[منال]

المشاركة الأصلية كتبت بواسطة محمد أبوعاقلة

الفردة السيرباك ...
(منال)
كل يوم وانتم بخير
عندي مزاج البس جلابية خدرا وفيها خط احمر ... ورقعة ...
والف الف الف لغاية ما ادق الدلجة ...
ثم اصحو على صمت السكون ... أتلفّت ...

كل ايامك مباركة يا جنى ... ودى نفحات طيبات ..اها يادوب عرفتك واقف ألف ليه و لد شيوخ ... من اى سجادة يا ولد امى مدد ...مدد...مدد...مدد .. قلت لى الجلابية خدرا و الطاقية اهديها ليك كمان خدرا ( تيمنا بصاحبنا المرحوم على المك ) و تمشى حافيا و لا اجيب معاى تموت تخلى ... الجلابية المبرقعة فتشتها لقيت انو الجكسى كلو لابسها الخط احمر اصفر (زى شفق المغارب ) و ين فى ساحة شيخ الامين و العصاية ابنوسية .. تلف لف يا محمد فى الرملة الناعمة ... و تدور ثم تدور ... و تضرب رجلينك ضرب و تخش الحلقة حى قيوم ... و تفتر تمرق و تطفح الببسى و تعود رافع ايديك و بالجنبة تجرى الى السجادة و تبرك ... بركات ...

اها اكان على جمعتى اسكت خلها طامسة مطبخ ( اعوس و افرك ) ولمن يمر ظهر الجمعة نكابس الغداء داخلين مارقين ... خابراك محنكش ما بتدور الكسرة و العصيدة و حاتك لا غمدة و لا فى جمة وين مع شراب القهوة و الشاى و القرقراب و لمة الناس الظراف و ما بسمع اى شى و لا بشوف اخبار اجازة من كلو ..

ثم اصحو على صمت السكون ... أتلفّت

طيب انت صاحى و لا نايم ياك محمد المسخوت ... السكون عند الشيوخ اساسى يعقبه ........ نقشتك بى تتلفت لى شنو .... و تاوقت فى خم الرماد لقيت محنك فى ... و اللخبته الحاصلة اها اوريك خم الرماد عندنا كيف عـــــــــــازمـــــــــنــــــــــــك