فاطني و الموبايل
دخلت حاجة فاطني الله يطول عمرها العولمة
حين امتلكت موبايل نوكيا عشان عيالها المشتتين يتصلو بيها..
مشكلة عيالها المشتتين يتصلون ولا احد يرد...
يبدا الاتصال بالناس الحولها..
الو سمر انتي حبوبة... اهلييييييين خالتو
انا مافي البيت كان شوفتي يا خالتو علا بقت ترفع راسها
والله بقت حلوة كيف؟؟
برسل ليك صورتها.. قلت ليك يا سمر حبوبة ليه ما بترد
ولا هي ما عارفاها لكن يا خالتو اليويمديك حضرنا لينا جنس عرس..
بالله عرس منو؟
عرس ما بتكوني بتعرفيهم ما ببقو لينا شديد..
اوكي بالله كلمي حبوبة اني اتصلت بيها..
طق طق طق طق الو محاسن
عاملة كيف ياخي حبوبة دي......
انا في مدني عايزة ابيع الاراضي حقتنا..
والله علا بقت حلوة كيف بقت ترفع راسها..
وبتسبه سحر قطعة منها...
طقطقططقطقططقط الو ايمان انت حبوبة دي.....
هي يا خالتو مشتاقين يا فردة..
امبارح مشينا عقد الجلاد والله حفلة سمحة سماحة ما حصلت
لاقيت حوا سالت منك ...
"بالمناسبة" علا بقت عسل بقت ترفع راسها
قلت ليك يا يا ابمان حبوبة دي ليه ما بترد على تلفونها
حبوبة داسة تلفونها في الدولاب عشان الشفع بسرقو رصيد منها..كككنكنك ( موسيقى تصويرية)
بس بتطلعو يوم الجمعة عشان عادل وسعاد ومحمد بضربوا يوم الجمعة..
تك سسسسسسسسسسسسن الكرت قطع..
وما قدرت اسمح صوت امي الحنين يقول الو بالشايقي..
|