اقتباس:
المشاركة الأصلية كتبت بواسطة الرشيد اسماعيل محمود
قلت لي فرزت عيشة الجكس ومرقتهم من زمرة الناس زي الترتيب!
الأستاذ دخل الفصل وقال الحصّة تسميع، الجماعة ما حافظين، في واحد فيهم حافظ الموضوع لكن ناسي البداية، لمّا الأستاذ حصّلو قام يتكبكب، الأستاذ فال ليهو: مالك؟ ما حافظ صاح؟
التلميذ ردّ: والله حافظ يا استاذ، لكن مسِّكني طرف الخيط
أها:
الونسة في السودان عبارة عن "طرف خيط" والباقي بجي بالنيّة، كلمة واحدة والناس بتندفق والونسة تبقي مارقة وسواقة العجلة بعد داك، ما بتتنسي.
صاحبنا لو داير يدخل شمال في ونسة مع جكسوية، عندو فرمالة واحدة بقول:
إنتي مالك سمحة كدة!!؟
بتخيّل ليّ السودان دة، بلد صالح جدّاً لحاجتين:
عمل الخير "لأنو كل الناس محتاجة صدقة"
الونسة "لأنو مافي موضوع"
تحياتي يا حرسم
الرشيد مقالدة ياخ اولا لانو جيت وتانيا لانك عبرتنى وثالثا لانك جبت لى حاجة مفيدة ورابعا لانك لامست فينى حتة سمحة كدا
كتر خيرك ياخ
اها ويلا بالنسبة لفرز الكيمان دى من عندو هو (صاحبى ) قالها كدا ههههه
اها تفتيش البدايات دى هى ذاتا المشكلة الكبيرة
وفى نوع دقسات
بجيك بى رواقة عندى مسلسل محرقنى داير انزلو فى الجور الحاااااااااار دا