اقتباس:
المشاركة الأصلية كتبت بواسطة AMAL
حلوين 
سنوية اكتبي يابت
تغلبيه بالكتابة ويغلبك بالحب  |
اموله الغربه و روتينها يرجعوا الزول لقصص كنا ما منتبهين ليها , اتمرت و اترصت في الذاكره......... وبقينا ذي التاجر الفلس و رجع لدفاتره القديمه........نحكي قصص عائشنا شخوصها واحسسنا ببعض اَلامها.
عارفهانا مشيت بلدنا قبل تلاته سنواتو لقيتها اتغيرت تماما .....اطباق فضائيه.....تلاجات.... غسالات.... ديب فريزر ...بوتجازات...التكاسي الصفراء.... الناس ارتاحت من الشقاوه لكن نكهة القريه الجميله اختفت......... قصص الحب الجميله ذي الفوق دي اتبدلت بقصص مستلبه بالبيشوفوه في الفضائيات.
انا مسكونه بعشق القريه بنسختها القديمه ..........و نكهة الشاي بحطب السنط.......اختك دي يا عملت هوائل ......... حش قش....لقيط حطب.....عواسه فطير و قراريص....ونص راسي يشهد بكمية صفائح المويه النقلتهم للزير......واه من موية الزير........مع الرطب الشهي........وكانت الحمير مواصلاتنا المعتمده .........واللواري وسيلة السفر.
يا حليل الزمن و يا حليلنا.