اقتباس:
المشاركة الأصلية كتبت بواسطة ماهر حسن محمد بيك
والله بالجد ...قلبي واجعني بطريقة ما أقدر أوصفها
جبت مسرحيات كوميدية...... ما قدرت أضحك
جبت اغاني كانت بتإثر فيا و مقاطع تراجيدية ...ما قادر أبكي
قرآن كريم ..... كل شوية أنتبه إني ما قاعد أسمع
تفكيري كله في الحصل
ما ممكن إنسان عاقل يعمل العملتيه
ليه!!!؟
ما حصل إتكلمت معاها كلمة شينة
ما حصل ورتني زعلها من شي و كررته
ما حصل طلبت منها تقيد حريتها
كل الثقة أديتها ليها
ليه يا بنت الناس!!!!!!!؟
بتنتقمي من مين في شخصي؟
معرفتي بيك كلها أربعين يوم
في الأربعين يوم عرفتي عني حاجات ما في زول في الدنيا بيعرفها
حكيت ليك عن أهلي و علاقتي معاهم .... و المرحومة .... و كيف كنت بأقعد أيام بدون أكل
حلفتي لي .... و الله ما أخليك تبكي في يوم
قسمك صحيح ...فعلا ما قادر أبكي
الدموع زي الحجارة جوة عيوني .... لا قادر أنزلهم ..... و متألم منهم
كنت بأناديك ..... ماما
بقيتي اغلى و أهم مخلوق في الدنيا
كنت أخاف أجرح مشاعرك بكلمة
في يوم ما نمت إلا بعد أكدتي إنك ما زعلانة
ليه!!!؟
ليه!!!؟
ليه!!؟
|
اخي ماهر
ليتها تسمعك و انا اعطيها شهادة صلاحيه مفتوحة الاجل.