابة لهذا التساؤل المنطقي ،هي أنه اختار أفضل الحلول السيئة لحل مشكلة ذمنية لواقع معقدوقتها(انت عارف قريش راسهاقوي كيف) ،،،، المهم في النهاية لوجمعت الآيتين بتلقي المجموع أن الاسلام نفسه بطريقة غير مباشرة برجع بدين تعدد الزوجات ،،(يعني زي ماقالت سحر التعددماالأصل)،،،لاحظ أن الرسول "ص" نفسه أدان تصرف "علي" وعارضه بشدة، ،تاني شنو ؟ ‏‎
‎

هيااااا بت عمي نان وأنا قلت شيتاً غير كدي ...

التعدد مو أصل الحكاية ... لكنو أمر موجود وفي القرآن ..

بعدين أنا ما فطيت ( فواااااااحدة ) دي قصد مني يعلم الله ... وحتي أنا ما جبت الآية الكريمة كما جاءت في القرآن الكريم ... أنا ذكرت معني قول الآيه بس ...

أهااااااااا تاني شنووو ؟؟ تاني شنو يا ولد ...

أيوااااااااااااااا ...


قلتي لي الإسلام بِدين التعدد ؟؟؟
ده كلام مجافي للحقيقه يا رشا ...
الإسلام لايُديييييييين التعدد .. بل يُبيحه .. فقط أنَّ الله سبحانه وتعالي قد أوضح لمعشرِ الرجال وقال لنا بأنكم يا معشر الرجال قد لا تعدِلو ... فواحدة ... وأنا من الموحدين .. الله وااااحِد وزوجه واحده ...

لكن هناك من يستطع العدل ... وهو العدل ده كيفنهو ؟؟ قولي الزوجتين رضيانات وقبلانات بإنهن يكونن عندهِن راجل مشترك ... مش ده بيدي مدعاة بإنو الراجل قادر يعدل بيناتهن ؟؟
ولا كمان نجي ندخل توشك في قلوب الناس ونقول ده ما عدل ؟؟ وبالمثل ... هل تستوي النساء في الأشياء كلها ؟؟؟ يعني زوجتين .. كل واحده بتختلف في حاجاتها ... أها والقلب وما يهوي ويقع بُررررررررردُلُب ..

يا زوله الموضوع ده جايط ومتداخل فيما بينه والله