(لى يوميين بدونك)
الشاعر:عبد الله محمد خير
اداء الفنان صديق احمد
لى يوميين بدونك على بالحسرة مرو
الفرح المعاكى ضقت الليلى مرو
حالى صبحن يحنن العدو ما بيسرو
والاحزان غشتنى والنوم لى يضرو
****************
وكل الدنيا صبحت بى احساسى كونك
الهوى والحنان بس ياهن عيونك
ما بقدر اسيبك وما بقدر اخونك
الله يشيل سعادتى ويديهن جفونك
ويخليك ديمة لى ويغطيك ويصونك
ولى يبجيبك انتى غيابك ما بدورو
الاحزان غشتنى والنوم لى يضرو
*************
كيف بالله حالتك ما واحشاك عنيى
هاك حنان فؤادى وخلى جفاك شوية
خلاص انا بى وراكى طلتنى الاسية
لو شفتيها حالتى ما بترضيها لى
كملت كل دموعى حزن الطير على
ولو يرضيك برضو زيديها الاذية
ما فضل فى قلبى غير الشوق وصبرو
الاحزان غشتنى والنوم لى يضرو
***************
خلاص انا بعد ديه اقول عينيك يحنو
كفاية عيونى راحو تعبو وراكى جنو
قلبك كلو طيبة وانا راجيهو حنو
ما بدى الملامة يخيبر مرة ظنو
جيبى ايديك على يصفقو لى يغنو
يباركوا الناس هوانا يحكو تملى عنو
والايام معاكى بالافراح يمرو
الاحزان غشتنى والنوم لى يضرو